← Vayaviya Samhita — Uttara Bhaga
वायवीयसंहिता उत्तरभाग — Adhyaya 15
श्रीकृष्ण उवाच भगवान्मंत्रमाहात्म्यं भवता कथितं प्रभो तत्प्रयोगविधानं च साक्षाच्छ्रुतिसमं यथा
śrīkṛṣṇa uvāca bhagavānmaṃtramāhātmyaṃ bhavatā kathitaṃ prabho tatprayogavidhānaṃ ca sākṣācchrutisamaṃ yathā
Vayaviya Samhita — Uttara Bhaga 15.1
इदानीं श्रोतुमिच्छामि शिवसंस्कारमुत्तमम् मंत्रसंग्रहणे किंचित्सूचितन्न तु विस्मृतम्
idānīṃ śrotumicchāmi śivasaṃskāramuttamam maṃtrasaṃgrahaṇe kiṃcitsūcitanna tu vismṛtam
Vayaviya Samhita — Uttara Bhaga 15.2
उपमन्युरुवाच हन्त ते कथयिष्यामि सर्वपापविशोधनम् संस्कारं परमं पुण्यं शिवेन पतिभाषितम्
upamanyuruvāca hanta te kathayiṣyāmi sarvapāpaviśodhanam saṃskāraṃ paramaṃ puṇyaṃ śivena patibhāṣitam
Vayaviya Samhita — Uttara Bhaga 15.3
सम्यक् कृताधिकारः स्यात्पूजादिषु नरो यतः संस्कारः कथ्यते तेन षडध्वपरिशोधनम्
samyak kṛtādhikāraḥ syātpūjādiṣu naro yataḥ saṃskāraḥ kathyate tena ṣaḍadhvapariśodhanam
Vayaviya Samhita — Uttara Bhaga 15.4
दीयते येन विज्ञानं क्षीयते पाशबंधनम् तस्मात्संस्कार एवायं दीक्षेत्यपि च कथ्यते
dīyate yena vijñānaṃ kṣīyate pāśabaṃdhanam tasmātsaṃskāra evāyaṃ dīkṣetyapi ca kathyate
Vayaviya Samhita — Uttara Bhaga 15.5
शांभवी चैव शाक्ती च मांत्री चैव शिवागमे दीक्षोपदिश्यते त्रेधा शिवेन परमात्मना
śāṃbhavī caiva śāktī ca māṃtrī caiva śivāgame dīkṣopadiśyate tredhā śivena paramātmanā
Vayaviya Samhita — Uttara Bhaga 15.6
गुरोरालोकमात्रेण स्पर्शात्संभाषणादपि सद्यस्संज्ञा भवेज्जंतोः पाशोपक्षयकारिणी
gurorālokamātreṇa sparśātsaṃbhāṣaṇādapi sadyassaṃjñā bhavejjaṃtoḥ pāśopakṣayakāriṇī
Vayaviya Samhita — Uttara Bhaga 15.7
सा दीक्षा शांभवी प्रोक्ता सा पुनर्भिद्यते द्विधा तीव्रा तीव्रतरा चेति पाशो पक्षयभेदतः
sā dīkṣā śāṃbhavī proktā sā punarbhidyate dvidhā tīvrā tīvratarā ceti pāśo pakṣayabhedataḥ
Vayaviya Samhita — Uttara Bhaga 15.8
यया स्यान्निर्वृतिः सद्यस्सैव तीव्रतरा मता तीव्रा तु जीवतोत्यंतं पुंसः पापविशोधिका
yayā syānnirvṛtiḥ sadyassaiva tīvratarā matā tīvrā tu jīvatotyaṃtaṃ puṃsaḥ pāpaviśodhikā
Vayaviya Samhita — Uttara Bhaga 15.9
शक्ती ज्ञानवती दीक्षा शिष्यदेहं प्रविश्य तु गुरुणा योगमार्गेण क्रियते ज्ञानचक्षुषा
śaktī jñānavatī dīkṣā śiṣyadehaṃ praviśya tu guruṇā yogamārgeṇa kriyate jñānacakṣuṣā
Vayaviya Samhita — Uttara Bhaga 15.10
मांत्री क्रियावती दीक्षा कुंडमंडलपूर्विका मंदमंदतरोद्देशात्कर्तव्या गुरुणा बहिः
māṃtrī kriyāvatī dīkṣā kuṃḍamaṃḍalapūrvikā maṃdamaṃdataroddeśātkartavyā guruṇā bahiḥ
Vayaviya Samhita — Uttara Bhaga 15.11
शक्तिपातानुसारेण शिष्यो ऽनुग्रहमर्हति शैवधर्मानुसारस्य तन्मूलत्वात्समासतः
śaktipātānusāreṇa śiṣyo 'nugrahamarhati śaivadharmānusārasya tanmūlatvātsamāsataḥ
Vayaviya Samhita — Uttara Bhaga 15.12
यत्र शक्तिर्न पतिता तत्र शुद्धिर्न जायते न विद्या न शिवाचारो न मुक्तिर्न च सिद्धयः
yatra śaktirna patitā tatra śuddhirna jāyate na vidyā na śivācāro na muktirna ca siddhayaḥ
Vayaviya Samhita — Uttara Bhaga 15.13
तस्माल्लिंगानि संवीक्ष्य शक्तिपातस्य भूयसः ज्ञानेन क्रियया वाथ गुरुश्शिष्यं विशोधयेत्
tasmālliṃgāni saṃvīkṣya śaktipātasya bhūyasaḥ jñānena kriyayā vātha guruśśiṣyaṃ viśodhayet
Vayaviya Samhita — Uttara Bhaga 15.14
यो ऽन्यथा कुरुते मोहात्स विनश्यति दुर्मतिः तस्मात्सर्वप्रकारेण गुरुः शिष्यं परीक्षयेत्
yo 'nyathā kurute mohātsa vinaśyati durmatiḥ tasmātsarvaprakāreṇa guruḥ śiṣyaṃ parīkṣayet
Vayaviya Samhita — Uttara Bhaga 15.15
लक्षणं शक्तिपातस्य प्रबोधानंदसंभवः सा यस्मात्परमा शक्तिः प्रबोधानंदरूपिणी
lakṣaṇaṃ śaktipātasya prabodhānaṃdasaṃbhavaḥ sā yasmātparamā śaktiḥ prabodhānaṃdarūpiṇī
Vayaviya Samhita — Uttara Bhaga 15.16
आनंदबोधयोर्लिंगमंतःकरणविक्रियाः यथा स्यात्कंपरोमांचस्वरनेत्रांगविक्रियाः
ānaṃdabodhayorliṃgamaṃtaḥkaraṇavikriyāḥ yathā syātkaṃparomāṃcasvaranetrāṃgavikriyāḥ
Vayaviya Samhita — Uttara Bhaga 15.17
शिष्योपि लक्षणैरेभिः कुर्याद्गुरुपरीक्षणम् तत्संपर्कैः शिवार्चादौ संगतैर्वाथ तद्गतैः
śiṣyopi lakṣaṇairebhiḥ kuryādguruparīkṣaṇam tatsaṃparkaiḥ śivārcādau saṃgatairvātha tadgataiḥ
Vayaviya Samhita — Uttara Bhaga 15.18
शिष्यस्तु शिक्षणीयत्वाद्गुरोर्गौरवकारणात् तस्मात्सर्वप्रयत्नेन गुरोर्गौरवमाचरेत्
śiṣyastu śikṣaṇīyatvādgurorgauravakāraṇāt tasmātsarvaprayatnena gurorgauravamācaret
Vayaviya Samhita — Uttara Bhaga 15.19
यो गुरुस्स शिवः प्रोक्तो यः शिवः स गुरुः स्मृतः गुरुर्वा शिव एवाथ विद्याकारेण संस्थितः
yo gurussa śivaḥ prokto yaḥ śivaḥ sa guruḥ smṛtaḥ gururvā śiva evātha vidyākāreṇa saṃsthitaḥ
Vayaviya Samhita — Uttara Bhaga 15.20
यथा शिवस्तथा विद्या यथा विद्या तथा गुरुः शिवविद्या गुरूणां च पूजया सदृशं फलम्
yathā śivastathā vidyā yathā vidyā tathā guruḥ śivavidyā gurūṇāṃ ca pūjayā sadṛśaṃ phalam
Vayaviya Samhita — Uttara Bhaga 15.21
सर्वदेवात्मकश्चासौ सर्वमंत्रमयो गुरुः तस्मात्सर्वप्रयत्नेन यस्याज्ञां शिरसा वहेत्
sarvadevātmakaścāsau sarvamaṃtramayo guruḥ tasmātsarvaprayatnena yasyājñāṃ śirasā vahet
Vayaviya Samhita — Uttara Bhaga 15.22
श्रेयो ऽर्थी यदि गुर्वाज्ञां मनसापि न लंघयेत् गुर्वाज्ञापालको यस्माज्ज्ञानसंपत्तिमश्नुते
śreyo 'rthī yadi gurvājñāṃ manasāpi na laṃghayet gurvājñāpālako yasmājjñānasaṃpattimaśnute
Vayaviya Samhita — Uttara Bhaga 15.23
गच्छंस्तिष्ठन्स्वपन्भुंजन्नान्यत्कर्म समाचरेत् समक्षं यदि कुर्वीत सर्वं चानुज्ञया गुरोः
gacchaṃstiṣṭhansvapanbhuṃjannānyatkarma samācaret samakṣaṃ yadi kurvīta sarvaṃ cānujñayā guroḥ
Vayaviya Samhita — Uttara Bhaga 15.24
गुरोर्गृहे समक्षं वा न यथेष्टासनो भवेत् गुरुर्देवो यतः साक्षात्तद्गृहं देवमन्दिरम्
gurorgṛhe samakṣaṃ vā na yatheṣṭāsano bhavet gururdevo yataḥ sākṣāttadgṛhaṃ devamandiram
Vayaviya Samhita — Uttara Bhaga 15.25
पापिनां च यथा संगात्तत्पापात्पतितो भवेत् यथेह वह्निसंपर्कान्मलं त्यजति कांचनम्
pāpināṃ ca yathā saṃgāttatpāpātpatito bhavet yatheha vahnisaṃparkānmalaṃ tyajati kāṃcanam
Vayaviya Samhita — Uttara Bhaga 15.26
तथैव गुरुसंपर्कात्पापं त्यजति मानवः यथा वह्निसमीपस्थो घृतकुम्भो विलीयते
tathaiva gurusaṃparkātpāpaṃ tyajati mānavaḥ yathā vahnisamīpastho ghṛtakumbho vilīyate
Vayaviya Samhita — Uttara Bhaga 15.27
तथा पापं विलीयेत ह्याचार्यस्य समीपतः यथा प्रज्वलितो वह्निः शुष्कमार्द्रं च निर्दहेत्
tathā pāpaṃ vilīyeta hyācāryasya samīpataḥ yathā prajvalito vahniḥ śuṣkamārdraṃ ca nirdahet
Vayaviya Samhita — Uttara Bhaga 15.28
तथायमपि संतुष्टो गुरुः पापं क्षणाद्दहेत् मनसा कर्मणा वाचा गुरोः क्रोधं न कारयेत्
tathāyamapi saṃtuṣṭo guruḥ pāpaṃ kṣaṇāddahet manasā karmaṇā vācā guroḥ krodhaṃ na kārayet
Vayaviya Samhita — Uttara Bhaga 15.29
तस्य क्रोधेन दह्यंते ह्यायुःश्रीज्ञानसत्क्रियाः तत्क्रोधकारिणो ये स्युस्तेषां यज्ञाश्च निष्फलाः
tasya krodhena dahyaṃte hyāyuḥśrījñānasatkriyāḥ tatkrodhakāriṇo ye syusteṣāṃ yajñāśca niṣphalāḥ
Vayaviya Samhita — Uttara Bhaga 15.30
यमश्च नियमाश्चैव नात्र कार्या विचारणा गुरोर्विरुद्धं यद्वाक्यं न वदेज्जातुचिन्नरः
yamaśca niyamāścaiva nātra kāryā vicāraṇā gurorviruddhaṃ yadvākyaṃ na vadejjātucinnaraḥ
Vayaviya Samhita — Uttara Bhaga 15.31
वदेद्यदि महामोहाद्रौरवं नरकं व्रजेत् मनसा कर्मणा वाचा गुरुमुद्दिश्य यत्नतः
vadedyadi mahāmohādrauravaṃ narakaṃ vrajet manasā karmaṇā vācā gurumuddiśya yatnataḥ
Vayaviya Samhita — Uttara Bhaga 15.32
श्रेयोर्थी चेन्नरो धीमान्न मिथ्याचारमाचरेत् गुरोर्हितं प्रियं कुर्यादादिष्टो वा न वा सदा
śreyorthī cennaro dhīmānna mithyācāramācaret gurorhitaṃ priyaṃ kuryādādiṣṭo vā na vā sadā
Vayaviya Samhita — Uttara Bhaga 15.33
असमक्षं समक्षं वा तस्य कार्यं समाचरेत् इत्थमाचारवान्भक्तो नित्यमुद्युक्तमानसः
asamakṣaṃ samakṣaṃ vā tasya kāryaṃ samācaret itthamācāravānbhakto nityamudyuktamānasaḥ
Vayaviya Samhita — Uttara Bhaga 15.34
गुरुप्रियकरः शिष्यः शैवधर्मांस्ततो ऽर्हति गुरुश्चेद्गुणवान्प्राज्ञः परमानंदभासकः
gurupriyakaraḥ śiṣyaḥ śaivadharmāṃstato 'rhati guruścedguṇavānprājñaḥ paramānaṃdabhāsakaḥ
Vayaviya Samhita — Uttara Bhaga 15.35
तत्त्वविच्छिवसंसक्तो मुक्तिदो न तु चापरः संवित्संजननं तत्त्वं परमानंदसंभवम्
tattvavicchivasaṃsakto muktido na tu cāparaḥ saṃvitsaṃjananaṃ tattvaṃ paramānaṃdasaṃbhavam
Vayaviya Samhita — Uttara Bhaga 15.36
तत्तत्त्वं विदितं येन स एवानंददर्शकः न पुनर्नाममात्रेण संविदारहितस्तु यः
tattattvaṃ viditaṃ yena sa evānaṃdadarśakaḥ na punarnāmamātreṇa saṃvidārahitastu yaḥ
Vayaviya Samhita — Uttara Bhaga 15.37
अन्योन्यं तारयेन्नौका किं शिला तारयेच्छिलाम् एतस्या नाममात्रेण मुक्तिर्वै नाममात्रिका
anyonyaṃ tārayennaukā kiṃ śilā tārayecchilām etasyā nāmamātreṇa muktirvai nāmamātrikā
Vayaviya Samhita — Uttara Bhaga 15.38
यैः पुनर्विदितं तत्त्वं ते मुक्ता मोचयन्त्यपि तत्त्वहीने कुतो बोधः कुतो ह्यात्मपरिग्रहः
yaiḥ punarviditaṃ tattvaṃ te muktā mocayantyapi tattvahīne kuto bodhaḥ kuto hyātmaparigrahaḥ
Vayaviya Samhita — Uttara Bhaga 15.39
परिग्रहविनिर्मुक्तः पशुरित्यभिधीयते पशुभिः प्रेरितश्चापि पशुत्वं नातिवर्तते
parigrahavinirmuktaḥ paśurityabhidhīyate paśubhiḥ preritaścāpi paśutvaṃ nātivartate
Vayaviya Samhita — Uttara Bhaga 15.40
तस्मात्तत्त्वविदेवेह मुक्तो मोचक इष्यते सर्वलक्षणसंयुक्तः सर्वशास्त्रविदप्ययम्
tasmāttattvavideveha mukto mocaka iṣyate sarvalakṣaṇasaṃyuktaḥ sarvaśāstravidapyayam
Vayaviya Samhita — Uttara Bhaga 15.41
सर्वोपायविधिज्ञो ऽपि तत्त्वहीनस्तु निष्फलः यस्यानुभवपर्यंता बुद्धिस्तत्त्वे प्रवर्तते
sarvopāyavidhijño 'pi tattvahīnastu niṣphalaḥ yasyānubhavaparyaṃtā buddhistattve pravartate
Vayaviya Samhita — Uttara Bhaga 15.42
तस्यावलोकनाद्यैश्च परानन्दो ऽभिजायते तस्माद्यस्यैव संपर्कात्प्रबोधानंदसंभवः
tasyāvalokanādyaiśca parānando 'bhijāyate tasmādyasyaiva saṃparkātprabodhānaṃdasaṃbhavaḥ
Vayaviya Samhita — Uttara Bhaga 15.43
गुरुं तमेव वृणुयान्नापरं मतिमान्नरः स शिष्यैर्विनयाचारचतुरैरुचितो गुरुः
guruṃ tameva vṛṇuyānnāparaṃ matimānnaraḥ sa śiṣyairvinayācāracaturairucito guruḥ
Vayaviya Samhita — Uttara Bhaga 15.44
यावद्विज्ञायते तावत्सेवनीयो मुमुक्षुभिः ज्ञाते तस्मिन्स्थिरा भक्तिर्यावत्तत्त्वं समाश्रयेत्
yāvadvijñāyate tāvatsevanīyo mumukṣubhiḥ jñāte tasminsthirā bhaktiryāvattattvaṃ samāśrayet
Vayaviya Samhita — Uttara Bhaga 15.45
न तु तत्त्वं त्यजेज्जातु नोपेक्षेत कथंचन यत्रानंदः प्रबोधो वा नाल्पमप्युपलभ्यते
na tu tattvaṃ tyajejjātu nopekṣeta kathaṃcana yatrānaṃdaḥ prabodho vā nālpamapyupalabhyate
Vayaviya Samhita — Uttara Bhaga 15.46
वत्सरादपि शिष्येण सो ऽन्यं गुरुमुपाश्रयेत् गुरुमन्यं प्रपन्ने ऽपि नावमन्येत पौर्विकम् गुरोर्भ्रात्ःंस्तथा पुत्रान्बोधकान्प्रेरकानपि
vatsarādapi śiṣyeṇa so 'nyaṃ gurumupāśrayet gurumanyaṃ prapanne 'pi nāvamanyeta paurvikam gurorbhrātḥṃstathā putrānbodhakānprerakānapi
Vayaviya Samhita — Uttara Bhaga 15.47
तत्रादावुपसंगम्य ब्राह्मणं वेदपारगम् गुरुमाराधयेत्प्राज्ञं शुभगं प्रियदर्शनम्
tatrādāvupasaṃgamya brāhmaṇaṃ vedapāragam gurumārādhayetprājñaṃ śubhagaṃ priyadarśanam
Vayaviya Samhita — Uttara Bhaga 15.48
सर्वाभयप्रदातारं करुणाक्रांतमानसम् तोषयेत्तं प्रयत्नेन मनसा कर्मणा गिरा
sarvābhayapradātāraṃ karuṇākrāṃtamānasam toṣayettaṃ prayatnena manasā karmaṇā girā
Vayaviya Samhita — Uttara Bhaga 15.49
तावदाराधयेच्छिष्यः प्रसन्नोसौ भवेद्यथा तस्मिन्प्रसन्ने शिष्यस्य सद्यः पापक्षयो भवेत्
tāvadārādhayecchiṣyaḥ prasannosau bhavedyathā tasminprasanne śiṣyasya sadyaḥ pāpakṣayo bhavet
Vayaviya Samhita — Uttara Bhaga 15.50
तस्माद्धनानि रत्नानि क्षेत्राणि च गृहाणि च भूषणानि च वासांसि यानशय्यासनानि च
tasmāddhanāni ratnāni kṣetrāṇi ca gṛhāṇi ca bhūṣaṇāni ca vāsāṃsi yānaśayyāsanāni ca
Vayaviya Samhita — Uttara Bhaga 15.51
एतानि गुरवे दद्याद्भक्त्या वित्तानुसारतः वित्तशाठ्यं न कुर्वीत यदीच्छेत्परमां गतिम्
etāni gurave dadyādbhaktyā vittānusārataḥ vittaśāṭhyaṃ na kurvīta yadīcchetparamāṃ gatim
Vayaviya Samhita — Uttara Bhaga 15.52
स एव जनको माता भर्ता बन्धुर्धनं सुखम् सखा मित्रं च यत्तस्मात्सर्वं तस्मै निवेदयेत्
sa eva janako mātā bhartā bandhurdhanaṃ sukham sakhā mitraṃ ca yattasmātsarvaṃ tasmai nivedayet
Vayaviya Samhita — Uttara Bhaga 15.53
निवेद्य पश्चात्स्वात्मानं सान्वयं सपरिग्रहम् समर्प्य सोदकं तस्मै नित्यं तद्वशगो भवेत्
nivedya paścātsvātmānaṃ sānvayaṃ saparigraham samarpya sodakaṃ tasmai nityaṃ tadvaśago bhavet
Vayaviya Samhita — Uttara Bhaga 15.54
यदा शिवाय स्वात्मानं दत्तवान् देशिकात्मने तदा शैवो भवेद्देही न ततो ऽस्ति पुनर्भवः
yadā śivāya svātmānaṃ dattavān deśikātmane tadā śaivo bhaveddehī na tato 'sti punarbhavaḥ
Vayaviya Samhita — Uttara Bhaga 15.55
गुरुश्च स्वाश्रितं शिष्यं वर्षमेकं परीक्षयेत् ब्राह्मणं क्षत्रियं वैश्यं द्विवर्षं च त्रिवर्षकम्
guruśca svāśritaṃ śiṣyaṃ varṣamekaṃ parīkṣayet brāhmaṇaṃ kṣatriyaṃ vaiśyaṃ dvivarṣaṃ ca trivarṣakam
Vayaviya Samhita — Uttara Bhaga 15.56
प्राणद्रव्यप्रदानाद्यैरादेशैश्च समासमैः उत्तमांश्चाधमे कृत्वा नीचानुत्तमकर्मणि
prāṇadravyapradānādyairādeśaiśca samāsamaiḥ uttamāṃścādhame kṛtvā nīcānuttamakarmaṇi
Vayaviya Samhita — Uttara Bhaga 15.57
आक्रुष्टास्ताडिता वापि ये विषादं न यान्त्यपि ते योग्याः संयताः शुद्धाः शिवसंस्कारकर्मणि
ākruṣṭāstāḍitā vāpi ye viṣādaṃ na yāntyapi te yogyāḥ saṃyatāḥ śuddhāḥ śivasaṃskārakarmaṇi
Vayaviya Samhita — Uttara Bhaga 15.58
अहिंसका दयावंतो नित्यमुद्युक्तचेतसः अमानिनो बुद्धिमंतस्त्यक्तस्पर्धाः प्रियंवदाः
ahiṃsakā dayāvaṃto nityamudyuktacetasaḥ amānino buddhimaṃtastyaktaspardhāḥ priyaṃvadāḥ
Vayaviya Samhita — Uttara Bhaga 15.59
ऋजवो मृदवः स्वच्छा विनीताः स्थिरचेतसः शौचाचारसमायुक्ताः शिवभक्ता द्विजातयः
ṛjavo mṛdavaḥ svacchā vinītāḥ sthiracetasaḥ śaucācārasamāyuktāḥ śivabhaktā dvijātayaḥ
Vayaviya Samhita — Uttara Bhaga 15.60
एवं वृत्तसमोपेता वाङ्मनःकायकर्मभिः शोध्या बोध्या यथान्यायमिति शास्त्रेषु निश्चयः
evaṃ vṛttasamopetā vāṅmanaḥkāyakarmabhiḥ śodhyā bodhyā yathānyāyamiti śāstreṣu niścayaḥ
Vayaviya Samhita — Uttara Bhaga 15.61
नाधिकारः स्वतो नार्याः शिवसंस्कारकर्मणि नियोगाद्भर्तुरस्त्येव भक्तियुक्ता यदीश्वरे
nādhikāraḥ svato nāryāḥ śivasaṃskārakarmaṇi niyogādbharturastyeva bhaktiyuktā yadīśvare
Vayaviya Samhita — Uttara Bhaga 15.62
तथैव भर्तृहीनाया पुत्रादेरभ्यनुज्ञया अधिकारो भवत्येव कन्यायाः पितुराज्ञया शूद्राणां मर्त्यजातीनां पतितानां विशेषतः
tathaiva bhartṛhīnāyā putrāderabhyanujñayā adhikāro bhavatyeva kanyāyāḥ piturājñayā śūdrāṇāṃ martyajātīnāṃ patitānāṃ viśeṣataḥ
Vayaviya Samhita — Uttara Bhaga 15.63
तथा संकरजातीनां नाध्वशुद्धिर्विधीयते तैप्यकृत्रिमभावश्चेच्छिवे परमकारणे
tathā saṃkarajātīnāṃ nādhvaśuddhirvidhīyate taipyakṛtrimabhāvaścecchive paramakāraṇe
Vayaviya Samhita — Uttara Bhaga 15.64
पादोदकप्रदानाद्यैः कुर्युः पापविशोधनम् अत्रानुलोमजाता ये युक्ता एव द्विजातिषु
pādodakapradānādyaiḥ kuryuḥ pāpaviśodhanam atrānulomajātā ye yuktā eva dvijātiṣu
Vayaviya Samhita — Uttara Bhaga 15.65
तेषामध्वविशुद्ध्यादि कुर्यान्मातृकुलोचितम् या तु कन्या स्वपित्राद्यैश्शिवधर्मे नियोजिता
teṣāmadhvaviśuddhyādi kuryānmātṛkulocitam yā tu kanyā svapitrādyaiśśivadharme niyojitā
Vayaviya Samhita — Uttara Bhaga 15.66
सा भक्ताय प्रदातव्या नापराय विरोधिने दत्ता चेत्प्रतिकूलाय प्रमादाद्बोधयेत्पतिम्
sā bhaktāya pradātavyā nāparāya virodhine dattā cetpratikūlāya pramādādbodhayetpatim
Vayaviya Samhita — Uttara Bhaga 15.67
अशक्ता तं परित्यज्य मनसा धर्ममाचरेत् यथा मुनिवरं त्यक्त्वा पतिमत्रिं पतिव्रता
aśaktā taṃ parityajya manasā dharmamācaret yathā munivaraṃ tyaktvā patimatriṃ pativratā
Vayaviya Samhita — Uttara Bhaga 15.68
कृतकृत्या ऽभवत्पूर्वं तपसाराध्य शङ्करम् यथा नारायणं देवं तपसाराध्य पांडवान्
kṛtakṛtyā 'bhavatpūrvaṃ tapasārādhya śaṅkaram yathā nārāyaṇaṃ devaṃ tapasārādhya pāṃḍavān
Vayaviya Samhita — Uttara Bhaga 15.69
पतींल्लब्धवती धर्मे गुरुभिर्न नियोजिता अस्वातन्त्र्यकृतो दोषो नेहास्ति परमार्थतः
patīṃllabdhavatī dharme gurubhirna niyojitā asvātantryakṛto doṣo nehāsti paramārthataḥ
Vayaviya Samhita — Uttara Bhaga 15.70
शिवधर्मे नियुक्तायाश्शिवशासनगौरवात् बहुनात्र किमुक्तेन यो ऽपि को ऽपि शिवाश्रयः
śivadharme niyuktāyāśśivaśāsanagauravāt bahunātra kimuktena yo 'pi ko 'pi śivāśrayaḥ
Vayaviya Samhita — Uttara Bhaga 15.71
संस्कार्यो गुर्वधीनश्चेत्संस्क्रिया न प्रभिद्यते गुरोरालोकनादेव स्पर्शात्संभाषणादपि
saṃskāryo gurvadhīnaścetsaṃskriyā na prabhidyate gurorālokanādeva sparśātsaṃbhāṣaṇādapi
Vayaviya Samhita — Uttara Bhaga 15.72
यस्य संजायते प्रज्ञा तस्य नास्ति पराजयः मनसा यस्तु संस्कारः क्रियते योगवर्त्मना
yasya saṃjāyate prajñā tasya nāsti parājayaḥ manasā yastu saṃskāraḥ kriyate yogavartmanā
Vayaviya Samhita — Uttara Bhaga 15.73
स नेह कथितो गुह्यो गुरुवक्त्रैकगोचरः क्रियावान्यस्तु संस्कारः कुंडमंडपपूर्वकः स वक्ष्यते समासेन तस्य शक्यो न विस्तरः
sa neha kathito guhyo guruvaktraikagocaraḥ kriyāvānyastu saṃskāraḥ kuṃḍamaṃḍapapūrvakaḥ sa vakṣyate samāsena tasya śakyo na vistaraḥ
Vayaviya Samhita — Uttara Bhaga 15.74