कहा कहौं इन नैननि की बात
Hit Chaurasi — Hit Harivansh
Pada 60
कहा कहौं इन नैननि की बात।
ये अलि प्रिया वदन अंबुज रस अटके अनत न जात॥
जब जब रुकत पलक संपुट लट अति आतुर अकुलात।
लंपट लव निमेष अंतर ते अलप कलप सत सात॥
श्रुति पर कंज दृगंजन कुच बिच मृग मद हवै् न समात।
(जै श्री) हित हरिवंश नाभि सर जलचर जाँचत साँवल गात॥60॥
kahā kahauṃ ina nainani kī bāta।
ye ali priyā vadana aṃbuja rasa aṭake anata na jāta॥
jaba jaba rukata palaka saṃpuṭa laṭa ati ātura akulāta।
laṃpaṭa lava nimeṣa aṃtara te alapa kalapa sata sāta॥
śruti para kaṃja dṛgaṃjana kuca bica mṛga mada havai na samāta।
(jai śrī) hita harivaṃśa nābhi sara jalacara jā~cata sā~vala gāta॥60॥