← Vayaviya Samhita — Uttara Bhaga
वायवीयसंहिता उत्तरभाग — Adhyaya 37
शीकृष्ण उवाच ज्ञाने क्रियायां चर्यायां सारमुद्धृत्य संग्रहात् उक्तं भगवता सर्वं श्रुतं श्रुतिसमं मया
śīkṛṣṇa uvāca jñāne kriyāyāṃ caryāyāṃ sāramuddhṛtya saṃgrahāt uktaṃ bhagavatā sarvaṃ śrutaṃ śrutisamaṃ mayā
Vayaviya Samhita — Uttara Bhaga 37.1
इदानीं श्रोतुमिच्छामि योगं परमदुर्लभम् साधिकारं च सांगं च सविधिं सप्रयोजनम्
idānīṃ śrotumicchāmi yogaṃ paramadurlabham sādhikāraṃ ca sāṃgaṃ ca savidhiṃ saprayojanam
Vayaviya Samhita — Uttara Bhaga 37.2
यद्यस्ति मरणं पूर्वं योगाद्यनुपमर्दतः सद्यः साधयितुं शक्यं येन स्यान्नात्महा नरः
yadyasti maraṇaṃ pūrvaṃ yogādyanupamardataḥ sadyaḥ sādhayituṃ śakyaṃ yena syānnātmahā naraḥ
Vayaviya Samhita — Uttara Bhaga 37.3
तच्च तत्कारणं चैव तत्कालकरणानि च तद्भेदतारतम्यं च वक्तुमर्हसि तत्त्वतः
tacca tatkāraṇaṃ caiva tatkālakaraṇāni ca tadbhedatāratamyaṃ ca vaktumarhasi tattvataḥ
Vayaviya Samhita — Uttara Bhaga 37.4
उपमन्युरुवाच स्थाने पृष्टं त्वया कृष्ण सर्वप्रश्नार्थवेदिना ततः क्रमेण तत्सर्वं वक्ष्ये शृणु समाहितः
upamanyuruvāca sthāne pṛṣṭaṃ tvayā kṛṣṇa sarvapraśnārthavedinā tataḥ krameṇa tatsarvaṃ vakṣye śṛṇu samāhitaḥ
Vayaviya Samhita — Uttara Bhaga 37.5
निरुद्धवृत्त्यंतरस्यं शिवे चित्तस्य निश्चला या वृत्तिः स समासेन योगः स खलु पञ्चधा
niruddhavṛttyaṃtarasyaṃ śive cittasya niścalā yā vṛttiḥ sa samāsena yogaḥ sa khalu pañcadhā
Vayaviya Samhita — Uttara Bhaga 37.6
मंत्रयोगःस्पर्शयोगो भावयोगस्तथापरः अभावयोगस्सर्वेभ्यो महायोगः परो मतः
maṃtrayogaḥsparśayogo bhāvayogastathāparaḥ abhāvayogassarvebhyo mahāyogaḥ paro mataḥ
Vayaviya Samhita — Uttara Bhaga 37.7
मंत्राभ्यासवशेनैव मंत्रवाच्यार्थगोचरः अव्याक्षेपा मनोवृत्तिर्मंत्रयोग उदाहृतः
maṃtrābhyāsavaśenaiva maṃtravācyārthagocaraḥ avyākṣepā manovṛttirmaṃtrayoga udāhṛtaḥ
Vayaviya Samhita — Uttara Bhaga 37.8
प्राणायाममुखा सैव स्पर्शे योगोभिधीयते स मंत्रस्पर्शनिर्मुक्तो भावयोगः प्रकीर्तितः
prāṇāyāmamukhā saiva sparśe yogobhidhīyate sa maṃtrasparśanirmukto bhāvayogaḥ prakīrtitaḥ
Vayaviya Samhita — Uttara Bhaga 37.9
विलीनावयवं विश्वं रूपं संभाव्यते यतः अभावयोगः संप्रोक्तो ऽनाभासाद्वस्तुनः सतः
vilīnāvayavaṃ viśvaṃ rūpaṃ saṃbhāvyate yataḥ abhāvayogaḥ saṃprokto 'nābhāsādvastunaḥ sataḥ
Vayaviya Samhita — Uttara Bhaga 37.10
शिवस्वभाव एवैकश्चिंत्यते निरुपाधिकः यथा शैवमनोवृत्तिर्महायोग इहोच्यते
śivasvabhāva evaikaściṃtyate nirupādhikaḥ yathā śaivamanovṛttirmahāyoga ihocyate
Vayaviya Samhita — Uttara Bhaga 37.11
दृष्टे तथानुश्रविके विरक्तं विषये मनः यस्य तस्याधिकारोस्ति योगे नान्यस्य कस्यचित्
dṛṣṭe tathānuśravike viraktaṃ viṣaye manaḥ yasya tasyādhikārosti yoge nānyasya kasyacit
Vayaviya Samhita — Uttara Bhaga 37.12
विषयद्वयदोषाणां गुणानामीश्वरस्य च दर्शनादेव सततं विरक्तं जायते मनः
viṣayadvayadoṣāṇāṃ guṇānāmīśvarasya ca darśanādeva satataṃ viraktaṃ jāyate manaḥ
Vayaviya Samhita — Uttara Bhaga 37.13
अष्टांगो वा षडंगो वा सर्वयोगः समासतः यमश्च नियमश्चैव स्वस्तिकाद्यं तथासनम्
aṣṭāṃgo vā ṣaḍaṃgo vā sarvayogaḥ samāsataḥ yamaśca niyamaścaiva svastikādyaṃ tathāsanam
Vayaviya Samhita — Uttara Bhaga 37.14
प्राणायामः प्रत्याहारो धारणा ध्यानमेव च समाधिरिति योगांगान्यष्टावुक्तानि सूरिभिः
prāṇāyāmaḥ pratyāhāro dhāraṇā dhyānameva ca samādhiriti yogāṃgānyaṣṭāvuktāni sūribhiḥ
Vayaviya Samhita — Uttara Bhaga 37.15
आसनं प्राणसंरोधः प्रत्याहारोथ धारणा ध्यानं समाधिर्योगस्य षडंगानि समासतः
āsanaṃ prāṇasaṃrodhaḥ pratyāhārotha dhāraṇā dhyānaṃ samādhiryogasya ṣaḍaṃgāni samāsataḥ
Vayaviya Samhita — Uttara Bhaga 37.16
पृथग्लक्षणमेतेषां शिवशास्त्रे समीरितम् शिवागमेषु चान्येषु विशेषात्कामिकादिषु
pṛthaglakṣaṇameteṣāṃ śivaśāstre samīritam śivāgameṣu cānyeṣu viśeṣātkāmikādiṣu
Vayaviya Samhita — Uttara Bhaga 37.17
योगशास्त्रेष्वपि तथा पुराणेष्वपि केषु च अहिंसा सत्यमस्तेयं ब्रह्मचर्यापरिग्रहः यम इत्युच्यते सद्भिः पञ्चावयवयोगतः
yogaśāstreṣvapi tathā purāṇeṣvapi keṣu ca ahiṃsā satyamasteyaṃ brahmacaryāparigrahaḥ yama ityucyate sadbhiḥ pañcāvayavayogataḥ
Vayaviya Samhita — Uttara Bhaga 37.18
शौचं तुष्टिस्तपश्चैव जपः प्रणिधिरेव च इति पञ्चप्रभेदस्स्यान्नियमः स्वांशभेदतः
śaucaṃ tuṣṭistapaścaiva japaḥ praṇidhireva ca iti pañcaprabhedassyānniyamaḥ svāṃśabhedataḥ
Vayaviya Samhita — Uttara Bhaga 37.19
स्वस्तिकं पद्ममध्येंदुं वीरं योगं प्रसाधितम् पर्यंकं च यथेष्टं च प्रोक्तमासनमष्टधा
svastikaṃ padmamadhyeṃduṃ vīraṃ yogaṃ prasādhitam paryaṃkaṃ ca yatheṣṭaṃ ca proktamāsanamaṣṭadhā
Vayaviya Samhita — Uttara Bhaga 37.20
प्राणः स्वदेहजो वायुस्तस्यायामो निरोधनम् तद्रोचकं पूरकं च कुंभकं च त्रिधोच्यते
prāṇaḥ svadehajo vāyustasyāyāmo nirodhanam tadrocakaṃ pūrakaṃ ca kuṃbhakaṃ ca tridhocyate
Vayaviya Samhita — Uttara Bhaga 37.21
नासिकापुटमंगुल्या पीड्यैकमपरेण तु औदरं रेचयेद्वायुं तथायं रेचकः स्मृतः
nāsikāpuṭamaṃgulyā pīḍyaikamapareṇa tu audaraṃ recayedvāyuṃ tathāyaṃ recakaḥ smṛtaḥ
Vayaviya Samhita — Uttara Bhaga 37.22
बाह्येन मरुता देहं दृतिवत्परिपूरयेत् नासापुटेनापरेण पूरणात्पूरकं मतम्
bāhyena marutā dehaṃ dṛtivatparipūrayet nāsāpuṭenāpareṇa pūraṇātpūrakaṃ matam
Vayaviya Samhita — Uttara Bhaga 37.23
न मुंचति न गृह्णाति वायुमंतर्बहिः स्थितम् संपूर्णं कुंभवत्तिष्ठेदचलः स तु कुंभक
na muṃcati na gṛhṇāti vāyumaṃtarbahiḥ sthitam saṃpūrṇaṃ kuṃbhavattiṣṭhedacalaḥ sa tu kuṃbhaka
Vayaviya Samhita — Uttara Bhaga 37.24
रेचकाद्यं त्रयमिदं न द्रुतं न विलंबितम् तद्यतः क्रमयोगेन त्वभ्यसेद्योगसाधकः
recakādyaṃ trayamidaṃ na drutaṃ na vilaṃbitam tadyataḥ kramayogena tvabhyasedyogasādhakaḥ
Vayaviya Samhita — Uttara Bhaga 37.25
रेचकादिषु योभ्यासो नाडीशोधनपूर्वकः स्वेच्छोत्क्रमणपर्यंतः प्रोक्तो योगानुशासने
recakādiṣu yobhyāso nāḍīśodhanapūrvakaḥ svecchotkramaṇaparyaṃtaḥ prokto yogānuśāsane
Vayaviya Samhita — Uttara Bhaga 37.26
कन्यकादिक्रमवशात्प्राणायामनिरोधनम् तच्चतुर्धोपदिष्टं स्यान्मात्रागुणविभागतः
kanyakādikramavaśātprāṇāyāmanirodhanam taccaturdhopadiṣṭaṃ syānmātrāguṇavibhāgataḥ
Vayaviya Samhita — Uttara Bhaga 37.27
कन्यकस्तु चतुर्धा स्यात्स च द्वादशमात्रकः मध्यमस्तु द्विरुद्धातश्चतुर्विंशतिमात्रकः
kanyakastu caturdhā syātsa ca dvādaśamātrakaḥ madhyamastu dviruddhātaścaturviṃśatimātrakaḥ
Vayaviya Samhita — Uttara Bhaga 37.28
उत्तमस्तु त्रिरुद्धातः षड्विंशन्मात्रकः परः स्वेदकंपादिजनकः प्राणायामस्तदुत्तरः
uttamastu triruddhātaḥ ṣaḍviṃśanmātrakaḥ paraḥ svedakaṃpādijanakaḥ prāṇāyāmastaduttaraḥ
Vayaviya Samhita — Uttara Bhaga 37.29
आनंदोद्भवरोमांचनेत्राश्रूणां विमोचनम् जल्पभ्रमणमूर्छाद्यं जायते योगिनः परम्
ānaṃdodbhavaromāṃcanetrāśrūṇāṃ vimocanam jalpabhramaṇamūrchādyaṃ jāyate yoginaḥ param
Vayaviya Samhita — Uttara Bhaga 37.30
जानुं प्रदक्षिणीकृत्य न द्रुतं न विलंबितम् अंगुलीस्फोटनं कुर्यात्सा मात्रेति प्रकीर्तिता
jānuṃ pradakṣiṇīkṛtya na drutaṃ na vilaṃbitam aṃgulīsphoṭanaṃ kuryātsā mātreti prakīrtitā
Vayaviya Samhita — Uttara Bhaga 37.31
मात्राक्रमेण विज्ञेयाश्चोद्वातक्रमयोगतः नाडीविशुद्धिपूर्वं तु प्राणायामं समाचरेत्
mātrākrameṇa vijñeyāścodvātakramayogataḥ nāḍīviśuddhipūrvaṃ tu prāṇāyāmaṃ samācaret
Vayaviya Samhita — Uttara Bhaga 37.32
अगर्भश्च सगर्भश्च प्राणायामो द्विधा स्मृतः जपं ध्यानं विनागर्भः सगर्भस्तत्समन्वयात्
agarbhaśca sagarbhaśca prāṇāyāmo dvidhā smṛtaḥ japaṃ dhyānaṃ vināgarbhaḥ sagarbhastatsamanvayāt
Vayaviya Samhita — Uttara Bhaga 37.33
अगर्भाद्गर्भसंयुक्तः प्राणायामःशताधिकः तस्मात्सगर्भं कुर्वन्ति योगिनः प्राणसंयमम्
agarbhādgarbhasaṃyuktaḥ prāṇāyāmaḥśatādhikaḥ tasmātsagarbhaṃ kurvanti yoginaḥ prāṇasaṃyamam
Vayaviya Samhita — Uttara Bhaga 37.34
प्राणस्य विजयादेव जीयंते देह १वायवः प्राणो ऽपानः समानश्च ह्युदानो व्यान एव च
prāṇasya vijayādeva jīyaṃte deha 1vāyavaḥ prāṇo 'pānaḥ samānaśca hyudāno vyāna eva ca
Vayaviya Samhita — Uttara Bhaga 37.35
नागः कूर्मश्च कृकलो देवदत्तो धनंजयः प्रयाणं कुरुते यस्मात्तस्मात्प्राणो ऽभिधीयते
nāgaḥ kūrmaśca kṛkalo devadatto dhanaṃjayaḥ prayāṇaṃ kurute yasmāttasmātprāṇo 'bhidhīyate
Vayaviya Samhita — Uttara Bhaga 37.36
अवाङ्नयत्यपानाख्यो यदाहारादि भुज्यते व्यानो व्यानशयत्यंगान्यशेषाणि विवर्धयन्
avāṅnayatyapānākhyo yadāhārādi bhujyate vyāno vyānaśayatyaṃgānyaśeṣāṇi vivardhayan
Vayaviya Samhita — Uttara Bhaga 37.37
उद्वेजयति मर्माणीत्युदानो वायुरीरितः समं नयति सर्वांगं समानस्तेन गीयते
udvejayati marmāṇītyudāno vāyurīritaḥ samaṃ nayati sarvāṃgaṃ samānastena gīyate
Vayaviya Samhita — Uttara Bhaga 37.38
उद्गारे नाग आख्यातः कूर्म उन्मीलने स्थितः कृकलः क्षवथौ ज्ञेयो देवदत्तो विजृंभणे
udgāre nāga ākhyātaḥ kūrma unmīlane sthitaḥ kṛkalaḥ kṣavathau jñeyo devadatto vijṛṃbhaṇe
Vayaviya Samhita — Uttara Bhaga 37.39
न जहाति मृतं चापि सर्वव्यापी धनंजयः क्रमेणाभ्यस्यमानोयं प्राणायामप्रमाणवान्
na jahāti mṛtaṃ cāpi sarvavyāpī dhanaṃjayaḥ krameṇābhyasyamānoyaṃ prāṇāyāmapramāṇavān
Vayaviya Samhita — Uttara Bhaga 37.40
निर्दहत्यखिलं दोषं कर्तुर्देहं च रक्षति प्राणे तु विजिते सम्यक् तच्चिह्नान्युपलक्षयेत्
nirdahatyakhilaṃ doṣaṃ karturdehaṃ ca rakṣati prāṇe tu vijite samyak taccihnānyupalakṣayet
Vayaviya Samhita — Uttara Bhaga 37.41
विण्मूत्रश्लेष्मणां तावदल्पभावः प्रजायते बहुभोजनसामर्थ्यं चिरादुच्छ्वासनं तथा
viṇmūtraśleṣmaṇāṃ tāvadalpabhāvaḥ prajāyate bahubhojanasāmarthyaṃ cirāducchvāsanaṃ tathā
Vayaviya Samhita — Uttara Bhaga 37.42
लघुत्वं शीघ्रगामित्वमुत्साहः स्वरसौष्ठवम् सर्वरोगक्षयश्चैव बलं तेजः सुरूपता
laghutvaṃ śīghragāmitvamutsāhaḥ svarasauṣṭhavam sarvarogakṣayaścaiva balaṃ tejaḥ surūpatā
Vayaviya Samhita — Uttara Bhaga 37.43
धृतिर्मेधा युवत्वं च स्थिरता च प्रसन्नता तपांसि पापक्षयता यज्ञदानव्रतादयः
dhṛtirmedhā yuvatvaṃ ca sthiratā ca prasannatā tapāṃsi pāpakṣayatā yajñadānavratādayaḥ
Vayaviya Samhita — Uttara Bhaga 37.44
प्राणायामस्य तस्यैते कलां नार्हन्ति षोडशीम् इन्द्रियाणि प्रसक्तानि यथास्वं विषयेष्विह
prāṇāyāmasya tasyaite kalāṃ nārhanti ṣoḍaśīm indriyāṇi prasaktāni yathāsvaṃ viṣayeṣviha
Vayaviya Samhita — Uttara Bhaga 37.45
आहत्य यन्निगृह्णाति स प्रत्याहार उच्यते नमःपूर्वाणींद्रियाणि स्वर्गं नरकमेव च
āhatya yannigṛhṇāti sa pratyāhāra ucyate namaḥpūrvāṇīṃdriyāṇi svargaṃ narakameva ca
Vayaviya Samhita — Uttara Bhaga 37.46
निगृहीतनिसृष्टानि स्वर्गाय नरकाय च तस्मात्सुखार्थी मतिमाञ्ज्ञानवैराग्यमास्थितः
nigṛhītanisṛṣṭāni svargāya narakāya ca tasmātsukhārthī matimāñjñānavairāgyamāsthitaḥ
Vayaviya Samhita — Uttara Bhaga 37.47
इंद्रियाश्वान्निगृह्याशु स्वात्मनात्मानमुद्धरेत् धारणा नाम चित्तस्य स्थानबन्धस्समासतः
iṃdriyāśvānnigṛhyāśu svātmanātmānamuddharet dhāraṇā nāma cittasya sthānabandhassamāsataḥ
Vayaviya Samhita — Uttara Bhaga 37.48
स्थानं च शिव एवैको नान्यद्दोषत्रयं यतः कालं कंचावधीकृत्य स्थाने ऽवस्थापितं मनः
sthānaṃ ca śiva evaiko nānyaddoṣatrayaṃ yataḥ kālaṃ kaṃcāvadhīkṛtya sthāne 'vasthāpitaṃ manaḥ
Vayaviya Samhita — Uttara Bhaga 37.49
न तु प्रच्यवते लक्ष्याद्धारणा स्यान्न चान्यथा मनसः प्रथमं स्थैर्यं धारणातः प्रजायते
na tu pracyavate lakṣyāddhāraṇā syānna cānyathā manasaḥ prathamaṃ sthairyaṃ dhāraṇātaḥ prajāyate
Vayaviya Samhita — Uttara Bhaga 37.50
तस्माद्धीरं मनः कुर्याद्धारणाभ्यासयोगतः ध्यै चिंतायां स्मृतो धातुः शिवचिंता मुहुर्मुहुः
tasmāddhīraṃ manaḥ kuryāddhāraṇābhyāsayogataḥ dhyai ciṃtāyāṃ smṛto dhātuḥ śivaciṃtā muhurmuhuḥ
Vayaviya Samhita — Uttara Bhaga 37.51
अव्याक्षिप्तेन मनसा ध्यानं नाम तदुच्यते ध्येयावस्थितचित्तस्य सदृशः प्रत्ययश्च यः
avyākṣiptena manasā dhyānaṃ nāma taducyate dhyeyāvasthitacittasya sadṛśaḥ pratyayaśca yaḥ
Vayaviya Samhita — Uttara Bhaga 37.52
५९५अ प्रत्ययान्तरनिर्मुक्तः प्रवाहो ध्यानमुच्यते सर्वमन्यत्परित्यज्य शिव एव शिवंकरः
595a pratyayāntaranirmuktaḥ pravāho dhyānamucyate sarvamanyatparityajya śiva eva śivaṃkaraḥ
Vayaviya Samhita — Uttara Bhaga 37.53
परो ध्येयो ऽधिदेवेशः समाप्ताथर्वणी श्रुतिः तथा शिवा परा ध्येया सर्वभूतगतौ शिवौ
paro dhyeyo 'dhideveśaḥ samāptātharvaṇī śrutiḥ tathā śivā parā dhyeyā sarvabhūtagatau śivau
Vayaviya Samhita — Uttara Bhaga 37.54
तौ श्रुतौ स्मृतिशास्त्रेभ्यः सर्वगौ सर्वदोदितौ सर्वज्ञौ सततं ध्येयौ नानारूपविभेदतः
tau śrutau smṛtiśāstrebhyaḥ sarvagau sarvadoditau sarvajñau satataṃ dhyeyau nānārūpavibhedataḥ
Vayaviya Samhita — Uttara Bhaga 37.55
विमुक्तिः प्रत्ययः पूर्वः प्रत्ययश्चाणिमादिकम् इत्येतद्द्विविधं ज्ञेयं ध्यानस्यास्य प्रयोजनम्
vimuktiḥ pratyayaḥ pūrvaḥ pratyayaścāṇimādikam ityetaddvividhaṃ jñeyaṃ dhyānasyāsya prayojanam
Vayaviya Samhita — Uttara Bhaga 37.56
ध्याता ध्यानं तथा ध्येयं यच्च ध्यानप्रयोजनम् एतच्चतुष्टयं ज्ञात्वा योगं युञ्जीत योगवित्
dhyātā dhyānaṃ tathā dhyeyaṃ yacca dhyānaprayojanam etaccatuṣṭayaṃ jñātvā yogaṃ yuñjīta yogavit
Vayaviya Samhita — Uttara Bhaga 37.57
ज्ञानवैराग्यसंपन्नः श्रद्दधानः क्षमान्वितः निर्ममश्च सदोत्साही ध्यातेत्थं पुरुषः स्मृतः
jñānavairāgyasaṃpannaḥ śraddadhānaḥ kṣamānvitaḥ nirmamaśca sadotsāhī dhyātetthaṃ puruṣaḥ smṛtaḥ
Vayaviya Samhita — Uttara Bhaga 37.58
जपाच्छ्रांतः पुनर्ध्यायेद्ध्यानाच्छ्रांतः पुनर्जपेत् जपध्यनाभियुक्तस्य क्षिप्रं योगः प्रसिद्ध्यति
japācchrāṃtaḥ punardhyāyeddhyānācchrāṃtaḥ punarjapet japadhyanābhiyuktasya kṣipraṃ yogaḥ prasiddhyati
Vayaviya Samhita — Uttara Bhaga 37.59
धारणा द्वादशायामा ध्यानं द्वादशधारणम् ध्यानद्वादशकं यावत्समाधिरभिधीयते
dhāraṇā dvādaśāyāmā dhyānaṃ dvādaśadhāraṇam dhyānadvādaśakaṃ yāvatsamādhirabhidhīyate
Vayaviya Samhita — Uttara Bhaga 37.60
समाधिर्न्नाम योगांगमन्तिमं परिकीर्तितम् समाधिना च सर्वत्र प्रज्ञालोकः प्रवर्तते
samādhirnnāma yogāṃgamantimaṃ parikīrtitam samādhinā ca sarvatra prajñālokaḥ pravartate
Vayaviya Samhita — Uttara Bhaga 37.61
यदर्थमात्रनिर्भासं स्तिमितो दधिवत्स्थितम् स्वरूपशून्यवद्भानं समाधिरभिधीयते
yadarthamātranirbhāsaṃ stimito dadhivatsthitam svarūpaśūnyavadbhānaṃ samādhirabhidhīyate
Vayaviya Samhita — Uttara Bhaga 37.62
ध्येये मनः समावेश्य पश्येदपि च सुस्थिरम् निर्वाणानलवद्योगी समाधिस्थः प्रगीयते
dhyeye manaḥ samāveśya paśyedapi ca susthiram nirvāṇānalavadyogī samādhisthaḥ pragīyate
Vayaviya Samhita — Uttara Bhaga 37.63
न शृणोति न चाघ्राति न जल्पति न पश्यति न च स्पर्शं विजानाति न संकल्पयते मनः
na śṛṇoti na cāghrāti na jalpati na paśyati na ca sparśaṃ vijānāti na saṃkalpayate manaḥ
Vayaviya Samhita — Uttara Bhaga 37.64
नवाभिमन्यते किंचिद्बध्यते न च काष्टवत् एवं शिवे विलीनात्मा समाधिस्थ इहोच्यते
navābhimanyate kiṃcidbadhyate na ca kāṣṭavat evaṃ śive vilīnātmā samādhistha ihocyate
Vayaviya Samhita — Uttara Bhaga 37.65
यथा दीपो निवातस्थः स्पन्दते न कदाचन तथा समाधिनिष्ठो ऽपि तस्मान्न विचलेत्सुधीः
yathā dīpo nivātasthaḥ spandate na kadācana tathā samādhiniṣṭho 'pi tasmānna vicaletsudhīḥ
Vayaviya Samhita — Uttara Bhaga 37.66
एवमभ्यसतश्चारं योगिनो योगमुत्तमम् तदन्तराया नश्यंति विघ्नाः सर्वे शनैःशनैः
evamabhyasataścāraṃ yogino yogamuttamam tadantarāyā naśyaṃti vighnāḥ sarve śanaiḥśanaiḥ
Vayaviya Samhita — Uttara Bhaga 37.67