आजु बन राजत जुगल किसोर
Hit Chaurasi — Hit Harivansh
Pada 33
आजु बन राजत जुगल किसोर।
नंद नँदन वृषभानु नंदिनी उठे उनीदें भोर॥
डगमगात पग परत सिथिल गति परसत नख ससि छोर।
दसन बसन खंडित मषि मंडित गंड तिलक कछु थोर॥
दुरत न कच करजनि के रोकें अरुन नैन अलि चोर।
(जै श्री) हित हरिवंश सँभार न तन मन सुरत समुद्र झकोर॥33॥
āju bana rājata jugala kisora।
naṃda na~dana vṛṣabhānu naṃdinī uṭhe unīdeṃ bhora॥
ḍagamagāta paga parata sithila gati parasata nakha sasi chora।
dasana basana khaṃḍita maṣi maṃḍita gaṃḍa tilaka kachu thora॥
durata na kaca karajani ke rokeṃ aruna naina ali cora।
(jai śrī) hita harivaṃśa sa~bhāra na tana mana surata samudra jhakora॥33॥