नयौ नेह नव रंग नयौ रस, नवल स्याम वृषभानु किसोरी
Hit Chaurasi — Hit Harivansh
Pada 54
नयौ नेह नव रंग नयौ रस, नवल स्याम वृषभानु किसोरी।
नव पीतांबर नवल चूनरी; नई नई बूँदनि भींजत गोरी॥
नव ‘वृंदावन हरित मनोहर नव चातक बोलत मोर मोरी।
नव मुरली जु मलार नई गति; श्रवन सुनत आये घन घोरी॥
नव भूषन नव मुकुट विराजत; नई नई उरप लेत थोरी थोरी।
(जै श्री) हित हरिवंश असीस देत मुख चिरजीवौ भूतल यह जोरी॥54॥
nayau neha nava raṃga nayau rasa, navala syāma vṛṣabhānu kisorī।
nava pītāṃbara navala cūnarī; naī naī bū~dani bhīṃjata gorī॥
nava ‘vṛṃdāvana harita manohara nava cātaka bolata mora morī।
nava muralī ju malāra naī gati; śravana sunata āye ghana ghorī॥
nava bhūṣana nava mukuṭa virājata; naī naī urapa leta thorī thorī।
(jai śrī) hita harivaṃśa asīsa deta mukha cirajīvau bhūtala yaha jorī॥54॥