← Vayaviya Samhita — Uttara Bhaga
वायवीयसंहिता उत्तरभाग — Adhyaya 24
उपमन्युरुवाच प्रोक्षयेन्मूलमंत्रेण पूजास्थानं विशुद्धये गन्धचन्दनतोयेन पुष्पं तत्र विनिक्षिपेत्
upamanyuruvāca prokṣayenmūlamaṃtreṇa pūjāsthānaṃ viśuddhaye gandhacandanatoyena puṣpaṃ tatra vinikṣipet
Vayaviya Samhita — Uttara Bhaga 24.1
अस्त्रेणोत्सार्य वै विघ्नानवगुण्ठ्य च वर्मणा अस्त्रं दिक्षु प्रविन्यस्य कल्पयेदर्चनाभुवम्
astreṇotsārya vai vighnānavaguṇṭhya ca varmaṇā astraṃ dikṣu pravinyasya kalpayedarcanābhuvam
Vayaviya Samhita — Uttara Bhaga 24.2
तत्र दर्भान्परिस्तीर्य क्षालयेत्प्रोक्षणादिभिः संशोध्य सर्वपात्राणि द्रव्यशुद्धिं समाचरेत्
tatra darbhānparistīrya kṣālayetprokṣaṇādibhiḥ saṃśodhya sarvapātrāṇi dravyaśuddhiṃ samācaret
Vayaviya Samhita — Uttara Bhaga 24.3
प्रोक्षणीमर्ध्यपात्रं च पाद्यपात्रमतः परम् तथैवाचमनीयस्य पात्रं चेति चतुष्टयम्
prokṣaṇīmardhyapātraṃ ca pādyapātramataḥ param tathaivācamanīyasya pātraṃ ceti catuṣṭayam
Vayaviya Samhita — Uttara Bhaga 24.4
प्रक्षाल्य प्रोक्ष्य वीक्ष्याथ क्षिपेत्तेषु जलं शिवम् पुण्यद्रव्याणि सर्वाणि यथालाभं विनिक्षिपेत्
prakṣālya prokṣya vīkṣyātha kṣipetteṣu jalaṃ śivam puṇyadravyāṇi sarvāṇi yathālābhaṃ vinikṣipet
Vayaviya Samhita — Uttara Bhaga 24.5
रत्नानि रजतं हेम गन्धपुष्पाक्षतादयः फलपल्लवदर्भांश्च पुण्यद्रव्याण्यनेकधा
ratnāni rajataṃ hema gandhapuṣpākṣatādayaḥ phalapallavadarbhāṃśca puṇyadravyāṇyanekadhā
Vayaviya Samhita — Uttara Bhaga 24.6
स्नानोदके सुगन्धादि पानीये च विशेषतः शीतलानि मनोज्ञानी कुसुमादीनि निक्षिपेत्
snānodake sugandhādi pānīye ca viśeṣataḥ śītalāni manojñānī kusumādīni nikṣipet
Vayaviya Samhita — Uttara Bhaga 24.7
उशीरं चन्दनं चैव पाद्ये तु परिकल्पयेत् जातिकंकोलकर्पूरबहुमूलतमालकान्
uśīraṃ candanaṃ caiva pādye tu parikalpayet jātikaṃkolakarpūrabahumūlatamālakān
Vayaviya Samhita — Uttara Bhaga 24.8
क्षिपेदाचमनीये च चूर्णयित्वा विशेषतः एलां पात्रेषु सर्वेषु कर्पूरं चन्दनं तथा
kṣipedācamanīye ca cūrṇayitvā viśeṣataḥ elāṃ pātreṣu sarveṣu karpūraṃ candanaṃ tathā
Vayaviya Samhita — Uttara Bhaga 24.9
कुशाग्राण्यक्षतांश्चैव यवव्रीहितिलानपि आज्यसिद्धार्थपुष्पाणि भसितञ्चार्घ्यपात्रके
kuśāgrāṇyakṣatāṃścaiva yavavrīhitilānapi ājyasiddhārthapuṣpāṇi bhasitañcārghyapātrake
Vayaviya Samhita — Uttara Bhaga 24.10
कुशपुष्पयवव्रीहिबहुमूलतमालकान् प्रक्षिपेत्प्रोक्षणीपात्रे भसितं च यथाक्रमम्
kuśapuṣpayavavrīhibahumūlatamālakān prakṣipetprokṣaṇīpātre bhasitaṃ ca yathākramam
Vayaviya Samhita — Uttara Bhaga 24.11
सर्वत्र मन्त्रं विन्यस्य वर्मणावेष्ट्य बाह्यतः पश्चादस्त्रेण संरक्ष्य धेनुमुद्रां प्रदर्शयेत्
sarvatra mantraṃ vinyasya varmaṇāveṣṭya bāhyataḥ paścādastreṇa saṃrakṣya dhenumudrāṃ pradarśayet
Vayaviya Samhita — Uttara Bhaga 24.12
पूजाद्रव्याणि सर्वाणि प्रोक्षणीपात्रवारिणा सम्प्रोक्ष्य मूलमंत्रेण शोधयेद्विधिवत्ततः
pūjādravyāṇi sarvāṇi prokṣaṇīpātravāriṇā samprokṣya mūlamaṃtreṇa śodhayedvidhivattataḥ
Vayaviya Samhita — Uttara Bhaga 24.13
पात्राणां प्रोक्षणीमेकामलाभे सर्वकर्मसु साधयेदर्घ्यमद्भिस्तत्सामान्यं साधकोत्तमः
pātrāṇāṃ prokṣaṇīmekāmalābhe sarvakarmasu sādhayedarghyamadbhistatsāmānyaṃ sādhakottamaḥ
Vayaviya Samhita — Uttara Bhaga 24.14
ततो विनायकं देवं भक्ष्यभोज्यादिभिः क्रमात् पूजयित्वा विधानेन द्वारपार्श्वे ऽथ दक्षिणे
tato vināyakaṃ devaṃ bhakṣyabhojyādibhiḥ kramāt pūjayitvā vidhānena dvārapārśve 'tha dakṣiṇe
Vayaviya Samhita — Uttara Bhaga 24.15
अन्तःपुराधिपं साक्षान्नन्दिनं सम्यगर्चयेत् चामीकराचलप्रख्यं सर्वाभरणभूषितम्
antaḥpurādhipaṃ sākṣānnandinaṃ samyagarcayet cāmīkarācalaprakhyaṃ sarvābharaṇabhūṣitam
Vayaviya Samhita — Uttara Bhaga 24.16
बालेन्दुमुकुटं सौम्यं त्रिनेत्रं च चतुर्भुजम् दीप्तशूलमृगीटंकतिग्मवेत्रधरं प्रभुम्
bālendumukuṭaṃ saumyaṃ trinetraṃ ca caturbhujam dīptaśūlamṛgīṭaṃkatigmavetradharaṃ prabhum
Vayaviya Samhita — Uttara Bhaga 24.17
चन्द्रबिम्बाभवदनं हरिवक्त्रमथापि वा उत्तरे द्वारपार्श्वस्य भार्यां च मरुतां सुताम्
candrabimbābhavadanaṃ harivaktramathāpi vā uttare dvārapārśvasya bhāryāṃ ca marutāṃ sutām
Vayaviya Samhita — Uttara Bhaga 24.18
सुयशां सुव्रतामम्बां पादमण्डनतत्पराम् पूजयित्वा प्रविश्यान्तर्भवनं परमेष्ठिनः
suyaśāṃ suvratāmambāṃ pādamaṇḍanatatparām pūjayitvā praviśyāntarbhavanaṃ parameṣṭhinaḥ
Vayaviya Samhita — Uttara Bhaga 24.19
संपूज्य लिङ्गं तैर्द्रव्यैर्निर्माल्यमपनोदयेत् प्रक्षाल्य पुष्पं शिरसि न्यसेत्तस्य विशुद्धये
saṃpūjya liṅgaṃ tairdravyairnirmālyamapanodayet prakṣālya puṣpaṃ śirasi nyasettasya viśuddhaye
Vayaviya Samhita — Uttara Bhaga 24.20
पुष्पहस्तो जपेच्छक्त्या मन्त्रं मन्त्रविशुद्धये ऐशान्यां चण्दमाराध्य निर्माल्यं तस्य दापयेत्
puṣpahasto japecchaktyā mantraṃ mantraviśuddhaye aiśānyāṃ caṇdamārādhya nirmālyaṃ tasya dāpayet
Vayaviya Samhita — Uttara Bhaga 24.21
कल्पयेदासनं पश्चादाधारादि यथाक्रमम् आधारशक्तिं कल्याणीं श्यामां ध्यायेदधो भुवि
kalpayedāsanaṃ paścādādhārādi yathākramam ādhāraśaktiṃ kalyāṇīṃ śyāmāṃ dhyāyedadho bhuvi
Vayaviya Samhita — Uttara Bhaga 24.22
तस्याः पुरस्तादुत्कंठमनंतं कुण्डलाकृतिम् धवलं पञ्चफणिनं लेलिहानमिवाम्बरम्
tasyāḥ purastādutkaṃṭhamanaṃtaṃ kuṇḍalākṛtim dhavalaṃ pañcaphaṇinaṃ lelihānamivāmbaram
Vayaviya Samhita — Uttara Bhaga 24.23
तस्योपर्यासनं भद्रं कण्ठीरवचतुष्पदम् धर्मो ज्ञानं च वैराग्यमैश्वर्यञ्च पदानि वै
tasyoparyāsanaṃ bhadraṃ kaṇṭhīravacatuṣpadam dharmo jñānaṃ ca vairāgyamaiśvaryañca padāni vai
Vayaviya Samhita — Uttara Bhaga 24.24
आग्नेयादिश्वेतरक्तपीतश्यामानि वर्णतः अधर्मादीनि पूर्वादीन्युत्तरांतान्यनुक्रमात्
āgneyādiśvetaraktapītaśyāmāni varṇataḥ adharmādīni pūrvādīnyuttarāṃtānyanukramāt
Vayaviya Samhita — Uttara Bhaga 24.25
राजावर्तमणिप्रख्यान्न्यस्य गात्राणि भावयेत् अस्योर्ध्वच्छादनं पद्ममासनं विमलं सितम्
rājāvartamaṇiprakhyānnyasya gātrāṇi bhāvayet asyordhvacchādanaṃ padmamāsanaṃ vimalaṃ sitam
Vayaviya Samhita — Uttara Bhaga 24.26
अष्टपत्राणि तस्याहुरणिमादिगुणाष्टकम् केसराणि च वामाद्या रुद्रावामादिशक्तिभिः
aṣṭapatrāṇi tasyāhuraṇimādiguṇāṣṭakam kesarāṇi ca vāmādyā rudrāvāmādiśaktibhiḥ
Vayaviya Samhita — Uttara Bhaga 24.27
बीजान्यपि च ता एव शक्तय्ॐतर्मनोन्मनीः कर्णिकापरवैराग्यं नालं ज्ञानं शिवात्मकम्
bījānyapi ca tā eva śaktayoṃtarmanonmanīḥ karṇikāparavairāgyaṃ nālaṃ jñānaṃ śivātmakam
Vayaviya Samhita — Uttara Bhaga 24.28
कन्दश्च शिवधर्मात्मा कर्णिकान्ते त्रिमण्डले त्रिमण्डलोपर्यात्मादि तत्त्वत्रितयमासनम्
kandaśca śivadharmātmā karṇikānte trimaṇḍale trimaṇḍaloparyātmādi tattvatritayamāsanam
Vayaviya Samhita — Uttara Bhaga 24.29
सर्वासनोपरि सुखं विचित्रास्तरणास्तृतम् आसनं कल्पयेद्दिव्यं शुद्धविद्यासमुज्ज्वलम्
sarvāsanopari sukhaṃ vicitrāstaraṇāstṛtam āsanaṃ kalpayeddivyaṃ śuddhavidyāsamujjvalam
Vayaviya Samhita — Uttara Bhaga 24.30
आवाहनं स्थापनं च सन्निरोधं निरीक्षणम् नमस्कारं च कुर्वीत बध्वा मुद्राः पृथक्पृथक्
āvāhanaṃ sthāpanaṃ ca sannirodhaṃ nirīkṣaṇam namaskāraṃ ca kurvīta badhvā mudrāḥ pṛthakpṛthak
Vayaviya Samhita — Uttara Bhaga 24.31
पाद्यमाचमनं चार्घ्यं गंधं पुष्पं ततः परम् धूपं दीपं च तांबूलं दत्त्वाथ स्वापयेच्छिवौ
pādyamācamanaṃ cārghyaṃ gaṃdhaṃ puṣpaṃ tataḥ param dhūpaṃ dīpaṃ ca tāṃbūlaṃ dattvātha svāpayecchivau
Vayaviya Samhita — Uttara Bhaga 24.32
अथवा परिकल्प्यैवमासनं मूर्तिमेव च सकलीकृत्य मूलेन ब्रह्माभिश्चापरैस्तथा
athavā parikalpyaivamāsanaṃ mūrtimeva ca sakalīkṛtya mūlena brahmābhiścāparaistathā
Vayaviya Samhita — Uttara Bhaga 24.33
आवाहयेत्ततो देव्या शिवं परमकारणम् शुद्धस्फटिकसंकाशं देवं निश्चलमक्षरम्
āvāhayettato devyā śivaṃ paramakāraṇam śuddhasphaṭikasaṃkāśaṃ devaṃ niścalamakṣaram
Vayaviya Samhita — Uttara Bhaga 24.34
कारणं सर्वलोकानां सर्वलोकमयं परम् अंतर्बहिःस्थितं व्याप्य ह्यणोरणु १ महत्तरम् २
kāraṇaṃ sarvalokānāṃ sarvalokamayaṃ param aṃtarbahiḥsthitaṃ vyāpya hyaṇoraṇu 1 mahattaram 2
Vayaviya Samhita — Uttara Bhaga 24.35
भक्तानामप्रयत्नेन दृश्यमीश्वरमव्ययम् ब्रह्मेंद्रविष्णुरुद्राद्यैरपि देवैरगोचरम्
bhaktānāmaprayatnena dṛśyamīśvaramavyayam brahmeṃdraviṣṇurudrādyairapi devairagocaram
Vayaviya Samhita — Uttara Bhaga 24.36
देवसारं च विद्वद्भिरगोचरमिति श्रुतम् आदिमध्यान्तरहितं भेषजं भवरोगिणाम्
devasāraṃ ca vidvadbhiragocaramiti śrutam ādimadhyāntarahitaṃ bheṣajaṃ bhavarogiṇām
Vayaviya Samhita — Uttara Bhaga 24.37
शिवतत्त्वमिति ख्यातं शिवार्थं जगति स्थिरम् पञ्चोपचारवद्भक्त्या पूजयेल्लिंगमुत्तमम्
śivatattvamiti khyātaṃ śivārthaṃ jagati sthiram pañcopacāravadbhaktyā pūjayelliṃgamuttamam
Vayaviya Samhita — Uttara Bhaga 24.38
लिंगमूर्तिर्महेशस्य शिवस्य परमात्मनः स्नानकाले प्रकुर्वीत जयशब्दादिमंगलम्
liṃgamūrtirmaheśasya śivasya paramātmanaḥ snānakāle prakurvīta jayaśabdādimaṃgalam
Vayaviya Samhita — Uttara Bhaga 24.39
पञ्चगव्यघृतक्षीरदधिमध्वादिपूर्वकैः मूलैः फलानां सारैश्च तिलसर्षपसक्तुभिः
pañcagavyaghṛtakṣīradadhimadhvādipūrvakaiḥ mūlaiḥ phalānāṃ sāraiśca tilasarṣapasaktubhiḥ
Vayaviya Samhita — Uttara Bhaga 24.40
बीजैर्यवादिभिश्शस्तैश्चूर्णैर्माषादिसंभवैः संस्नाप्यालिप्य पिष्टाद्यैः स्नापयेदुष्णवारिभिः
bījairyavādibhiśśastaiścūrṇairmāṣādisaṃbhavaiḥ saṃsnāpyālipya piṣṭādyaiḥ snāpayeduṣṇavāribhiḥ
Vayaviya Samhita — Uttara Bhaga 24.41
घर्षयेद्विल्वपत्राद्यैर्लेपगंधापनुत्तये पुनः संस्नाप्य सलिलैश्चक्रवर्त्युपचारतः
gharṣayedvilvapatrādyairlepagaṃdhāpanuttaye punaḥ saṃsnāpya salilaiścakravartyupacārataḥ
Vayaviya Samhita — Uttara Bhaga 24.42
सुगंधामलकं दद्याद्धरिद्रां च यथाक्रमम् ततः संशोध्य सलिलैर्लिंगं बेरमथापि वा
sugaṃdhāmalakaṃ dadyāddharidrāṃ ca yathākramam tataḥ saṃśodhya salilairliṃgaṃ beramathāpi vā
Vayaviya Samhita — Uttara Bhaga 24.43
स्नापयेद्गंधतोयेन कुशपुष्पोदकेन च हिरण्यरत्नतोयैश्च मंत्रसिद्धैर्यथाक्रमम्
snāpayedgaṃdhatoyena kuśapuṣpodakena ca hiraṇyaratnatoyaiśca maṃtrasiddhairyathākramam
Vayaviya Samhita — Uttara Bhaga 24.44
असंभवे तु द्रव्याणां यथासंभवसंभृतैः केवलैर्मंत्रतोयैर्वा स्नापयेच्छ्रद्धया शिवम्
asaṃbhave tu dravyāṇāṃ yathāsaṃbhavasaṃbhṛtaiḥ kevalairmaṃtratoyairvā snāpayecchraddhayā śivam
Vayaviya Samhita — Uttara Bhaga 24.45
कलशेनाथ शंखेन वर्धन्या पाणिना तथा सकुशेन सपुष्पेण स्नापयेन्मंत्रपूर्वकम्
kalaśenātha śaṃkhena vardhanyā pāṇinā tathā sakuśena sapuṣpeṇa snāpayenmaṃtrapūrvakam
Vayaviya Samhita — Uttara Bhaga 24.46
पवमानेन रुद्रेण नीलेन त्वरितेन च लिंगसूक्तादिसूक्तैश्च शिरसाथर्वणेन च
pavamānena rudreṇa nīlena tvaritena ca liṃgasūktādisūktaiśca śirasātharvaṇena ca
Vayaviya Samhita — Uttara Bhaga 24.47
ऋग्भिश्च सामभिः शैवैर्ब्रह्मभिश्चापि पञ्चभिः स्नापयेद्देवदेवेशं शिवेन प्रणवेन च
ṛgbhiśca sāmabhiḥ śaivairbrahmabhiścāpi pañcabhiḥ snāpayeddevadeveśaṃ śivena praṇavena ca
Vayaviya Samhita — Uttara Bhaga 24.48
यथा देवस्य देव्याश्च कुर्यात्स्नानादिकं तथा न तु कश्चिद्विशेषो ऽस्ति तत्र तौ सदृशौ यतः
yathā devasya devyāśca kuryātsnānādikaṃ tathā na tu kaścidviśeṣo 'sti tatra tau sadṛśau yataḥ
Vayaviya Samhita — Uttara Bhaga 24.49
प्रथमं देवमुद्दिश्य कृत्वा स्नानादिकाः क्रियाः देव्यैः प्रश्चात्प्रकुर्वीत देवदेवस्य शासनात्
prathamaṃ devamuddiśya kṛtvā snānādikāḥ kriyāḥ devyaiḥ praścātprakurvīta devadevasya śāsanāt
Vayaviya Samhita — Uttara Bhaga 24.50
अर्धनारीश्वरे पूज्ये पौर्वापर्यं न विद्यते तत्र तत्रोपचाराणां लिंगे वान्यत्र वा क्वचित्
ardhanārīśvare pūjye paurvāparyaṃ na vidyate tatra tatropacārāṇāṃ liṃge vānyatra vā kvacit
Vayaviya Samhita — Uttara Bhaga 24.51
कृत्वा ऽभिषेकं लिंगस्य शुचिना च सुगंधिना संमृज्य वाससा दद्यादंबरं चोपवीतकम्
kṛtvā 'bhiṣekaṃ liṃgasya śucinā ca sugaṃdhinā saṃmṛjya vāsasā dadyādaṃbaraṃ copavītakam
Vayaviya Samhita — Uttara Bhaga 24.52
पाद्यमाचमनं चार्घ्यं गंधं पुष्पं च भूषणम् धूपं दीपं च नैवेद्यं पानीयं मुखशोधनम्
pādyamācamanaṃ cārghyaṃ gaṃdhaṃ puṣpaṃ ca bhūṣaṇam dhūpaṃ dīpaṃ ca naivedyaṃ pānīyaṃ mukhaśodhanam
Vayaviya Samhita — Uttara Bhaga 24.53
पुनश्चाचमनीयं च मुखवासं ततः परम् मुकुटं च शुभं भद्रं सर्वरत्नैरलंकृतम्
punaścācamanīyaṃ ca mukhavāsaṃ tataḥ param mukuṭaṃ ca śubhaṃ bhadraṃ sarvaratnairalaṃkṛtam
Vayaviya Samhita — Uttara Bhaga 24.54
भूषणानि पवित्राणि माल्यानि विविधानि च व्यजने चामरे छत्रं तालवृंतं च दर्पणम्
bhūṣaṇāni pavitrāṇi mālyāni vividhāni ca vyajane cāmare chatraṃ tālavṛṃtaṃ ca darpaṇam
Vayaviya Samhita — Uttara Bhaga 24.55
दत्त्वा नीराजनं कुर्यात्सर्वमंगलनिस्वनैः गीतनृत्यादिभिश्चैव जयशब्दसमन्वितः
dattvā nīrājanaṃ kuryātsarvamaṃgalanisvanaiḥ gītanṛtyādibhiścaiva jayaśabdasamanvitaḥ
Vayaviya Samhita — Uttara Bhaga 24.56
हैमे च राजते ताम्रे पात्रे वा मृन्मये शुभे पद्मकैश्शोभितैः पुष्पैर्बीजैर्दध्यक्षतादिभिः
haime ca rājate tāmre pātre vā mṛnmaye śubhe padmakaiśśobhitaiḥ puṣpairbījairdadhyakṣatādibhiḥ
Vayaviya Samhita — Uttara Bhaga 24.57
त्रिशूलशंखयुग्माब्जनन्द्यावर्तैः करीषजैः श्रीवत्सस्वस्तिकादर्शवज्रैर्वह्न्यादिचिह्नितैः
triśūlaśaṃkhayugmābjanandyāvartaiḥ karīṣajaiḥ śrīvatsasvastikādarśavajrairvahnyādicihnitaiḥ
Vayaviya Samhita — Uttara Bhaga 24.58
अष्टौ प्रदीपान्परितो विधायैकं तु मध्यमे तेषु वामादिकाश्चिन्त्याः पूज्याश्च नव शक्तयः
aṣṭau pradīpānparito vidhāyaikaṃ tu madhyame teṣu vāmādikāścintyāḥ pūjyāśca nava śaktayaḥ
Vayaviya Samhita — Uttara Bhaga 24.59
कवचेन समाच्छाद्य संरक्ष्यास्त्रेण सर्वतः धेनुमुद्रां च संदर्श्य पाणिभ्यां पात्रमुद्धरेत्
kavacena samācchādya saṃrakṣyāstreṇa sarvataḥ dhenumudrāṃ ca saṃdarśya pāṇibhyāṃ pātramuddharet
Vayaviya Samhita — Uttara Bhaga 24.60
अथवारोपयेत्पात्रे पञ्चदीपान्यथाक्रमम् विदिक्ष्वपि च मध्ये च दीपमेकमथापि वा
athavāropayetpātre pañcadīpānyathākramam vidikṣvapi ca madhye ca dīpamekamathāpi vā
Vayaviya Samhita — Uttara Bhaga 24.61
ततस्तत्पात्रमुद्धृत्य लिंगादेरुपरि क्रमात् त्रिः प्रदक्षिणयोगेन भ्रामयेन्मूलविद्यया
tatastatpātramuddhṛtya liṃgāderupari kramāt triḥ pradakṣiṇayogena bhrāmayenmūlavidyayā
Vayaviya Samhita — Uttara Bhaga 24.62
दद्यादर्घ्यं ततो मूर्ध्नि भसितं च सुगंधितम् कृत्वा पुष्पांजलिं पश्चादुपहारान्निवेदयेत्
dadyādarghyaṃ tato mūrdhni bhasitaṃ ca sugaṃdhitam kṛtvā puṣpāṃjaliṃ paścādupahārānnivedayet
Vayaviya Samhita — Uttara Bhaga 24.63
पानीयं च ततो दद्याद्दत्त्वा वाचमनं पुनः पञ्चसौगंधिकोपेतं ताम्बूलं च निवेदयेत्
pānīyaṃ ca tato dadyāddattvā vācamanaṃ punaḥ pañcasaugaṃdhikopetaṃ tāmbūlaṃ ca nivedayet
Vayaviya Samhita — Uttara Bhaga 24.64
प्रोक्षयेत्प्रोक्षणीयानि गाननाट्यानि कारयेत् लिंगादौ शिवयोश्चिन्तां कृत्वा शक्त्यजपेच्छिवम्
prokṣayetprokṣaṇīyāni gānanāṭyāni kārayet liṃgādau śivayościntāṃ kṛtvā śaktyajapecchivam
Vayaviya Samhita — Uttara Bhaga 24.65
प्रदक्षिणं प्रणामं च स्तवं चात्मसमर्पणम् विज्ञापनं च कार्याणां कुर्याद्विनयपूर्वकम्
pradakṣiṇaṃ praṇāmaṃ ca stavaṃ cātmasamarpaṇam vijñāpanaṃ ca kāryāṇāṃ kuryādvinayapūrvakam
Vayaviya Samhita — Uttara Bhaga 24.66
अर्घ्यं पुष्पांजलिं दत्त्वा बद्ध्वा मुद्रां यथाविधि पश्चात्क्षमापयेद्देवमुद्वास्यात्मनि चिंतयेत्
arghyaṃ puṣpāṃjaliṃ dattvā baddhvā mudrāṃ yathāvidhi paścātkṣamāpayeddevamudvāsyātmani ciṃtayet
Vayaviya Samhita — Uttara Bhaga 24.67
पाद्यादिमुखवासांतमर्घ्याद्यं चातिसंकटे पुष्पविक्षेपमात्रं वा कुर्याद्भावपुरस्सरम्
pādyādimukhavāsāṃtamarghyādyaṃ cātisaṃkaṭe puṣpavikṣepamātraṃ vā kuryādbhāvapurassaram
Vayaviya Samhita — Uttara Bhaga 24.68
तावतैव परो धर्मो भावने सुकृतो भवेत् असंपूज्य न भुञ्जीत शिवमाप्राणसंचरात्
tāvataiva paro dharmo bhāvane sukṛto bhavet asaṃpūjya na bhuñjīta śivamāprāṇasaṃcarāt
Vayaviya Samhita — Uttara Bhaga 24.69
यदि पापस्तु भुंजीत स्वैरं तय्स न निष्कृतिः प्रमादेन तु भुंक्ते चेत्तदुद्गीर्य प्रयत्नतः
yadi pāpastu bhuṃjīta svairaṃ taysa na niṣkṛtiḥ pramādena tu bhuṃkte cettadudgīrya prayatnataḥ
Vayaviya Samhita — Uttara Bhaga 24.70
स्नात्वा द्विगुणमभ्यर्च्य देवं देवीमुपोष्य च शिवस्यायुतमभ्यस्येद्ब्रह्मचर्यपुरस्सरम्
snātvā dviguṇamabhyarcya devaṃ devīmupoṣya ca śivasyāyutamabhyasyedbrahmacaryapurassaram
Vayaviya Samhita — Uttara Bhaga 24.71
परेद्युश्शक्तितो दत्त्वा सुवर्णाद्यं शिवाय च शिवभक्ताय वा कृत्वा महापूजां शुचिर्भवेत्
paredyuśśaktito dattvā suvarṇādyaṃ śivāya ca śivabhaktāya vā kṛtvā mahāpūjāṃ śucirbhavet
Vayaviya Samhita — Uttara Bhaga 24.72