वायवीयसंहिता पूर्वभाग — Adhyaya 15

वायुरुवाच यदा पुनः प्रजाः सृष्टा न व्यवर्धन्त वेधसः तदा मैथुनजां सृष्टिं ब्रह्मा कर्तुममन्यत

vāyuruvāca yadā punaḥ prajāḥ sṛṣṭā na vyavardhanta vedhasaḥ tadā maithunajāṃ sṛṣṭiṃ brahmā kartumamanyata

Vayaviya Samhita — Purva Bhaga 15.1

न निर्गतं पुरा यस्मान्नारीणां कुलमीश्वरात् तेन मैथुनजां सृष्टिं न शशाक पितामहः

na nirgataṃ purā yasmānnārīṇāṃ kulamīśvarāt tena maithunajāṃ sṛṣṭiṃ na śaśāka pitāmahaḥ

Vayaviya Samhita — Purva Bhaga 15.2

ततस्स विदधे बुद्धिमर्थनिश्चयगामिनीम् प्रजानमेव वृद्ध्यर्थं प्रष्टव्यः परमेश्वर

tatassa vidadhe buddhimarthaniścayagāminīm prajānameva vṛddhyarthaṃ praṣṭavyaḥ parameśvara

Vayaviya Samhita — Purva Bhaga 15.3

प्रसादेन विना तस्य न वर्धेरन्निमाः प्रजाः एवं संचिन्त्य विश्वात्मा तपः कर्तुं प्रचक्रमे

prasādena vinā tasya na vardherannimāḥ prajāḥ evaṃ saṃcintya viśvātmā tapaḥ kartuṃ pracakrame

Vayaviya Samhita — Purva Bhaga 15.4

तदाद्या परमा शक्तिरनंता लोकभाविनी आद्या सूक्ष्मतरा शुद्धा भावगम्या मनोहरा

tadādyā paramā śaktiranaṃtā lokabhāvinī ādyā sūkṣmatarā śuddhā bhāvagamyā manoharā

Vayaviya Samhita — Purva Bhaga 15.5

निर्गुणा निष्प्रपञ्चा च निष्कला निरुपप्लवा निरंतरतरा नित्या नित्यमीश्वरपार्श्वगा

nirguṇā niṣprapañcā ca niṣkalā nirupaplavā niraṃtaratarā nityā nityamīśvarapārśvagā

Vayaviya Samhita — Purva Bhaga 15.6

तया परमया शक्त्या भगवंतं त्रियम्बकम् संचिन्त्य हृदये ब्रह्मा तताप परमं तपः

tayā paramayā śaktyā bhagavaṃtaṃ triyambakam saṃcintya hṛdaye brahmā tatāpa paramaṃ tapaḥ

Vayaviya Samhita — Purva Bhaga 15.7

तीव्रेण तपसा तस्य युक्तस्य परमेष्ठिनः अचिरेणैव कालेन पिता संप्रतुतोष ह

tīvreṇa tapasā tasya yuktasya parameṣṭhinaḥ acireṇaiva kālena pitā saṃpratutoṣa ha

Vayaviya Samhita — Purva Bhaga 15.8

ततः केनचिदंशेन मूर्तिमाविश्य कामपि अर्धनारीश्वरो भूत्वा ययौ देवस्स्वयं हरः

tataḥ kenacidaṃśena mūrtimāviśya kāmapi ardhanārīśvaro bhūtvā yayau devassvayaṃ haraḥ

Vayaviya Samhita — Purva Bhaga 15.9

तं दृष्ट्वा परमं देवं तमसः परमव्ययम् अद्वितीयमनिर्देश्यमदृश्यमकृतात्मभिः

taṃ dṛṣṭvā paramaṃ devaṃ tamasaḥ paramavyayam advitīyamanirdeśyamadṛśyamakṛtātmabhiḥ

Vayaviya Samhita — Purva Bhaga 15.10

सर्वलोकविधातारं सर्वलोकेश्वरेश्वरम् सर्वलोकविधायिन्या शक्त्या परमया युतम्

sarvalokavidhātāraṃ sarvalokeśvareśvaram sarvalokavidhāyinyā śaktyā paramayā yutam

Vayaviya Samhita — Purva Bhaga 15.11

अप्रतर्क्यमनाभासममेयमजरं ध्रुवम् अचलं निर्गुणं शांतमनंतमहिमास्पदम्

apratarkyamanābhāsamameyamajaraṃ dhruvam acalaṃ nirguṇaṃ śāṃtamanaṃtamahimāspadam

Vayaviya Samhita — Purva Bhaga 15.12

सर्वगं सर्वदं सर्वसदसद्व्यक्तिवर्जितम् सर्वोपमाननिर्मुक्तं शरण्यं शाश्वतं शिवम्

sarvagaṃ sarvadaṃ sarvasadasadvyaktivarjitam sarvopamānanirmuktaṃ śaraṇyaṃ śāśvataṃ śivam

Vayaviya Samhita — Purva Bhaga 15.13

प्रणम्य दंडवद्ब्रह्मा समुत्थाय कृतांजलिः श्रद्धाविनयसंपन्नैः श्राव्यैः संस्करसंयुतैः

praṇamya daṃḍavadbrahmā samutthāya kṛtāṃjaliḥ śraddhāvinayasaṃpannaiḥ śrāvyaiḥ saṃskarasaṃyutaiḥ

Vayaviya Samhita — Purva Bhaga 15.14

यथार्थयुक्तसर्वार्थैर्वेदार्थपरिबृंहितैः तुष्टाव देवं देवीं च सूक्तैः सूक्ष्मार्थगोचरैः

yathārthayuktasarvārthairvedārthaparibṛṃhitaiḥ tuṣṭāva devaṃ devīṃ ca sūktaiḥ sūkṣmārthagocaraiḥ

Vayaviya Samhita — Purva Bhaga 15.15

ब्रह्मोवाच जय देव महादेव जयेश्वर महेश्वर जय सर्वगुण श्रेष्ठ जय सर्वसुराधिप

brahmovāca jaya deva mahādeva jayeśvara maheśvara jaya sarvaguṇa śreṣṭha jaya sarvasurādhipa

Vayaviya Samhita — Purva Bhaga 15.16

जय प्रकृति कल्याणि जय प्रकृतिनायिके जय प्रकृतिदूरे त्वं जय प्रकृतिसुन्दरि

jaya prakṛti kalyāṇi jaya prakṛtināyike jaya prakṛtidūre tvaṃ jaya prakṛtisundari

Vayaviya Samhita — Purva Bhaga 15.17

जयामोघमहामाय जयामोघ मनोरथ जयामोघमहालील जयामोघमहाबल

jayāmoghamahāmāya jayāmogha manoratha jayāmoghamahālīla jayāmoghamahābala

Vayaviya Samhita — Purva Bhaga 15.18

जय विश्वजगन्मातर्जय विश्वजगन्मये जय विश्वजगद्धात्रि जय विश्वजगत्सखि

jaya viśvajaganmātarjaya viśvajaganmaye jaya viśvajagaddhātri jaya viśvajagatsakhi

Vayaviya Samhita — Purva Bhaga 15.19

जय शाश्वतिकैश्वर्ये जय शाश्वतिकालय जय शाश्वतिकाकार जय शाश्वतिकानुग

jaya śāśvatikaiśvarye jaya śāśvatikālaya jaya śāśvatikākāra jaya śāśvatikānuga

Vayaviya Samhita — Purva Bhaga 15.20

जयात्मत्रयनिर्मात्रि जयात्मत्रयपालिनि जयात्मत्रयसंहर्त्रि जयात्मत्रयनायिके

jayātmatrayanirmātri jayātmatrayapālini jayātmatrayasaṃhartri jayātmatrayanāyike

Vayaviya Samhita — Purva Bhaga 15.21

जयावलोकनायत्तजगत्कारणबृंहण जयोपेक्षाकटाक्षोत्थहुतभुग्भुक्तभौतिक

jayāvalokanāyattajagatkāraṇabṛṃhaṇa jayopekṣākaṭākṣotthahutabhugbhuktabhautika

Vayaviya Samhita — Purva Bhaga 15.22

जय देवाद्यविज्ञेये स्वात्मसूक्ष्मदृशोज्ज्वले जय स्थूलात्मशक्त्येशेजय व्याप्तचराचरे

jaya devādyavijñeye svātmasūkṣmadṛśojjvale jaya sthūlātmaśaktyeśejaya vyāptacarācare

Vayaviya Samhita — Purva Bhaga 15.23

जय नामैकविन्यस्तविश्वतत्त्वसमुच्चय जयासुरशिरोनिष्ठश्रेष्ठानुगकदंबक

jaya nāmaikavinyastaviśvatattvasamuccaya jayāsuraśironiṣṭhaśreṣṭhānugakadaṃbaka

Vayaviya Samhita — Purva Bhaga 15.24

जयोपाश्रितसंरक्षासंविधानपटीयसि जयोन्मूलितसंसारविषवृक्षांकुरोद्गमे

jayopāśritasaṃrakṣāsaṃvidhānapaṭīyasi jayonmūlitasaṃsāraviṣavṛkṣāṃkurodgame

Vayaviya Samhita — Purva Bhaga 15.25

जय प्रादेशिकैश्वर्यवीर्यशौर्यविजृंभण जय विश्वबहिर्भूत निरस्तपरवैभव

jaya prādeśikaiśvaryavīryaśauryavijṛṃbhaṇa jaya viśvabahirbhūta nirastaparavaibhava

Vayaviya Samhita — Purva Bhaga 15.26

जय प्रणीतपञ्चार्थप्रयोगपरमामृत जय पञ्चार्थविज्ञानसुधास्तोत्रस्वरूपिणि

jaya praṇītapañcārthaprayogaparamāmṛta jaya pañcārthavijñānasudhāstotrasvarūpiṇi

Vayaviya Samhita — Purva Bhaga 15.27

जयति घोरसंसारमहारोगभिषग्वर जयानादिमलाज्ञानतमःपटलचंद्रिके

jayati ghorasaṃsāramahārogabhiṣagvara jayānādimalājñānatamaḥpaṭalacaṃdrike

Vayaviya Samhita — Purva Bhaga 15.28

जय त्रिपुरकालाग्ने जय त्रिपुरभैरवि जय त्रिगुणनिर्मुक्ते जय त्रिगुणमर्दिनि

jaya tripurakālāgne jaya tripurabhairavi jaya triguṇanirmukte jaya triguṇamardini

Vayaviya Samhita — Purva Bhaga 15.29

जय प्रथमसर्वज्ञ जय सर्वप्रबोधिक जय प्रचुरदिव्यांग जय प्रार्थितदायिनि

jaya prathamasarvajña jaya sarvaprabodhika jaya pracuradivyāṃga jaya prārthitadāyini

Vayaviya Samhita — Purva Bhaga 15.30

क्व देव ते परं धाम क्व च तुच्छं च नो वचः तथापि भगवन् भक्त्या प्रलपंतं क्षमस्व माम्

kva deva te paraṃ dhāma kva ca tucchaṃ ca no vacaḥ tathāpi bhagavan bhaktyā pralapaṃtaṃ kṣamasva mām

Vayaviya Samhita — Purva Bhaga 15.31

विज्ञाप्यैवंविधैः सूक्तैर्विश्वकर्मा चतुर्मुखः नमश्चकार रुद्राय रद्राण्यै च मुहुर्मुहुः

vijñāpyaivaṃvidhaiḥ sūktairviśvakarmā caturmukhaḥ namaścakāra rudrāya radrāṇyai ca muhurmuhuḥ

Vayaviya Samhita — Purva Bhaga 15.32

इदं स्तोत्रवरं पुण्यं ब्रह्मणा समुदीरितम् अर्धनारीश्वरं नाम शिवयोर्हर्षवर्धनम्

idaṃ stotravaraṃ puṇyaṃ brahmaṇā samudīritam ardhanārīśvaraṃ nāma śivayorharṣavardhanam

Vayaviya Samhita — Purva Bhaga 15.33

य इदं कीर्तयेद्भक्त्या यस्य कस्यापि शिक्षया स तत्फलमवाप्नोति शिवयोः प्रीतिकारणात्

ya idaṃ kīrtayedbhaktyā yasya kasyāpi śikṣayā sa tatphalamavāpnoti śivayoḥ prītikāraṇāt

Vayaviya Samhita — Purva Bhaga 15.34

सकलभुवनभूतभावनाभ्यां जननविनाशविहीनविग्रहाभ्याम् नरवरयुवतीवपुर्धराभ्यां सततमहं प्रणतोस्मि शंकराभ्याम्

sakalabhuvanabhūtabhāvanābhyāṃ jananavināśavihīnavigrahābhyām naravarayuvatīvapurdharābhyāṃ satatamahaṃ praṇatosmi śaṃkarābhyām

Vayaviya Samhita — Purva Bhaga 15.35