चलहि किन मानिनि कुंज कुटीर
Hit Chaurasi — Hit Harivansh
Pada 37
चलहि किन मानिनि कुंज कुटीर।
तो बिनु कुँवरि कोटि बनिता जुत, मथत मदन की पीर॥
गदगद सुर विरहाकुल पुलकित, स्रवत विलोचन नीर।
क्वासि क्वासि वृषभानु नंदिनी, विलपत विपिन अधीर॥
बंसी विसिख, व्याल मालावलि, पंचानन पिक कीर।
मलयज गरल, हुतासन मारुत, साखा मृग रिपु चीर ॥
(जै श्री) हित हरिवंश परम कोमल चित, चपल चली पिय तीर।
सुनि भयभीत बज को पंजर, सुरत सूर रन वीर ॥37॥
calahi kina mānini kuṃja kuṭīra।
to binu ku~vari koṭi banitā juta, mathata madana kī pīra॥
gadagada sura virahākula pulakita, sravata vilocana nīra।
kvāsi kvāsi vṛṣabhānu naṃdinī, vilapata vipina adhīra॥
baṃsī visikha, vyāla mālāvali, paṃcānana pika kīra।
malayaja garala, hutāsana māruta, sākhā mṛga ripu cīra ॥
(jai śrī) hita harivaṃśa parama komala cita, capala calī piya tīra।
suni bhayabhīta baja ko paṃjara, surata sūra rana vīra ॥37॥