← Vayaviya Samhita — Uttara Bhaga
वायवीयसंहिता उत्तरभाग — Adhyaya 31
उपमन्युरुवाच स्तोत्रं वक्ष्यामि ते कृष्ण पञ्चावरणमार्गतः योगेश्वरमिदं पुण्यं कर्म येन समाप्यते
upamanyuruvāca stotraṃ vakṣyāmi te kṛṣṇa pañcāvaraṇamārgataḥ yogeśvaramidaṃ puṇyaṃ karma yena samāpyate
Vayaviya Samhita — Uttara Bhaga 31.1
जय जय जगदेकनाथ शंभो प्रकृतिमनोहर नित्यचित्स्वभाव अतिगतकलुषप्रपञ्चवाचामपि मनसां पदवीमतीततत्त्वम्
jaya jaya jagadekanātha śaṃbho prakṛtimanohara nityacitsvabhāva atigatakaluṣaprapañcavācāmapi manasāṃ padavīmatītatattvam
Vayaviya Samhita — Uttara Bhaga 31.2
स्वभावनिर्मलाभोग जय सुन्दरचेष्टित स्वात्मतुल्यमहाशक्ते जय शुद्धगुणार्णव
svabhāvanirmalābhoga jaya sundaraceṣṭita svātmatulyamahāśakte jaya śuddhaguṇārṇava
Vayaviya Samhita — Uttara Bhaga 31.3
अनन्तकांतिसंपन्न जयासदृशविग्रह अतर्क्यमहिमाधार जयानाकुलमंगल
anantakāṃtisaṃpanna jayāsadṛśavigraha atarkyamahimādhāra jayānākulamaṃgala
Vayaviya Samhita — Uttara Bhaga 31.4
निरंजन निराधार जय निष्कारणोदय निरन्तरपरानन्द जय निर्वृतिकारण
niraṃjana nirādhāra jaya niṣkāraṇodaya nirantaraparānanda jaya nirvṛtikāraṇa
Vayaviya Samhita — Uttara Bhaga 31.5
जयातिपरमैश्वर्य जयातिकरुणास्पद जय स्वतंत्रसर्वस्व जयासदृशवैभव
jayātiparamaiśvarya jayātikaruṇāspada jaya svataṃtrasarvasva jayāsadṛśavaibhava
Vayaviya Samhita — Uttara Bhaga 31.6
जयावृतमहाविश्व जयानावृत केनचित् जयोत्तर समस्तस्य जयात्यन्तनिरुत्तर
jayāvṛtamahāviśva jayānāvṛta kenacit jayottara samastasya jayātyantaniruttara
Vayaviya Samhita — Uttara Bhaga 31.7
जयाद्भुत जयाक्षुद्र जयाक्षत जयाव्यय जयामेय जयामाय जयाभाव जयामल
jayādbhuta jayākṣudra jayākṣata jayāvyaya jayāmeya jayāmāya jayābhāva jayāmala
Vayaviya Samhita — Uttara Bhaga 31.8
महाभुज महासार महागुण महाकथ महाबल महामाय महारस महारथ
mahābhuja mahāsāra mahāguṇa mahākatha mahābala mahāmāya mahārasa mahāratha
Vayaviya Samhita — Uttara Bhaga 31.9
नमः परमदेवाय नमः परमहेतवे नमश्शिवाय शांताय नमश्शिवतराय ते
namaḥ paramadevāya namaḥ paramahetave namaśśivāya śāṃtāya namaśśivatarāya te
Vayaviya Samhita — Uttara Bhaga 31.10
त्वदधीनमिदं कृत्स्नं जगद्धि ससुरासुरम्
tvadadhīnamidaṃ kṛtsnaṃ jagaddhi sasurāsuram
Vayaviya Samhita — Uttara Bhaga 31.11
अतस्त्वद्विहितामाज्ञां क्षमते को ऽतिवर्तितुम्
atastvadvihitāmājñāṃ kṣamate ko 'tivartitum
Vayaviya Samhita — Uttara Bhaga 31.12
अयं पुनर्जनो नित्यं भवदेकसमाश्रयः भवानतो ऽनुगृह्यास्मै प्रार्थितं संप्रयच्छतु
ayaṃ punarjano nityaṃ bhavadekasamāśrayaḥ bhavānato 'nugṛhyāsmai prārthitaṃ saṃprayacchatu
Vayaviya Samhita — Uttara Bhaga 31.13
जयांबिके जगन्मातर्जय सर्वजगन्मयि जयानवधिकैश्वर्ये जयानुपमविग्रहे
jayāṃbike jaganmātarjaya sarvajaganmayi jayānavadhikaiśvarye jayānupamavigrahe
Vayaviya Samhita — Uttara Bhaga 31.14
जय वाङ्मनसातीते जयाचिद्ध्वांतभंजिके जय जन्मजराहीने जय कालोत्तरोत्तरे
jaya vāṅmanasātīte jayāciddhvāṃtabhaṃjike jaya janmajarāhīne jaya kālottarottare
Vayaviya Samhita — Uttara Bhaga 31.15
जयानेकविधानस्थे जय विश्वेश्वरप्रिये जय विश्वसुराराध्ये जय विश्वविजृंभिणि
jayānekavidhānasthe jaya viśveśvarapriye jaya viśvasurārādhye jaya viśvavijṛṃbhiṇi
Vayaviya Samhita — Uttara Bhaga 31.16
जय मंगलदिव्यांगि जय मंगलदीपिके जय मंगलचारित्रे जय मंगलदायिनि
jaya maṃgaladivyāṃgi jaya maṃgaladīpike jaya maṃgalacāritre jaya maṃgaladāyini
Vayaviya Samhita — Uttara Bhaga 31.17
नमः परमकल्याणगुणसंचयमूर्तये त्वत्तः खलु समुत्पन्नं जगत्त्वय्येव लीयते
namaḥ paramakalyāṇaguṇasaṃcayamūrtaye tvattaḥ khalu samutpannaṃ jagattvayyeva līyate
Vayaviya Samhita — Uttara Bhaga 31.18
त्वद्विनातः फलं दातुमीश्वरोपि न शक्नुयात् जन्मप्रभृति देवेशि जनोयं त्वदुपाश्रितः
tvadvinātaḥ phalaṃ dātumīśvaropi na śaknuyāt janmaprabhṛti deveśi janoyaṃ tvadupāśritaḥ
Vayaviya Samhita — Uttara Bhaga 31.19
अतो ऽस्य तव भक्तस्य निर्वर्तय मनोरथम् पञ्चवक्त्रो दशभुजः शुद्धस्फटिकसन्निभः
ato 'sya tava bhaktasya nirvartaya manoratham pañcavaktro daśabhujaḥ śuddhasphaṭikasannibhaḥ
Vayaviya Samhita — Uttara Bhaga 31.20
वर्णब्रह्मकलादेहो देवस्सकलनिष्कलः शिवभक्तिसमारूढः शांत्यतीतस्सदाशिवः भक्त्या मयार्चितो मह्यं प्रार्थितं शं प्रयच्छतु
varṇabrahmakalādeho devassakalaniṣkalaḥ śivabhaktisamārūḍhaḥ śāṃtyatītassadāśivaḥ bhaktyā mayārcito mahyaṃ prārthitaṃ śaṃ prayacchatu
Vayaviya Samhita — Uttara Bhaga 31.21
सदाशिवांकमारूढा शक्तिरिच्छा शिवाह्वया जननी सर्वलोकानां प्रयच्छतु मनोरथम्
sadāśivāṃkamārūḍhā śaktiricchā śivāhvayā jananī sarvalokānāṃ prayacchatu manoratham
Vayaviya Samhita — Uttara Bhaga 31.22
शिवयोर्दयिता पुत्रौ देवौ हेरंबषण्मुखौ शिवानुभावौ सर्वज्ञौ शिवज्ञानामृताशिनौ
śivayordayitā putrau devau heraṃbaṣaṇmukhau śivānubhāvau sarvajñau śivajñānāmṛtāśinau
Vayaviya Samhita — Uttara Bhaga 31.23
तृप्तौ परस्परं स्निग्धौ शिवाभ्यां नित्यसत्कृतौ सत्कृतौ च सदा देवौ ब्रह्माद्यैस्त्रिदशैरपि
tṛptau parasparaṃ snigdhau śivābhyāṃ nityasatkṛtau satkṛtau ca sadā devau brahmādyaistridaśairapi
Vayaviya Samhita — Uttara Bhaga 31.24
सर्वलोकपरित्राणं कर्तुमभ्युदितौ सदा स्वेच्छावतारं कुर्वंतौ स्वांशभेदैरनेकशः
sarvalokaparitrāṇaṃ kartumabhyuditau sadā svecchāvatāraṃ kurvaṃtau svāṃśabhedairanekaśaḥ
Vayaviya Samhita — Uttara Bhaga 31.25
ताविमौ शिवयोः पार्श्वे नित्यमित्थं मयार्चितौ तयोराज्ञां पुरस्कृत्य प्रार्थितं मे प्रयच्छताम्
tāvimau śivayoḥ pārśve nityamitthaṃ mayārcitau tayorājñāṃ puraskṛtya prārthitaṃ me prayacchatām
Vayaviya Samhita — Uttara Bhaga 31.26
शुद्धस्फटिकसंकाशमीशानाख्यं सदाशिवम् मूर्धाभिमानिनी मूर्तिः शिवस्य परमात्मनः
śuddhasphaṭikasaṃkāśamīśānākhyaṃ sadāśivam mūrdhābhimāninī mūrtiḥ śivasya paramātmanaḥ
Vayaviya Samhita — Uttara Bhaga 31.27
शिवार्चनरतं शांतं शांत्यतीतं मखास्थितम् पञ्चाक्षरांतिमं बीजं कलाभिः पञ्चभिर्युतम्
śivārcanarataṃ śāṃtaṃ śāṃtyatītaṃ makhāsthitam pañcākṣarāṃtimaṃ bījaṃ kalābhiḥ pañcabhiryutam
Vayaviya Samhita — Uttara Bhaga 31.28
प्रथमावरणे पूर्वं शक्त्या सह समर्चितम् पवित्रं परमं ब्रह्म प्रार्थितं मे प्रयच्छतु
prathamāvaraṇe pūrvaṃ śaktyā saha samarcitam pavitraṃ paramaṃ brahma prārthitaṃ me prayacchatu
Vayaviya Samhita — Uttara Bhaga 31.29
बालसूर्यप्रतीकाशं पुरुषाख्यं पुरातनम् पूर्ववक्त्राभिमानं च शिवस्य परमेष्ठिनः
bālasūryapratīkāśaṃ puruṣākhyaṃ purātanam pūrvavaktrābhimānaṃ ca śivasya parameṣṭhinaḥ
Vayaviya Samhita — Uttara Bhaga 31.30
शांत्यात्मकं मरुत्संस्थं शम्भोः पादार्चने रतम् प्रथमं शिवबीजेषु कलासु च चतुष्कलम्
śāṃtyātmakaṃ marutsaṃsthaṃ śambhoḥ pādārcane ratam prathamaṃ śivabījeṣu kalāsu ca catuṣkalam
Vayaviya Samhita — Uttara Bhaga 31.31
पूर्वभागे मया भक्त्या शक्त्या सह समर्चितम् पवित्रं परमं ब्रह्म प्रार्थितं मे प्रयच्छतु
pūrvabhāge mayā bhaktyā śaktyā saha samarcitam pavitraṃ paramaṃ brahma prārthitaṃ me prayacchatu
Vayaviya Samhita — Uttara Bhaga 31.32
अञ्जनादिप्रतीकाशमघोरं घोरविग्रहम् देवस्य दक्षिणं वक्त्रं देवदेवपदार्चकम्
añjanādipratīkāśamaghoraṃ ghoravigraham devasya dakṣiṇaṃ vaktraṃ devadevapadārcakam
Vayaviya Samhita — Uttara Bhaga 31.33
विद्यापादं समारूढं वह्निमण्डलमध्यगम् द्वितीयं शिवबीजेषु कलास्वष्टकलान्वितम्
vidyāpādaṃ samārūḍhaṃ vahnimaṇḍalamadhyagam dvitīyaṃ śivabījeṣu kalāsvaṣṭakalānvitam
Vayaviya Samhita — Uttara Bhaga 31.34
शंभोर्दक्षिणदिग्भागे शक्त्या सह समर्चितम् पवित्रं मध्यमं ब्रह्म प्रार्थितं मे प्रयच्छतु
śaṃbhordakṣiṇadigbhāge śaktyā saha samarcitam pavitraṃ madhyamaṃ brahma prārthitaṃ me prayacchatu
Vayaviya Samhita — Uttara Bhaga 31.35
कुंकुमक्षोदसंकाशं वामाख्यं वरवेषधृक् वक्त्रमुत्तरमीशस्य प्रतिष्ठायां प्रतिष्ठितम्
kuṃkumakṣodasaṃkāśaṃ vāmākhyaṃ varaveṣadhṛk vaktramuttaramīśasya pratiṣṭhāyāṃ pratiṣṭhitam
Vayaviya Samhita — Uttara Bhaga 31.36
वारिमंडलमध्यस्थं महादेवार्चने रतम् तुरीयं शिवबीजेषु त्रयोदशकलान्वितम्
vārimaṃḍalamadhyasthaṃ mahādevārcane ratam turīyaṃ śivabījeṣu trayodaśakalānvitam
Vayaviya Samhita — Uttara Bhaga 31.37
देवस्योत्तरदिग्भागे शक्त्या सह समर्चितम् पवित्रं परमं ब्रह्म प्रार्थितं मे प्रयच्छतु
devasyottaradigbhāge śaktyā saha samarcitam pavitraṃ paramaṃ brahma prārthitaṃ me prayacchatu
Vayaviya Samhita — Uttara Bhaga 31.38
शंखकुंदेंदुधवलं संध्याख्यं सौम्यलक्षणम् शिवस्य पश्चिमं वक्त्रं शिवपादार्चने रतम्
śaṃkhakuṃdeṃdudhavalaṃ saṃdhyākhyaṃ saumyalakṣaṇam śivasya paścimaṃ vaktraṃ śivapādārcane ratam
Vayaviya Samhita — Uttara Bhaga 31.39
निवृत्तिपदनिष्ठं च पृथिव्यां समवस्थितम् तृतीयं शिवबीजेषु कलाभिश्चाष्टभिर्युतम्
nivṛttipadaniṣṭhaṃ ca pṛthivyāṃ samavasthitam tṛtīyaṃ śivabījeṣu kalābhiścāṣṭabhiryutam
Vayaviya Samhita — Uttara Bhaga 31.40
देवस्य पश्चिमे भागे शक्त्या सह समर्चितम् पवित्रं परमं ब्रह्म प्रार्थितं मे प्रयच्छतु
devasya paścime bhāge śaktyā saha samarcitam pavitraṃ paramaṃ brahma prārthitaṃ me prayacchatu
Vayaviya Samhita — Uttara Bhaga 31.41
शिवस्य तु शिवायाश्च हृन्मूर्तिशिवभाविते तयोराज्ञां पुरस्कृत्य ते मे कामं प्रयच्छताम्
śivasya tu śivāyāśca hṛnmūrtiśivabhāvite tayorājñāṃ puraskṛtya te me kāmaṃ prayacchatām
Vayaviya Samhita — Uttara Bhaga 31.42
शिवस्य च शिवायाश्च शिखामूर्तिशिवाश्रिते सत्कृत्य शिवयोराज्ञां ते मे कामं प्रयच्छताम्
śivasya ca śivāyāśca śikhāmūrtiśivāśrite satkṛtya śivayorājñāṃ te me kāmaṃ prayacchatām
Vayaviya Samhita — Uttara Bhaga 31.43
शिवस्य च शिवायाश्च वर्मणा शिवभाविते सत्कृत्य शिवयोराज्ञां ते मे कामं प्रयच्छताम्
śivasya ca śivāyāśca varmaṇā śivabhāvite satkṛtya śivayorājñāṃ te me kāmaṃ prayacchatām
Vayaviya Samhita — Uttara Bhaga 31.44
शिवस्य च शिवायाश्च नेत्रमूर्तिशिवाश्रिते सत्कृत्य शिवयोराज्ञां ते मे कामं प्रयच्छताम्
śivasya ca śivāyāśca netramūrtiśivāśrite satkṛtya śivayorājñāṃ te me kāmaṃ prayacchatām
Vayaviya Samhita — Uttara Bhaga 31.45
अस्त्रमूर्ती च शिवयोर्नित्यमर्चनतत्परे सत्कृत्य शिवयोराज्ञां ते मे कामं प्रयच्छताम्
astramūrtī ca śivayornityamarcanatatpare satkṛtya śivayorājñāṃ te me kāmaṃ prayacchatām
Vayaviya Samhita — Uttara Bhaga 31.46
वामौ ज्येष्ठस्तथा रुद्रः कालो विकरणस्तथा बलो विकरणश्चैव बलप्रमथनः परः
vāmau jyeṣṭhastathā rudraḥ kālo vikaraṇastathā balo vikaraṇaścaiva balapramathanaḥ paraḥ
Vayaviya Samhita — Uttara Bhaga 31.47
सर्वभूतस्य दमनस्तादृशाश्चाष्टशक्तयः प्रार्थितं मे प्रयच्छंतु शिवयोरेव शासनात्
sarvabhūtasya damanastādṛśāścāṣṭaśaktayaḥ prārthitaṃ me prayacchaṃtu śivayoreva śāsanāt
Vayaviya Samhita — Uttara Bhaga 31.48
अथानंतश्च सूक्ष्मश्च शिवश्चाप्येकनेत्रकः एक रुद्राख्यमर्तिश्च श्रीकण्ठश्च शिखंडकः
athānaṃtaśca sūkṣmaśca śivaścāpyekanetrakaḥ eka rudrākhyamartiśca śrīkaṇṭhaśca śikhaṃḍakaḥ
Vayaviya Samhita — Uttara Bhaga 31.49
तथाष्टौ शक्तयस्तेषां द्वितीयावरणे ऽर्चिताः ते मे कामं प्रयच्छंतु शिवयोरेव शासनात्
tathāṣṭau śaktayasteṣāṃ dvitīyāvaraṇe 'rcitāḥ te me kāmaṃ prayacchaṃtu śivayoreva śāsanāt
Vayaviya Samhita — Uttara Bhaga 31.50
भवाद्या मूर्तयश्चाष्टौ तासामपि च शक्तयः महादेवादयश्चान्ये तथैकादशमूर्तयः
bhavādyā mūrtayaścāṣṭau tāsāmapi ca śaktayaḥ mahādevādayaścānye tathaikādaśamūrtayaḥ
Vayaviya Samhita — Uttara Bhaga 31.51
शक्तिभिस्सहितास्सर्वे तृतीयावरणे स्थिताः सत्कृत्य शिवयोराज्ञां दिशंतु फलमीप्सितम्
śaktibhissahitāssarve tṛtīyāvaraṇe sthitāḥ satkṛtya śivayorājñāṃ diśaṃtu phalamīpsitam
Vayaviya Samhita — Uttara Bhaga 31.52
वृक्षराजो महातेजा महामेघसमस्वनः मेरुमंदरकैलासहिमाद्रिशिखरोपमः
vṛkṣarājo mahātejā mahāmeghasamasvanaḥ merumaṃdarakailāsahimādriśikharopamaḥ
Vayaviya Samhita — Uttara Bhaga 31.53
सिताभ्रशिखराकारः ककुदा परिशोभितः महाभोगींद्रकल्पेन वालेन च विराजितः
sitābhraśikharākāraḥ kakudā pariśobhitaḥ mahābhogīṃdrakalpena vālena ca virājitaḥ
Vayaviya Samhita — Uttara Bhaga 31.54
रक्तास्यशृंगचरणौ रक्तप्रायविलोचनः पीवरोन्नतसर्वांगस्सुचारुगमनोज्ज्वलः
raktāsyaśṛṃgacaraṇau raktaprāyavilocanaḥ pīvaronnatasarvāṃgassucārugamanojjvalaḥ
Vayaviya Samhita — Uttara Bhaga 31.55
प्रशस्तलक्षणः श्रीमान्प्रज्वलन्मणिभूषणः शिवप्रियः शिवासक्तः शिवयोर्ध्वजवाहनः
praśastalakṣaṇaḥ śrīmānprajvalanmaṇibhūṣaṇaḥ śivapriyaḥ śivāsaktaḥ śivayordhvajavāhanaḥ
Vayaviya Samhita — Uttara Bhaga 31.56
तथा तच्चरणन्यासपावितापरविग्रहः गोराजपुरुषः श्रीमाञ्छ्रीमच्छूलवरायुधः तयोराज्ञां पुरस्कृत्य स मे कामं प्रयच्छतु
tathā taccaraṇanyāsapāvitāparavigrahaḥ gorājapuruṣaḥ śrīmāñchrīmacchūlavarāyudhaḥ tayorājñāṃ puraskṛtya sa me kāmaṃ prayacchatu
Vayaviya Samhita — Uttara Bhaga 31.57
नन्दीश्वरो महातेजा नगेन्द्रतनयात्मजः सनारायणकैर्देवैर्नित्यमभ्यर्च्य वंदितः
nandīśvaro mahātejā nagendratanayātmajaḥ sanārāyaṇakairdevairnityamabhyarcya vaṃditaḥ
Vayaviya Samhita — Uttara Bhaga 31.58
शर्वस्यांतःपुरद्वारि सार्धं परिजनैः स्थितः सर्वेश्वरसमप्रख्यस्सर्वासुरविमर्दनः
śarvasyāṃtaḥpuradvāri sārdhaṃ parijanaiḥ sthitaḥ sarveśvarasamaprakhyassarvāsuravimardanaḥ
Vayaviya Samhita — Uttara Bhaga 31.59
सर्वेषां शिवधर्माणामध्यक्षत्वे ऽभिषेचितः शिवप्रियश्शिवासक्तश्श्रीमच्छूलवरायुधः
sarveṣāṃ śivadharmāṇāmadhyakṣatve 'bhiṣecitaḥ śivapriyaśśivāsaktaśśrīmacchūlavarāyudhaḥ
Vayaviya Samhita — Uttara Bhaga 31.60
शिवाश्रितेषु संसक्तस्त्वनुरक्तश्च तैरपि सत्कृत्य शिवयोराज्ञां स मे कामं प्रयच्छतु
śivāśriteṣu saṃsaktastvanuraktaśca tairapi satkṛtya śivayorājñāṃ sa me kāmaṃ prayacchatu
Vayaviya Samhita — Uttara Bhaga 31.61
महाकालो महाबाहुर्महादेव इवापरः महादेवाश्रितानां १ तु नित्यमेवाभिरक्षतु
mahākālo mahābāhurmahādeva ivāparaḥ mahādevāśritānāṃ 1 tu nityamevābhirakṣatu
Vayaviya Samhita — Uttara Bhaga 31.62
शिवप्रियः शिवासक्तश्शिवयोरर्चकस्सदा सत्कृत्य शिवयोराज्ञां स मे दिशतु कांक्षितम्
śivapriyaḥ śivāsaktaśśivayorarcakassadā satkṛtya śivayorājñāṃ sa me diśatu kāṃkṣitam
Vayaviya Samhita — Uttara Bhaga 31.63
सर्वशास्त्रार्थतत्त्वज्ञः शास्ता विष्नोः परा तनुः महामोहात्मतनयो मधुमांसासवप्रियः तयोराज्ञां पुरस्कृत्य स मे कामं प्रयच्छतु
sarvaśāstrārthatattvajñaḥ śāstā viṣnoḥ parā tanuḥ mahāmohātmatanayo madhumāṃsāsavapriyaḥ tayorājñāṃ puraskṛtya sa me kāmaṃ prayacchatu
Vayaviya Samhita — Uttara Bhaga 31.64
ब्रह्माणी चैव माहेशी कौमारी वैष्णवी तथा वाराही चैव माहेंद्री चामुंडा चंडविक्रमा
brahmāṇī caiva māheśī kaumārī vaiṣṇavī tathā vārāhī caiva māheṃdrī cāmuṃḍā caṃḍavikramā
Vayaviya Samhita — Uttara Bhaga 31.65
एता वै मातरः सप्त सर्वलोकस्य मातरः प्रार्थितं मे प्रयच्छंतु परमेश्वरशासनात्
etā vai mātaraḥ sapta sarvalokasya mātaraḥ prārthitaṃ me prayacchaṃtu parameśvaraśāsanāt
Vayaviya Samhita — Uttara Bhaga 31.66
मत्तमातंगवदनो गंगोमाशंकरात्मजः आकाशदेहो दिग्बाहुस्सोमसूर्याग्निलोचनः
mattamātaṃgavadano gaṃgomāśaṃkarātmajaḥ ākāśadeho digbāhussomasūryāgnilocanaḥ
Vayaviya Samhita — Uttara Bhaga 31.67
ऐरावतादिभिर्दिव्यैर्दिग्गजैर्नित्यमर्चितः शिवज्ञानमदोद्भिन्नर्स्त्रिदशानामविघ्नकृत्
airāvatādibhirdivyairdiggajairnityamarcitaḥ śivajñānamadodbhinnarstridaśānāmavighnakṛt
Vayaviya Samhita — Uttara Bhaga 31.68
विघ्नकृच्चासुरादीनां विघ्नेशः शिवभावितः सत्कृत्य शिवयोराज्ञां स मे दिशतु कांक्षितम्
vighnakṛccāsurādīnāṃ vighneśaḥ śivabhāvitaḥ satkṛtya śivayorājñāṃ sa me diśatu kāṃkṣitam
Vayaviya Samhita — Uttara Bhaga 31.69
षण्मुखश्शिवसम्भूतः शक्तिवज्रधरः प्रभुः अग्नेश्च तनयो देवो ह्यपर्णातनयः पुनः
ṣaṇmukhaśśivasambhūtaḥ śaktivajradharaḥ prabhuḥ agneśca tanayo devo hyaparṇātanayaḥ punaḥ
Vayaviya Samhita — Uttara Bhaga 31.70
गंगायाश्च गणांबायाः कृत्तिकानां तथैव च विशाखेन च शाखेन नैगमेयेन चावृतः
gaṃgāyāśca gaṇāṃbāyāḥ kṛttikānāṃ tathaiva ca viśākhena ca śākhena naigameyena cāvṛtaḥ
Vayaviya Samhita — Uttara Bhaga 31.71
इंद्रजिच्चंद्रसेनानीस्तारकासुरजित्तथा शैलानां मेरुमुख्यानां वेधकश्च स्वतेजसा
iṃdrajiccaṃdrasenānīstārakāsurajittathā śailānāṃ merumukhyānāṃ vedhakaśca svatejasā
Vayaviya Samhita — Uttara Bhaga 31.72
तप्तचामीकरप्रख्यः शतपत्रदलेक्षणः कुमारस्सुकुमाराणां रूपोदाहरणं महत्
taptacāmīkaraprakhyaḥ śatapatradalekṣaṇaḥ kumārassukumārāṇāṃ rūpodāharaṇaṃ mahat
Vayaviya Samhita — Uttara Bhaga 31.73
शिवप्रियः शिवासक्तः शिवपदार्चकस्सदा सत्कृत्य शिवयोराज्ञां स मे दिशतु कांक्षितम्
śivapriyaḥ śivāsaktaḥ śivapadārcakassadā satkṛtya śivayorājñāṃ sa me diśatu kāṃkṣitam
Vayaviya Samhita — Uttara Bhaga 31.74
ज्येष्ठा वरिष्ठा वरदा शिवयोर्यजनेरता तयोराज्ञां पुरस्कृत्य सा मे दिशतु कांक्षितम्
jyeṣṭhā variṣṭhā varadā śivayoryajaneratā tayorājñāṃ puraskṛtya sā me diśatu kāṃkṣitam
Vayaviya Samhita — Uttara Bhaga 31.75
त्रैलोक्यवंदिता साक्षादुल्काकारा गणांबिका जगत्सृष्टिविवृद्ध्यर्थं ब्रह्मणा ऽभ्यर्थिता शिवात्
trailokyavaṃditā sākṣādulkākārā gaṇāṃbikā jagatsṛṣṭivivṛddhyarthaṃ brahmaṇā 'bhyarthitā śivāt
Vayaviya Samhita — Uttara Bhaga 31.76
शिवायाः प्रविभक्ताया भ्रुवोरन्तरनिस्सृताः दक्षायणी सती मेना तथा हैमवती ह्युमा
śivāyāḥ pravibhaktāyā bhruvorantaranissṛtāḥ dakṣāyaṇī satī menā tathā haimavatī hyumā
Vayaviya Samhita — Uttara Bhaga 31.77
कौशिक्याश्चैव जननी भद्रकाल्यास्तथैव च अपर्णायाश्च जननी पाटलायास्तथैव च
kauśikyāścaiva jananī bhadrakālyāstathaiva ca aparṇāyāśca jananī pāṭalāyāstathaiva ca
Vayaviya Samhita — Uttara Bhaga 31.78
शिवार्चनरता नित्यं रुद्राणी रुद्रवल्लभा सत्कृट्य शिवयोराज्ञां सा मे दिशतु कांक्षितम्
śivārcanaratā nityaṃ rudrāṇī rudravallabhā satkṛṭya śivayorājñāṃ sā me diśatu kāṃkṣitam
Vayaviya Samhita — Uttara Bhaga 31.79
चंडः सर्वगणेशानः शंभोर्वदनसंभवः सत्कृत्य शिवयोराज्ञां स मे दिशतु कांक्षितम्
caṃḍaḥ sarvagaṇeśānaḥ śaṃbhorvadanasaṃbhavaḥ satkṛtya śivayorājñāṃ sa me diśatu kāṃkṣitam
Vayaviya Samhita — Uttara Bhaga 31.80
पिंगलो गणपः श्रीमाञ्छिवासक्तः शिवप्रियः आज्ञया शिवयोरेव स मे कामं प्रयच्छतु
piṃgalo gaṇapaḥ śrīmāñchivāsaktaḥ śivapriyaḥ ājñayā śivayoreva sa me kāmaṃ prayacchatu
Vayaviya Samhita — Uttara Bhaga 31.81
भृंगीशो नाम गणपः शिवराधनतत्परः प्रयच्छतु स मे कामं पत्युराज्ञा पुरःसरम्
bhṛṃgīśo nāma gaṇapaḥ śivarādhanatatparaḥ prayacchatu sa me kāmaṃ patyurājñā puraḥsaram
Vayaviya Samhita — Uttara Bhaga 31.82
वीरभद्रो महातेजा हिमकुंदेंदुसन्निभः भद्रकालीप्रियो नित्यं मात्ःणां चाभिरक्षिता
vīrabhadro mahātejā himakuṃdeṃdusannibhaḥ bhadrakālīpriyo nityaṃ mātḥṇāṃ cābhirakṣitā
Vayaviya Samhita — Uttara Bhaga 31.83
यज्ञस्य च शिरोहर्ता दक्षस्य च दुरात्मनः उपेंद्रेंद्रयमादीनां देवानामंगतक्षकः
yajñasya ca śirohartā dakṣasya ca durātmanaḥ upeṃdreṃdrayamādīnāṃ devānāmaṃgatakṣakaḥ
Vayaviya Samhita — Uttara Bhaga 31.84
शिवस्यानुचरः श्रीमाञ्छिवशासनपालकः शिवयोः शासनादेव स मे दिशतु कांक्षितम्
śivasyānucaraḥ śrīmāñchivaśāsanapālakaḥ śivayoḥ śāsanādeva sa me diśatu kāṃkṣitam
Vayaviya Samhita — Uttara Bhaga 31.85
सरस्वती महेशस्य वाक्सरोजसमुद्भवा शिवयोः पूजने सक्ता स मे दिशतु कांक्षितम्
sarasvatī maheśasya vāksarojasamudbhavā śivayoḥ pūjane saktā sa me diśatu kāṃkṣitam
Vayaviya Samhita — Uttara Bhaga 31.86
विष्णोर्वक्षःस्थिता लक्ष्मीः शिवयोः पूजने रता शिवयोः शासनादेव सा मे दिशतु कांक्षितम्
viṣṇorvakṣaḥsthitā lakṣmīḥ śivayoḥ pūjane ratā śivayoḥ śāsanādeva sā me diśatu kāṃkṣitam
Vayaviya Samhita — Uttara Bhaga 31.87
महामोटी महादेव्याः पादपूजापरायणा तस्या एव नियोगेन सा मे दिशतु कांक्षितम्
mahāmoṭī mahādevyāḥ pādapūjāparāyaṇā tasyā eva niyogena sā me diśatu kāṃkṣitam
Vayaviya Samhita — Uttara Bhaga 31.88
कौशिकी सिंहमारूढा पार्वत्याः परमा सुता विष्णोर्निद्रामहामाया महामहिषमर्दिनी
kauśikī siṃhamārūḍhā pārvatyāḥ paramā sutā viṣṇornidrāmahāmāyā mahāmahiṣamardinī
Vayaviya Samhita — Uttara Bhaga 31.89
निशंभशुंभसंहत्री मधुमांसासवप्रिया सत्कृत्य शासनं मातुस्सा मे दिशतु कांक्षितम्
niśaṃbhaśuṃbhasaṃhatrī madhumāṃsāsavapriyā satkṛtya śāsanaṃ mātussā me diśatu kāṃkṣitam
Vayaviya Samhita — Uttara Bhaga 31.90
रुद्रा रुद्रसमप्रख्याः प्रथमाः प्रथितौजसः भूताख्याश्च महावीर्या महादेवसमप्रभाः
rudrā rudrasamaprakhyāḥ prathamāḥ prathitaujasaḥ bhūtākhyāśca mahāvīryā mahādevasamaprabhāḥ
Vayaviya Samhita — Uttara Bhaga 31.91
नित्यमुक्ता निरुपमा निर्द्वन्द्वा निरुपप्लवाः सशक्तयस्सानुचरास्सर्वलोकनमस्कृताः
nityamuktā nirupamā nirdvandvā nirupaplavāḥ saśaktayassānucarāssarvalokanamaskṛtāḥ
Vayaviya Samhita — Uttara Bhaga 31.92
सर्वेषामेव लोकानां सृष्टिसंहरणक्षमाः परस्परानुरक्ताश्च परस्परमनुव्रताः
sarveṣāmeva lokānāṃ sṛṣṭisaṃharaṇakṣamāḥ parasparānuraktāśca parasparamanuvratāḥ
Vayaviya Samhita — Uttara Bhaga 31.93
परस्परमतिस्निग्धाः परस्परनमस्कृताः शिवप्रियतमा नित्यं शिवलक्षणलक्षिताः
parasparamatisnigdhāḥ parasparanamaskṛtāḥ śivapriyatamā nityaṃ śivalakṣaṇalakṣitāḥ
Vayaviya Samhita — Uttara Bhaga 31.94
सौम्याधारास्तथा मिश्राश्चांतरालद्वयात्मिकाः विरूपाश्च सुरूपाश्च नानारूपधरास्तथा
saumyādhārāstathā miśrāścāṃtarāladvayātmikāḥ virūpāśca surūpāśca nānārūpadharāstathā
Vayaviya Samhita — Uttara Bhaga 31.95
सत्कृत्य शिवयोराज्ञां ते मे कामं दिशंतु वै देव्या प्रियसखीवर्गो देवीलक्षणलक्षितः
satkṛtya śivayorājñāṃ te me kāmaṃ diśaṃtu vai devyā priyasakhīvargo devīlakṣaṇalakṣitaḥ
Vayaviya Samhita — Uttara Bhaga 31.96
सहितो रुद्रकन्याभिः शक्तिभिश्चाप्यनेकशः तृतीयावरणे शंभोर्भक्त्या नित्यं समर्चितः
sahito rudrakanyābhiḥ śaktibhiścāpyanekaśaḥ tṛtīyāvaraṇe śaṃbhorbhaktyā nityaṃ samarcitaḥ
Vayaviya Samhita — Uttara Bhaga 31.97
सत्कृत्य शिवयोराज्ञां स मे दिशतु मंगलम् दिवाकरो महेशस्य मूर्तिर्दीप्तिसुमंडलः
satkṛtya śivayorājñāṃ sa me diśatu maṃgalam divākaro maheśasya mūrtirdīptisumaṃḍalaḥ
Vayaviya Samhita — Uttara Bhaga 31.98
निर्गुणो गुणसंकीर्णस्तथैव गुणकेवलः अविकारात्मकश्चाद्य एकस्सामान्यविक्रियः
nirguṇo guṇasaṃkīrṇastathaiva guṇakevalaḥ avikārātmakaścādya ekassāmānyavikriyaḥ
Vayaviya Samhita — Uttara Bhaga 31.99
असाधारणकर्मा च सृष्टिस्थितिलयक्रमात् एवं त्रिधा चतुर्धा च विभक्ताः पञ्चधा पुनः
asādhāraṇakarmā ca sṛṣṭisthitilayakramāt evaṃ tridhā caturdhā ca vibhaktāḥ pañcadhā punaḥ
Vayaviya Samhita — Uttara Bhaga 31.100
चतुर्थावरणे शंभोः पूजितश्चानुगैः सह शिवप्रियः शिवासक्तः शिवपादार्चने रतः
caturthāvaraṇe śaṃbhoḥ pūjitaścānugaiḥ saha śivapriyaḥ śivāsaktaḥ śivapādārcane rataḥ
Vayaviya Samhita — Uttara Bhaga 31.101
सत्कृत्य शिवयोराज्ञां स मे दिशतु मंगलम् दिवाकरषडंगानि दीप्ताद्याश्चाष्टशक्तयः
satkṛtya śivayorājñāṃ sa me diśatu maṃgalam divākaraṣaḍaṃgāni dīptādyāścāṣṭaśaktayaḥ
Vayaviya Samhita — Uttara Bhaga 31.102
आदित्यो भास्करो भानू रविश्चेत्यनुपूर्वशः अर्को ब्रह्मा तथा रुद्रो विष्नुश्चादित्यमूर्तयः
ādityo bhāskaro bhānū raviścetyanupūrvaśaḥ arko brahmā tathā rudro viṣnuścādityamūrtayaḥ
Vayaviya Samhita — Uttara Bhaga 31.103
विस्तरासुतराबोधिन्याप्यायिन्यपराः पुनः उषा प्रभा तथा प्राज्ञा संध्या चेत्यपि शक्तयः
vistarāsutarābodhinyāpyāyinyaparāḥ punaḥ uṣā prabhā tathā prājñā saṃdhyā cetyapi śaktayaḥ
Vayaviya Samhita — Uttara Bhaga 31.104
सोमादिकेतुपर्यंता ग्रहाश्च शिवभाविताः शिवयोराज्ञयानुन्ना मंगलं प्रदिशंतु मे
somādiketuparyaṃtā grahāśca śivabhāvitāḥ śivayorājñayānunnā maṃgalaṃ pradiśaṃtu me
Vayaviya Samhita — Uttara Bhaga 31.105
अथवा द्वादशादित्यास्तथा द्वादश शक्तयः ऋषयो देवगंधर्वाः पन्नगाप्सरसां गणाः
athavā dvādaśādityāstathā dvādaśa śaktayaḥ ṛṣayo devagaṃdharvāḥ pannagāpsarasāṃ gaṇāḥ
Vayaviya Samhita — Uttara Bhaga 31.106
ग्रामण्यश्च तथा यक्षा राक्षसाश्चासुरास्तथा सप्तसप्तगणाश्चैते सप्तच्छंदोमया हयाः
grāmaṇyaśca tathā yakṣā rākṣasāścāsurāstathā saptasaptagaṇāścaite saptacchaṃdomayā hayāḥ
Vayaviya Samhita — Uttara Bhaga 31.107
वालखिल्या दयश्चैव सर्वे शिवपदार्चकाः सत्कृत्यशिवयोराज्ञां मंगलं प्रदिशंतु मे
vālakhilyā dayaścaiva sarve śivapadārcakāḥ satkṛtyaśivayorājñāṃ maṃgalaṃ pradiśaṃtu me
Vayaviya Samhita — Uttara Bhaga 31.108
ब्रह्माथ देवदेवस्य मूर्तिर्भूमण्डलाधिपः चतुःषष्टिगुणैश्वर्यो बुद्धितत्त्वे प्रतिष्ठितः
brahmātha devadevasya mūrtirbhūmaṇḍalādhipaḥ catuḥṣaṣṭiguṇaiśvaryo buddhitattve pratiṣṭhitaḥ
Vayaviya Samhita — Uttara Bhaga 31.109
निर्गुणो गुणसंकीर्णस्तथैव गुणकेवलः अविकारात्मको देवस्ततस्साधारणः पुरः
nirguṇo guṇasaṃkīrṇastathaiva guṇakevalaḥ avikārātmako devastatassādhāraṇaḥ puraḥ
Vayaviya Samhita — Uttara Bhaga 31.110
असाधारणकर्मा च सृष्टिस्थितिलयक्रमात् भुवं त्रिधा चतुर्धा च विभक्तः पञ्चधा पुनः
asādhāraṇakarmā ca sṛṣṭisthitilayakramāt bhuvaṃ tridhā caturdhā ca vibhaktaḥ pañcadhā punaḥ
Vayaviya Samhita — Uttara Bhaga 31.111
चतुर्थावरणे शंभो पूजितश्च सहानुगैः शिवप्रियः शिवासक्तश्शिवपादार्चने रतः
caturthāvaraṇe śaṃbho pūjitaśca sahānugaiḥ śivapriyaḥ śivāsaktaśśivapādārcane rataḥ
Vayaviya Samhita — Uttara Bhaga 31.112
सत्कृत्य शिवयोराज्ञां स मे दिशतु मंगलम् हिरण्यगर्भो लोकेशो विराट् कालश्च पूरुषः
satkṛtya śivayorājñāṃ sa me diśatu maṃgalam hiraṇyagarbho lokeśo virāṭ kālaśca pūruṣaḥ
Vayaviya Samhita — Uttara Bhaga 31.113
सनत्कुमारः सनकः सनंदश्च सनातनः प्रजानां पतयश्चैव दक्षाद्या ब्रह्मसूनवः
sanatkumāraḥ sanakaḥ sanaṃdaśca sanātanaḥ prajānāṃ patayaścaiva dakṣādyā brahmasūnavaḥ
Vayaviya Samhita — Uttara Bhaga 31.114
एकादश सपत्नीका धर्मस्संकल्प एव च शिवार्चनरताश्चैते शिवभक्तिपरायणाः
ekādaśa sapatnīkā dharmassaṃkalpa eva ca śivārcanaratāścaite śivabhaktiparāyaṇāḥ
Vayaviya Samhita — Uttara Bhaga 31.115
शिवाज्ञावशगास्सर्वे दिशंतु मम मंगलम् चत्वारश्च तथा वेदास्सेतिहासपुराणकाः
śivājñāvaśagāssarve diśaṃtu mama maṃgalam catvāraśca tathā vedāssetihāsapurāṇakāḥ
Vayaviya Samhita — Uttara Bhaga 31.116
धर्मशास्त्राणि विद्याभिर्वैदिकीभिस्समन्विताः परस्परविरुद्धार्थाः शिवप्रकृतिपादकाः
dharmaśāstrāṇi vidyābhirvaidikībhissamanvitāḥ parasparaviruddhārthāḥ śivaprakṛtipādakāḥ
Vayaviya Samhita — Uttara Bhaga 31.117
सत्कृत्य शिवयोराज्ञां मंगलं प्रदिशंतु मे अथ रुद्रो महादेवः शंभोर्मूर्तिर्गरीयसी
satkṛtya śivayorājñāṃ maṃgalaṃ pradiśaṃtu me atha rudro mahādevaḥ śaṃbhormūrtirgarīyasī
Vayaviya Samhita — Uttara Bhaga 31.118
वाह्नेयमण्डलाधीशः पौरुषैश्वर्यवान्प्रभुः शिवाभिमानसंपन्नो निर्गुणस्त्रिगुणात्मकः
vāhneyamaṇḍalādhīśaḥ pauruṣaiśvaryavānprabhuḥ śivābhimānasaṃpanno nirguṇastriguṇātmakaḥ
Vayaviya Samhita — Uttara Bhaga 31.119
केवलं सात्त्विकश्चापि राजसश्चैव तामसः अविकाररतः पूर्वं ततस्तु समविक्रियः
kevalaṃ sāttvikaścāpi rājasaścaiva tāmasaḥ avikārarataḥ pūrvaṃ tatastu samavikriyaḥ
Vayaviya Samhita — Uttara Bhaga 31.120
असाधारणकर्मा च सृष्ट्यादिकरणात्पृथक् ब्रह्मणोपि शिरश्छेत्ता जनकस्तस्य तत्सुतः
asādhāraṇakarmā ca sṛṣṭyādikaraṇātpṛthak brahmaṇopi śiraśchettā janakastasya tatsutaḥ
Vayaviya Samhita — Uttara Bhaga 31.121
जनकस्तनयश्चापि विष्णोरपि नियामकः बोधकश्च तयोर्नित्यमनुग्रहकरः प्रभुः
janakastanayaścāpi viṣṇorapi niyāmakaḥ bodhakaśca tayornityamanugrahakaraḥ prabhuḥ
Vayaviya Samhita — Uttara Bhaga 31.122
अंडस्यांतर्बहिर्वर्ती रुद्रो लोकद्वयाधिपः शिवप्रियः शिवासक्तः शिवपादार्चने रतः
aṃḍasyāṃtarbahirvartī rudro lokadvayādhipaḥ śivapriyaḥ śivāsaktaḥ śivapādārcane rataḥ
Vayaviya Samhita — Uttara Bhaga 31.123
शिवस्याज्ञां पुरस्कृत्य स मे दिशतु मंगलम् तस्य ब्रह्म षडंगानि विद्येशांतं तथाष्टकम्
śivasyājñāṃ puraskṛtya sa me diśatu maṃgalam tasya brahma ṣaḍaṃgāni vidyeśāṃtaṃ tathāṣṭakam
Vayaviya Samhita — Uttara Bhaga 31.124
चत्वारो मूर्तिभेदाश्च शिवपूर्वाः शिवार्चकाः शिवो भवो हरश्चैव मृडश्चैव तथापरः शिवस्याज्ञां पुरस्कृत्य मंगलं प्रदिशंतु मे
catvāro mūrtibhedāśca śivapūrvāḥ śivārcakāḥ śivo bhavo haraścaiva mṛḍaścaiva tathāparaḥ śivasyājñāṃ puraskṛtya maṃgalaṃ pradiśaṃtu me
Vayaviya Samhita — Uttara Bhaga 31.125
अथ विष्णुर्महेशस्य शिवस्यैव परा तनुः वारितत्त्वाधिपः साक्षादव्यक्तपदसंस्थितः
atha viṣṇurmaheśasya śivasyaiva parā tanuḥ vāritattvādhipaḥ sākṣādavyaktapadasaṃsthitaḥ
Vayaviya Samhita — Uttara Bhaga 31.126
निर्गुणस्सत्त्वबहुलस्तथैव गुणकेवलः अविकाराभिमानी च त्रिसाधारणविक्रियः
nirguṇassattvabahulastathaiva guṇakevalaḥ avikārābhimānī ca trisādhāraṇavikriyaḥ
Vayaviya Samhita — Uttara Bhaga 31.127
असाधारणकर्मा च सृष्ट्यादिकरणात्पृथक् दक्षिणांगभवेनापि स्पर्धमानः स्वयंभुवा
asādhāraṇakarmā ca sṛṣṭyādikaraṇātpṛthak dakṣiṇāṃgabhavenāpi spardhamānaḥ svayaṃbhuvā
Vayaviya Samhita — Uttara Bhaga 31.128
आद्येन ब्रह्मणा साक्षात्सृष्टः स्रष्टा च तस्य तु अंडस्यांतर्बहिर्वर्ती विष्णुर्लोकद्वयाधिपः
ādyena brahmaṇā sākṣātsṛṣṭaḥ sraṣṭā ca tasya tu aṃḍasyāṃtarbahirvartī viṣṇurlokadvayādhipaḥ
Vayaviya Samhita — Uttara Bhaga 31.129
असुरांतकरश्चक्री शक्रस्यापि तथानुजः प्रादुर्भूतश्च दशधा भृगुशापच्छलादिह
asurāṃtakaraścakrī śakrasyāpi tathānujaḥ prādurbhūtaśca daśadhā bhṛguśāpacchalādiha
Vayaviya Samhita — Uttara Bhaga 31.130
भूभारनिग्रहार्थाय स्वेच्छयावातरक्षितौ अप्रमेयबलो मायी मायया मोहयञ्जगत्
bhūbhāranigrahārthāya svecchayāvātarakṣitau aprameyabalo māyī māyayā mohayañjagat
Vayaviya Samhita — Uttara Bhaga 31.131
मूर्तिं कृत्वा महाविष्णुं सदाशिष्णुमथापि वा वैष्णवैः पूजितो नित्यं मूर्तित्रयमयासने
mūrtiṃ kṛtvā mahāviṣṇuṃ sadāśiṣṇumathāpi vā vaiṣṇavaiḥ pūjito nityaṃ mūrtitrayamayāsane
Vayaviya Samhita — Uttara Bhaga 31.132
शिवप्रियः शिवासक्तः शिवपादार्चने रतः शिवस्याज्ञां पुरस्कृत्य स मे दिशतु मंगलम्
śivapriyaḥ śivāsaktaḥ śivapādārcane rataḥ śivasyājñāṃ puraskṛtya sa me diśatu maṃgalam
Vayaviya Samhita — Uttara Bhaga 31.133
वासुदेवो ऽनिरुद्धश्च प्रद्युम्नश्च ततः परः संकर्षणस्समाख्याताश्चतस्रो मूर्तयो हरेः
vāsudevo 'niruddhaśca pradyumnaśca tataḥ paraḥ saṃkarṣaṇassamākhyātāścatasro mūrtayo hareḥ
Vayaviya Samhita — Uttara Bhaga 31.134
मत्स्यः कूर्मो वराहश्च नारसिंहो ऽथ वामनः रामत्रयं तथा कृष्णो विष्णुस्तुरगवक्त्रकः
matsyaḥ kūrmo varāhaśca nārasiṃho 'tha vāmanaḥ rāmatrayaṃ tathā kṛṣṇo viṣṇusturagavaktrakaḥ
Vayaviya Samhita — Uttara Bhaga 31.135
चक्रं नारायणस्यास्त्रं पांचजन्यं च शार्ङ्गकम् सत्कृत्य शिवयोराज्ञां मंगलं प्रदिशंतु मे
cakraṃ nārāyaṇasyāstraṃ pāṃcajanyaṃ ca śārṅgakam satkṛtya śivayorājñāṃ maṃgalaṃ pradiśaṃtu me
Vayaviya Samhita — Uttara Bhaga 31.136
प्रभा सरस्वती गौरी लक्ष्मीश्च शिवभाविता शिवयोः शासनादेता मंगलं प्रदिशंतु मे
prabhā sarasvatī gaurī lakṣmīśca śivabhāvitā śivayoḥ śāsanādetā maṃgalaṃ pradiśaṃtu me
Vayaviya Samhita — Uttara Bhaga 31.137
इन्द्रो ऽग्निश्च यमश्चैव निरृतिर्वरुणस्तथा वायुः सोमः कुबेरश्च तथेशानस्त्रिशूलधृक्
indro 'gniśca yamaścaiva nirṛtirvaruṇastathā vāyuḥ somaḥ kuberaśca tatheśānastriśūladhṛk
Vayaviya Samhita — Uttara Bhaga 31.138
सर्वे शिवार्चनरताः शिवसद्भावभाविताः सत्कृत्य शिवयोराज्ञां मंगलं प्रदिशंतु मे
sarve śivārcanaratāḥ śivasadbhāvabhāvitāḥ satkṛtya śivayorājñāṃ maṃgalaṃ pradiśaṃtu me
Vayaviya Samhita — Uttara Bhaga 31.139
त्रिशूलमथ वज्रं च तथा परशुसायकौ खड्गपाशांकुशाश्चैव पिनाकश्चायुधोत्तमः
triśūlamatha vajraṃ ca tathā paraśusāyakau khaḍgapāśāṃkuśāścaiva pinākaścāyudhottamaḥ
Vayaviya Samhita — Uttara Bhaga 31.140
दिव्यायुधानि देवस्य देव्याश्चैतानि नित्यशः सत्कृत्य शिवयोराज्ञां रक्षां कुर्वंतु मे सदा
divyāyudhāni devasya devyāścaitāni nityaśaḥ satkṛtya śivayorājñāṃ rakṣāṃ kurvaṃtu me sadā
Vayaviya Samhita — Uttara Bhaga 31.141
वृषरूपधरो देवः सौरभेयो महाबलः वडवाख्यानलस्पर्धां पञ्चगोमातृभिर्वृतः
vṛṣarūpadharo devaḥ saurabheyo mahābalaḥ vaḍavākhyānalaspardhāṃ pañcagomātṛbhirvṛtaḥ
Vayaviya Samhita — Uttara Bhaga 31.142
वाहनत्वमनुप्राप्तस्तपसा परमेशयोः तयोराज्ञां पुरस्कृत्य स मे कामं प्रयच्छतु
vāhanatvamanuprāptastapasā parameśayoḥ tayorājñāṃ puraskṛtya sa me kāmaṃ prayacchatu
Vayaviya Samhita — Uttara Bhaga 31.143
नंदा सुनंदा सुरभिः सुशीला सुमनास्तथा पञ्चगोमातरस्त्वेताश्शिवलोके व्यवस्थिताः
naṃdā sunaṃdā surabhiḥ suśīlā sumanāstathā pañcagomātarastvetāśśivaloke vyavasthitāḥ
Vayaviya Samhita — Uttara Bhaga 31.144
शिवभक्तिपरा नित्यं शिवार्चनपरायणाः शिवयोः शासनादेव दिशंतु मम वांछितम्
śivabhaktiparā nityaṃ śivārcanaparāyaṇāḥ śivayoḥ śāsanādeva diśaṃtu mama vāṃchitam
Vayaviya Samhita — Uttara Bhaga 31.145
क्षेत्रपालो महातेजा नील जीमूतसन्निभः दंष्ट्राकरालवदनः स्फुरद्रक्ताधरोज्ज्वलः
kṣetrapālo mahātejā nīla jīmūtasannibhaḥ daṃṣṭrākarālavadanaḥ sphuradraktādharojjvalaḥ
Vayaviya Samhita — Uttara Bhaga 31.146
रक्तोर्ध्वमूर्धजः श्रीमान्भ्रुकुटीकुटिलेक्षणः रक्तवृत्तत्रिनयनः शशिपन्नगभूषणः
raktordhvamūrdhajaḥ śrīmānbhrukuṭīkuṭilekṣaṇaḥ raktavṛttatrinayanaḥ śaśipannagabhūṣaṇaḥ
Vayaviya Samhita — Uttara Bhaga 31.147
नग्नस्त्रिशूलपाशासिकपालोद्यतपाणिकः भैरवो भैरवैः सिद्धैर्योगिनीभिश्च संवृतः
nagnastriśūlapāśāsikapālodyatapāṇikaḥ bhairavo bhairavaiḥ siddhairyoginībhiśca saṃvṛtaḥ
Vayaviya Samhita — Uttara Bhaga 31.148
क्षेत्रेक्षेत्रे समासीनः स्थितो यो रक्षकस्सताम् शिवप्रणामपरमः शिवसद्भावभावितः
kṣetrekṣetre samāsīnaḥ sthito yo rakṣakassatām śivapraṇāmaparamaḥ śivasadbhāvabhāvitaḥ
Vayaviya Samhita — Uttara Bhaga 31.149
शिवश्रितान्विशेषेण रक्षन्पुत्रानिवौरसान् सत्कृत्य शिवयोराज्ञां स मे दिशतु मङ्गलम्
śivaśritānviśeṣeṇa rakṣanputrānivaurasān satkṛtya śivayorājñāṃ sa me diśatu maṅgalam
Vayaviya Samhita — Uttara Bhaga 31.150
तालजङ्घादयस्तस्य प्रथमावरणेर्चिताः सत्कृत्य शिवयोराज्ञां चत्वारः समवन्तु माम्
tālajaṅghādayastasya prathamāvaraṇercitāḥ satkṛtya śivayorājñāṃ catvāraḥ samavantu mām
Vayaviya Samhita — Uttara Bhaga 31.151
भैरवाद्याश्च ये चान्ये समंतात्तस्य वेष्टिताः ते ऽपि मामनुगृह्णंतु शिवशासनगौरवात्
bhairavādyāśca ye cānye samaṃtāttasya veṣṭitāḥ te 'pi māmanugṛhṇaṃtu śivaśāsanagauravāt
Vayaviya Samhita — Uttara Bhaga 31.152
नारदाद्याश्च मुनयो दिव्या देवैश्च पूजिताः साध्या मागाश्च ये देवा जनलोकनिवासिनः
nāradādyāśca munayo divyā devaiśca pūjitāḥ sādhyā māgāśca ye devā janalokanivāsinaḥ
Vayaviya Samhita — Uttara Bhaga 31.153
विनिवृत्ताधिकाराश्च महर्लोकनिवासिनः सप्तर्षयस्तथान्ये वै वैमानिकगुणैस्सह
vinivṛttādhikārāśca maharlokanivāsinaḥ saptarṣayastathānye vai vaimānikaguṇaissaha
Vayaviya Samhita — Uttara Bhaga 31.154
सर्वे शिवार्चनरताः शिवाज्ञावशवर्तिनः शिवयोराज्ञया मह्यं दिशंतु मम कांक्षितम् १
sarve śivārcanaratāḥ śivājñāvaśavartinaḥ śivayorājñayā mahyaṃ diśaṃtu mama kāṃkṣitam 1
Vayaviya Samhita — Uttara Bhaga 31.155
गंधर्वाद्याः पिशाचांताश्चतस्रो देवयोनयः सिद्धा विद्याधराद्याश्च ये ऽपि चान्ये नभश्चराः
gaṃdharvādyāḥ piśācāṃtāścatasro devayonayaḥ siddhā vidyādharādyāśca ye 'pi cānye nabhaścarāḥ
Vayaviya Samhita — Uttara Bhaga 31.156
असुरा राक्षसाश्चैव पातालतलवासिनः अनंताद्याश्च नागेन्द्रा वैनतेयादयो द्विजाः
asurā rākṣasāścaiva pātālatalavāsinaḥ anaṃtādyāśca nāgendrā vainateyādayo dvijāḥ
Vayaviya Samhita — Uttara Bhaga 31.157
कूष्मांडाः प्रेतवेताला ग्रहा भूतगणाः परे डाकिन्यश्चापि योगिन्यः शाकिन्यश्चापि तादृशाः
kūṣmāṃḍāḥ pretavetālā grahā bhūtagaṇāḥ pare ḍākinyaścāpi yoginyaḥ śākinyaścāpi tādṛśāḥ
Vayaviya Samhita — Uttara Bhaga 31.158
क्षेत्रारामगृहादीनि तीर्थान्यायतनानि च द्वीपाः समुद्रा नद्यश्च नदाश्चान्ये सरांसि च
kṣetrārāmagṛhādīni tīrthānyāyatanāni ca dvīpāḥ samudrā nadyaśca nadāścānye sarāṃsi ca
Vayaviya Samhita — Uttara Bhaga 31.159
गिरयश्च सुमेर्वाद्याः कननानि समंततः पशवः पक्षिणो वृक्षाः कृमिकीटादयो मृगाः
girayaśca sumervādyāḥ kananāni samaṃtataḥ paśavaḥ pakṣiṇo vṛkṣāḥ kṛmikīṭādayo mṛgāḥ
Vayaviya Samhita — Uttara Bhaga 31.160
भुवनान्यपि सर्वाणि भुवनानामधीश्वरः अण्डान्यावरणैस्सार्धं मासाश्च दश दिग्गजाः
bhuvanānyapi sarvāṇi bhuvanānāmadhīśvaraḥ aṇḍānyāvaraṇaissārdhaṃ māsāśca daśa diggajāḥ
Vayaviya Samhita — Uttara Bhaga 31.161
वर्णाः पदानि मंत्राश्च तत्त्वान्यपि सहाधिपैः ब्रह्मांडधारका रुद्रा रुद्राश्चान्ये सशक्तिकाः
varṇāḥ padāni maṃtrāśca tattvānyapi sahādhipaiḥ brahmāṃḍadhārakā rudrā rudrāścānye saśaktikāḥ
Vayaviya Samhita — Uttara Bhaga 31.162
यच्च किंचिज्जगत्यस्मिन्दृष्टं चानुमितं श्रुतम् सर्वे कामं प्रयच्छन्तु शिवयोरेव शासनात्
yacca kiṃcijjagatyasmindṛṣṭaṃ cānumitaṃ śrutam sarve kāmaṃ prayacchantu śivayoreva śāsanāt
Vayaviya Samhita — Uttara Bhaga 31.163
अथ विद्या परा शैवी पशुपाशविमोचिनी पञ्चार्थसंज्ञिता दिव्या पशुविद्याबहिष्कृता
atha vidyā parā śaivī paśupāśavimocinī pañcārthasaṃjñitā divyā paśuvidyābahiṣkṛtā
Vayaviya Samhita — Uttara Bhaga 31.164
शास्त्रं च शिवधर्माख्यं धर्माख्यं च तदुत्तरम् शैवाख्यं शिवधर्माख्यं पुराणं श्रुतिसंमितम्
śāstraṃ ca śivadharmākhyaṃ dharmākhyaṃ ca taduttaram śaivākhyaṃ śivadharmākhyaṃ purāṇaṃ śrutisaṃmitam
Vayaviya Samhita — Uttara Bhaga 31.165
शैवागमाश्च ये चान्ये कामिकाद्याश्चतुर्विधाः शिवाभ्यामविशेषेण सत्कृत्येह समर्चिताः
śaivāgamāśca ye cānye kāmikādyāścaturvidhāḥ śivābhyāmaviśeṣeṇa satkṛtyeha samarcitāḥ
Vayaviya Samhita — Uttara Bhaga 31.166
ताभ्यामेव समाज्ञाता ममाभिप्रेतसिद्धये कर्मेदमनुमन्यंतां सफलं साध्वनुष्ठितम्
tābhyāmeva samājñātā mamābhipretasiddhaye karmedamanumanyaṃtāṃ saphalaṃ sādhvanuṣṭhitam
Vayaviya Samhita — Uttara Bhaga 31.167
श्वेताद्या नकुलीशांताः सशिष्याश्चापि देशिकाः तत्संततीया गुरवो विशेषाद्गुरवो मम
śvetādyā nakulīśāṃtāḥ saśiṣyāścāpi deśikāḥ tatsaṃtatīyā guravo viśeṣādguravo mama
Vayaviya Samhita — Uttara Bhaga 31.168
शैवा माहेश्वराश्चैव ज्ञानकर्मपरायणाः कर्मेदमनुमन्यंतां सफलं साध्वनुष्ठितम्
śaivā māheśvarāścaiva jñānakarmaparāyaṇāḥ karmedamanumanyaṃtāṃ saphalaṃ sādhvanuṣṭhitam
Vayaviya Samhita — Uttara Bhaga 31.169
लौकिका ब्राह्मणास्सर्वे क्षत्रियाश्च विशः क्रमात् वेदवेदांगतत्त्वज्ञाः सर्वशास्त्रविशारदाः
laukikā brāhmaṇāssarve kṣatriyāśca viśaḥ kramāt vedavedāṃgatattvajñāḥ sarvaśāstraviśāradāḥ
Vayaviya Samhita — Uttara Bhaga 31.170
सांख्या वैशेषिकाश्चैव यौगा नैयायिका नराः सौरा ब्रह्मास्तथा रौद्रा वैष्णवाश्चापरे नराः
sāṃkhyā vaiśeṣikāścaiva yaugā naiyāyikā narāḥ saurā brahmāstathā raudrā vaiṣṇavāścāpare narāḥ
Vayaviya Samhita — Uttara Bhaga 31.171
शिष्टाः सर्वे विशिष्टा च शिवशासनयंत्रिताः कर्मेदमनुमन्यंतां ममाभिप्रेतसाधकम्
śiṣṭāḥ sarve viśiṣṭā ca śivaśāsanayaṃtritāḥ karmedamanumanyaṃtāṃ mamābhipretasādhakam
Vayaviya Samhita — Uttara Bhaga 31.172
शैवाः सिद्धांतमार्गस्थाः शैवाः पाशुपतास्तथा शैवा महाव्रतधराः शैवाः कापालिकाः परे
śaivāḥ siddhāṃtamārgasthāḥ śaivāḥ pāśupatāstathā śaivā mahāvratadharāḥ śaivāḥ kāpālikāḥ pare
Vayaviya Samhita — Uttara Bhaga 31.173
शिवाज्ञापालकाः पूज्या ममापि शिवशासनात् सर्वे ममानुगृह्णंतु शंसंतु सफलक्रियाम्
śivājñāpālakāḥ pūjyā mamāpi śivaśāsanāt sarve mamānugṛhṇaṃtu śaṃsaṃtu saphalakriyām
Vayaviya Samhita — Uttara Bhaga 31.174
दक्षिणज्ञाननिष्ठाश्च दक्षिणोत्तरमार्गगाः अविरोधेन वर्तंतां मंत्रश्रेयो ऽर्थिनो मम
dakṣiṇajñānaniṣṭhāśca dakṣiṇottaramārgagāḥ avirodhena vartaṃtāṃ maṃtraśreyo 'rthino mama
Vayaviya Samhita — Uttara Bhaga 31.175
नास्तिकाश्च शठाश्चैव कृतघ्नाश्चैव तामसाः पाषंडाश्चातिपापाश्च वर्तंतां दूरतो मम
nāstikāśca śaṭhāścaiva kṛtaghnāścaiva tāmasāḥ pāṣaṃḍāścātipāpāśca vartaṃtāṃ dūrato mama
Vayaviya Samhita — Uttara Bhaga 31.176
बहुभिः किं स्तुतैरत्र ये ऽपि के ऽपिचिदास्तिकाः सर्वे मामनुगृह्णंतु संतः शंसंतु मंगलम्
bahubhiḥ kiṃ stutairatra ye 'pi ke 'picidāstikāḥ sarve māmanugṛhṇaṃtu saṃtaḥ śaṃsaṃtu maṃgalam
Vayaviya Samhita — Uttara Bhaga 31.177
नमश्शिवाय सांबाय ससुतायादिहेतवे पञ्चावरणरूपेण प्रपञ्चेनावृताय ते
namaśśivāya sāṃbāya sasutāyādihetave pañcāvaraṇarūpeṇa prapañcenāvṛtāya te
Vayaviya Samhita — Uttara Bhaga 31.178
इत्युक्त्वा दंडवद्भूमौ प्रणिपत्य शिवं शिवाम् जपेत्पञ्चाक्षरीं विद्यामष्टोत्तरशतावराम्
ityuktvā daṃḍavadbhūmau praṇipatya śivaṃ śivām japetpañcākṣarīṃ vidyāmaṣṭottaraśatāvarām
Vayaviya Samhita — Uttara Bhaga 31.179
तथैव शक्तिविद्यां च जपित्वा तत्समर्पणम् कृत्वा तं क्षमयित्वेशं पूजाशेषं समापयेत्
tathaiva śaktividyāṃ ca japitvā tatsamarpaṇam kṛtvā taṃ kṣamayitveśaṃ pūjāśeṣaṃ samāpayet
Vayaviya Samhita — Uttara Bhaga 31.180
एतत्पुण्यतमं स्तोत्रं शिवयोर्हृदयंगमम् सर्वाभीष्टप्रदं साक्षाद्भुक्तिमुक्त्यैकसाधनम्
etatpuṇyatamaṃ stotraṃ śivayorhṛdayaṃgamam sarvābhīṣṭapradaṃ sākṣādbhuktimuktyaikasādhanam
Vayaviya Samhita — Uttara Bhaga 31.181
य इदं कीर्तयेन्नित्यं शृणुयाद्वा समाहितः स विधूयाशु पापानि शिवसायुज्यमाप्नुयात्
ya idaṃ kīrtayennityaṃ śṛṇuyādvā samāhitaḥ sa vidhūyāśu pāpāni śivasāyujyamāpnuyāt
Vayaviya Samhita — Uttara Bhaga 31.182
गोघ्नश्चैव कृतघ्नश्च वीरहा भ्रूणहापि वा शरणागतघाती च मित्रविश्रंभघातकः
goghnaścaiva kṛtaghnaśca vīrahā bhrūṇahāpi vā śaraṇāgataghātī ca mitraviśraṃbhaghātakaḥ
Vayaviya Samhita — Uttara Bhaga 31.183
दुष्टपापसमाचारो मातृहा पितृहापि वा स्तवेनानेन जप्तेन तत्तत्पापात्प्रमुच्यते
duṣṭapāpasamācāro mātṛhā pitṛhāpi vā stavenānena japtena tattatpāpātpramucyate
Vayaviya Samhita — Uttara Bhaga 31.184
दुःस्वप्नादिमहानर्थसूचकेषु भयेषु च यदि संकीर्तयेदेतन्न ततो नार्थभाग्भवेत्
duḥsvapnādimahānarthasūcakeṣu bhayeṣu ca yadi saṃkīrtayedetanna tato nārthabhāgbhavet
Vayaviya Samhita — Uttara Bhaga 31.185
आयुरारोग्यमैश्वर्यं यच्चान्यदपि वाञ्छितम् स्तोत्रस्यास्य जपे तिष्ठंस्तत्सर्वं लभते नरः
āyurārogyamaiśvaryaṃ yaccānyadapi vāñchitam stotrasyāsya jape tiṣṭhaṃstatsarvaṃ labhate naraḥ
Vayaviya Samhita — Uttara Bhaga 31.186
असंपूज्य शिवस्तोत्रं जपात्फलमुदाहृतम् संपूज्य च जपे तस्य फलं वक्तुं न शक्यते
asaṃpūjya śivastotraṃ japātphalamudāhṛtam saṃpūjya ca jape tasya phalaṃ vaktuṃ na śakyate
Vayaviya Samhita — Uttara Bhaga 31.187
आस्तामियं फलावाप्तिरस्मिन्संकीर्तिते सति सार्धमंबिकया देवः श्रुत्यैवं दिवि तिष्ठति
āstāmiyaṃ phalāvāptirasminsaṃkīrtite sati sārdhamaṃbikayā devaḥ śrutyaivaṃ divi tiṣṭhati
Vayaviya Samhita — Uttara Bhaga 31.188
तस्मान्नभसि संपूज्य देवं देवं सहोमया कृतांजलिपुटस्तिष्ठंस्तोत्रमेतदुदीरयेत्
tasmānnabhasi saṃpūjya devaṃ devaṃ sahomayā kṛtāṃjalipuṭastiṣṭhaṃstotrametadudīrayet
Vayaviya Samhita — Uttara Bhaga 31.189