आचारखण्ड — Adhyaya 198

इति श्रीगारुडे महापुराणे पूर्वखण्डे प्रथमांशाख्ये आचारकाण्डे सप्तनवत्यधिकशततमो ऽध्यायः श्रीगरुडमहापुराणम्- १९८ भैरव उवाच । नित्यक्लिन्नामथो वक्ष्ये त्रिपुरां भुक्तिमुक्तिदाम् । ॐ ह्रीं आगच्छ देवि ऐं ह्रीं ह्रीं रेखाकारणम् । ॐ ह्रीं क्लेदिनी भं नमः मदनक्षोभिणा तथा । ऐ यं यं क्रीं वा गुणरेखया ह्रीं मदनान्तरे च । ऐं ह्रीं ह्रीं च निरञ्जना वागति मदनान्तरेखे खनेत्रावलीति च । वेगवति महाप्रेतासनाय च पूजयेत् । ॐ ह्रीं क्रैं नैं क्रैं नित्यं मदद्रवे क्रीं नमः । ऐं ह्रीं त्रिपुरायै नमः । ॐ ह्रीं क्रीं पश्चिमवक्त्रं ॐ ऐं ह्रीं ह्रीं च तथोत्तरम् । ऐं ह्रीं दक्षिणमूर्ध्वंवक्त्रं तु पश्चिमम् । ॐ ह्रीं पाशाय क्रीं अङ्कुशाय ऐं कपालाय नमः । आद्यं भयं ऐं ह्रीं च तथा शिरः तथा शिखायै कवचे । ऐं ह्रीं क्रीं अस्त्रायफट्

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe saptanavatyadhikaśatatamo 'dhyāyaḥ śrīgaruḍamahāpurāṇam- 198 bhairava uvāca / nityaklinnāmatho vakṣye tripurāṃ bhuktimuktidām / oṃ hrīṃ āgaccha devi aiṃ hrīṃ hrīṃ rekhākāraṇam / oṃ hrīṃ kledinī bhaṃ namaḥ madanakṣobhiṇā tathā / ai yaṃ yaṃ krīṃ vā guṇarekhayā hrīṃ madanāntare ca / aiṃ hrīṃ hrīṃ ca nirañjanā vāgati madanāntarekhe khanetrāvalīti ca / vegavati mahāpretāsanāya ca pūjayet / oṃ hrīṃ kraiṃ naiṃ kraiṃ nityaṃ madadrave krīṃ namaḥ / aiṃ hrīṃ tripurāyai namaḥ / oṃ hrīṃ krīṃ paścimavaktraṃ oṃ aiṃ hrīṃ hrīṃ ca tathottaram / aiṃ hrīṃ dakṣiṇamūrdhvaṃvaktraṃ tu paścimam / oṃ hrīṃ pāśāya krīṃ aṅkuśāya aiṃ kapālāya namaḥ / ādyaṃ bhayaṃ aiṃ hrīṃ ca tathā śiraḥ tathā śikhāyai kavace / aiṃ hrīṃ krīṃ astrāyaphaṭ

1.198.1

पूर्वे कामरूपाय असिताङ्गाय भैरवाय नमो ब्रह्माण्यै । दक्षिणे चै कन्दाय वै नमः रुरुभैवाय माहेश्वर्या वा आवाहयेत्

pūrve kāmarūpāya asitāṅgāya bhairavāya namo brahmāṇyai / dakṣiṇe cai kandāya vai namaḥ rurubhaivāya māheśvaryā vā āvāhayet

1.198.2

तथा पश्चिमे चण्डाय वै नमः । कौमार्यै चोत्तरे चोल्काय क्रोधाय नमः वैष्णव्यै

tathā paścime caṇḍāya vai namaḥ / kaumāryai cottare colkāya krodhāya namaḥ vaiṣṇavyai

1.198.3

अग्निकोणे अघोरायोन्मत्तभैरवायेति वाराह्यै । रक्षः कोणे साराय कपालिने भैरवाय माहेर्न्द्यै

agnikoṇe aghorāyonmattabhairavāyeti vārāhyai / rakṣaḥ koṇe sārāya kapāline bhairavāya māherndyai

1.198.4

वायुकोणे जालन्धराय भीषणाय भैरवाय चामुण्डायै । ईशकोणके वटुकाय संहारञ्चण्डिकाञ्च प्रपूजयेत्

vāyukoṇe jālandharāya bhīṣaṇāya bhairavāya cāmuṇḍāyai / īśakoṇake vaṭukāya saṃhārañcaṇḍikāñca prapūjayet

1.198.5

रतिप्रीतिकामदेवान्पञ्चबाणान्यजेदथ । ध्यानार्चनाज्जप्यहोमाद्देवी सिद्धा च सर्वदा

ratiprītikāmadevānpañcabāṇānyajedatha / dhyānārcanājjapyahomāddevī siddhā ca sarvadā

1.198.6

नित्या च त्रिपुरा व्याधिं हन्याज्ज्वालामुखीक्रमात् । ज्वालामुखीक्रमं वक्ष्ये सा पूज्या मध्यतः शुभा

nityā ca tripurā vyādhiṃ hanyājjvālāmukhīkramāt / jvālāmukhīkramaṃ vakṣye sā pūjyā madhyataḥ śubhā

1.198.7

नित्यारुणा मदनातुरा महामोहा प्रकृत्यपि । महेन्द्राणी च कलनाकर्षिणी भारती तथा

nityāruṇā madanāturā mahāmohā prakṛtyapi / mahendrāṇī ca kalanākarṣiṇī bhāratī tathā

1.198.8

ब्रह्माणी चैव माहेशी कौमारी वैष्णवी तथा । वाराही चैव माहेन्द्री चामुण्डा चापराजिता

brahmāṇī caiva māheśī kaumārī vaiṣṇavī tathā / vārāhī caiva māhendrī cāmuṇḍā cāparājitā

1.198.9

विजया चाजिता चैवमोहिनी त्वरिता तथा । स्तम्भिनी जृम्भिणी पूज्या कालिका पद्मबाह्यतः । ज्वालामुखीक्रमं चार्चेद्विषादिहरणं भवेत्

vijayā cājitā caivamohinī tvaritā tathā / stambhinī jṛmbhiṇī pūjyā kālikā padmabāhyataḥ / jvālāmukhīkramaṃ cārcedviṣādiharaṇaṃ bhavet

1.198.10