आचारखण्ड — Adhyaya 195

इति श्रीगारुडे महापुराणे पूर्वखण्डे प्रथमांशाख्ये आचारकाण्डे वैष्णवकवचकथनं नाम चतुर्नवत्युत्तरशततमो ऽध्यायः श्रीगरुडमहापुराणम्- १९५ हरिरुवाच । सल्वकामप्रदां विद्यां सप्तरात्रेण तां शृणु । नमस्तुभ्यं भगवते वासुदेवाय धीमहि

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe vaiṣṇavakavacakathanaṃ nāma caturnavatyuttaraśatatamo 'dhyāyaḥ śrīgaruḍamahāpurāṇam- 195 hariruvāca / salvakāmapradāṃ vidyāṃ saptarātreṇa tāṃ śṛṇu / namastubhyaṃ bhagavate vāsudevāya dhīmahi

1.195.1

प्रद्युम्नायानिरुद्धाय नमः सङ्गर्षणाय च । नमो विज्ञानमात्राय परमानन्दमूर्तये

pradyumnāyāniruddhāya namaḥ saṅgarṣaṇāya ca / namo vijñānamātrāya paramānandamūrtaye

1.195.2

आत्मारामाय शान्ताय निवृत्तद्वैतदृष्टये । त्वद्रूपाणि च सर्वाणि तस्मात्तुभ्यं नमो नमः

ātmārāmāya śāntāya nivṛttadvaitadṛṣṭaye / tvadrūpāṇi ca sarvāṇi tasmāttubhyaṃ namo namaḥ

1.195.3

हृषीकेशाय महते नमस्ते ऽनन्तमूर्तये । यस्मिन्निदं यतश्चैतत्तिष्ठत्यग्रे ऽपि जायते

hṛṣīkeśāya mahate namaste 'nantamūrtaye / yasminnidaṃ yataścaitattiṣṭhatyagre 'pi jāyate

1.195.4

मृन्मयीं वहसि क्षोणीं तस्मै ते ब्रह्मणे नमः । यन्न स्पृशन्ति न विदुः मनोबुद्धीन्द्रियासवः । अन्तर्बहिस्त्वं चरसि व्योमतुल्यं नमाम्यहम्

mṛnmayīṃ vahasi kṣoṇīṃ tasmai te brahmaṇe namaḥ / yanna spṛśanti na viduḥ manobuddhīndriyāsavaḥ / antarbahistvaṃ carasi vyomatulyaṃ namāmyaham

1.195.5

ॐ नमो भगवते महापुराषाय महाभूतपतये सकलसत्त्वभाविव्रीडनिकरकमलरेणूत्पलनिभधर्माख्यविद्यया? चरणारविन्दयुगल परमेष्ठिन् नमस्ते । अवाप विद्याधरतां चित्रकेतोश्च विद्यया

oṃ namo bhagavate mahāpurāṣāya mahābhūtapataye sakalasattvabhāvivrīḍanikarakamalareṇūtpalanibhadharmākhyavidyayā? caraṇāravindayugala parameṣṭhin namaste / avāpa vidyādharatāṃ citraketośca vidyayā

1.195.6