आजु गोपाल रास रस खेलत, पुलिन कलपतरु तीर री सजनी
Hit Chaurasi — Hit Harivansh
Pada 24
आजु गोपाल रास रस खेलत, पुलिन कलपतरु तीर री सजनी।
सरद विमल नभ चंद विराजत, रोचक त्रिविध समीर री सजनी॥
चंपक बकुल मालती मुकुलित, मत्त मुदित पिक कीर री सजनी।
देसी सुघंग राग रँग नीकौ, ब्रज जुवतिनु की भीर री सजनी॥
मघवा मुदित निसान बजायौ, व्रत छाँड़यौ मुनि धीर री सजनी।
(जै श्री)हित हरिवंश मगन मन स्यामा, हरति मदन घन पीर री सजनी॥ 24॥
āju gopāla rāsa rasa khelata, pulina kalapataru tīra rī sajanī।
sarada vimala nabha caṃda virājata, rocaka trividha samīra rī sajanī॥
caṃpaka bakula mālatī mukulita, matta mudita pika kīra rī sajanī।
desī sughaṃga rāga ra~ga nīkau, braja juvatinu kī bhīra rī sajanī॥
maghavā mudita nisāna bajāyau, vrata chā~ड़yau muni dhīra rī sajanī।
(jai śrī)hita harivaṃśa magana mana syāmā, harati madana ghana pīra rī sajanī॥ 24॥