← Vayaviya Samhita — Uttara Bhaga
वायवीयसंहिता उत्तरभाग — Adhyaya 18
उपमन्युरुवाच ततः स्नानादिकं सर्वं समाप्याचार्यचोदितः गच्छेद्बद्धांजलिर्ध्यायञ्छिवमण्डलपार्श्वतः
upamanyuruvāca tataḥ snānādikaṃ sarvaṃ samāpyācāryacoditaḥ gacchedbaddhāṃjalirdhyāyañchivamaṇḍalapārśvataḥ
Vayaviya Samhita — Uttara Bhaga 18.1
अथ पूजां विना सर्वं कृत्वा पूर्वदिने यथा नेत्रबंधनपर्यंतं दर्शयेन्मण्डलं गुरुः
atha pūjāṃ vinā sarvaṃ kṛtvā pūrvadine yathā netrabaṃdhanaparyaṃtaṃ darśayenmaṇḍalaṃ guruḥ
Vayaviya Samhita — Uttara Bhaga 18.2
बद्धनेत्रेण शिष्येण पुष्पावकिरणे कृते यत्रापतंति पुष्णाणि तस्य नामा ऽस्य संदिशेत्
baddhanetreṇa śiṣyeṇa puṣpāvakiraṇe kṛte yatrāpataṃti puṣṇāṇi tasya nāmā 'sya saṃdiśet
Vayaviya Samhita — Uttara Bhaga 18.3
तं चोपनीय निर्माल्यमण्डले ऽस्मिन्यथा पुरा पूजयेद्देवमीशानं जुहुयाच्च शिवानले
taṃ copanīya nirmālyamaṇḍale 'sminyathā purā pūjayeddevamīśānaṃ juhuyācca śivānale
Vayaviya Samhita — Uttara Bhaga 18.4
शिष्येण यदि दुःस्वप्नो दृष्टस्तद्दोषशांतये शतमर्धं तदर्धं वा जुहुयान्मूलविद्यया
śiṣyeṇa yadi duḥsvapno dṛṣṭastaddoṣaśāṃtaye śatamardhaṃ tadardhaṃ vā juhuyānmūlavidyayā
Vayaviya Samhita — Uttara Bhaga 18.5
ततः सूत्रं शिखाबद्धं लंबयित्वा यथा पुरा आधारपूजाप्रभृति यन्निवृत्तिकलाश्रयम्
tataḥ sūtraṃ śikhābaddhaṃ laṃbayitvā yathā purā ādhārapūjāprabhṛti yannivṛttikalāśrayam
Vayaviya Samhita — Uttara Bhaga 18.6
वागीश्वरीपूजनांतं कुर्याद्धोमपुरस्सरम् अथ प्रणम्य वागीशं निवृत्तेर्व्यापिकां सतीम्
vāgīśvarīpūjanāṃtaṃ kuryāddhomapurassaram atha praṇamya vāgīśaṃ nivṛttervyāpikāṃ satīm
Vayaviya Samhita — Uttara Bhaga 18.7
मण्डले देवमभ्यर्च्य हुत्वा चैवाहुतित्रयम् प्रापयेच्च शिशोः प्राप्तिं युगपत्सर्वयोनिषु
maṇḍale devamabhyarcya hutvā caivāhutitrayam prāpayecca śiśoḥ prāptiṃ yugapatsarvayoniṣu
Vayaviya Samhita — Uttara Bhaga 18.8
सूत्रदेहे ऽथ शिष्यस्य ताडनप्रोक्षणादिकम् कृत्वात्मानं समादाय द्वादशांते निवेद्य च
sūtradehe 'tha śiṣyasya tāḍanaprokṣaṇādikam kṛtvātmānaṃ samādāya dvādaśāṃte nivedya ca
Vayaviya Samhita — Uttara Bhaga 18.9
ततो ऽप्यादाय मूलेन मुद्रया शास्त्रदृष्टया योजयेन्मनसाचार्यो युगपत्सर्वयोनिषु
tato 'pyādāya mūlena mudrayā śāstradṛṣṭayā yojayenmanasācāryo yugapatsarvayoniṣu
Vayaviya Samhita — Uttara Bhaga 18.10
देवानां जातयश्चाष्टौ तिरश्चां पञ्च जातयः जात्यैकया च मानुष्या योनयश्च चतुर्दश
devānāṃ jātayaścāṣṭau tiraścāṃ pañca jātayaḥ jātyaikayā ca mānuṣyā yonayaśca caturdaśa
Vayaviya Samhita — Uttara Bhaga 18.11
तासु सर्वासु युगपत्प्रवेशाय शिशोर्धिया वागीशान्यां यथान्यायं शिष्यात्मानं निवेशयेत्
tāsu sarvāsu yugapatpraveśāya śiśordhiyā vāgīśānyāṃ yathānyāyaṃ śiṣyātmānaṃ niveśayet
Vayaviya Samhita — Uttara Bhaga 18.12
गर्भनिष्पत्तये देवं संपूज्य प्रणिपत्य च हुत्वा चैव यथान्यायं निष्पन्नं तदनुस्मरेत्
garbhaniṣpattaye devaṃ saṃpūjya praṇipatya ca hutvā caiva yathānyāyaṃ niṣpannaṃ tadanusmaret
Vayaviya Samhita — Uttara Bhaga 18.13
निष्पन्नस्यैवमुत्पत्तिमनुवृत्तिं च कर्मणा आर्जवं भोगनिष्पत्तिः कुर्यात्प्रीतिं परां तथा
niṣpannasyaivamutpattimanuvṛttiṃ ca karmaṇā ārjavaṃ bhoganiṣpattiḥ kuryātprītiṃ parāṃ tathā
Vayaviya Samhita — Uttara Bhaga 18.14
निष्कृत्यर्थं च जात्यायुर्भोगसंस्कारसिद्धये हुत्वाहुतित्रयं देवं प्रार्थयेद्देशिकोत्तमः
niṣkṛtyarthaṃ ca jātyāyurbhogasaṃskārasiddhaye hutvāhutitrayaṃ devaṃ prārthayeddeśikottamaḥ
Vayaviya Samhita — Uttara Bhaga 18.15
भोक्तृत्वविषयासंगमलं १ तत्कायशोधनम् कृत्वैवमेव शिष्यस्य छिंद्यात्पाशत्रयं ततः
bhoktṛtvaviṣayāsaṃgamalaṃ 1 tatkāyaśodhanam kṛtvaivameva śiṣyasya chiṃdyātpāśatrayaṃ tataḥ
Vayaviya Samhita — Uttara Bhaga 18.16
निकृत्या परि बद्धस्य पाशस्यात्यंतभेदतः कृत्वा शिष्यस्य चैतन्यं स्वच्छं मन्येत केवलम्
nikṛtyā pari baddhasya pāśasyātyaṃtabhedataḥ kṛtvā śiṣyasya caitanyaṃ svacchaṃ manyeta kevalam
Vayaviya Samhita — Uttara Bhaga 18.17
हुत्वा पूर्णाहुतिं वह्नौ ब्रह्माणं पूजयेत्ततः हुत्वाहुतित्रयं तस्मै शिवाज्ञामनुसंदिशेत्
hutvā pūrṇāhutiṃ vahnau brahmāṇaṃ pūjayettataḥ hutvāhutitrayaṃ tasmai śivājñāmanusaṃdiśet
Vayaviya Samhita — Uttara Bhaga 18.18
पितामह त्वया नास्य यातुः शैवं परं पदम् प्रतिबन्धो विधातव्यः शैवाज्ञैषा गरीयसी
pitāmaha tvayā nāsya yātuḥ śaivaṃ paraṃ padam pratibandho vidhātavyaḥ śaivājñaiṣā garīyasī
Vayaviya Samhita — Uttara Bhaga 18.19
इत्यादिश्य तमभ्यर्च्य विसृज च विधानतः समभ्यर्च्य महादेवं जुहुयादाहुतित्रयम्
ityādiśya tamabhyarcya visṛja ca vidhānataḥ samabhyarcya mahādevaṃ juhuyādāhutitrayam
Vayaviya Samhita — Uttara Bhaga 18.20
निवृत्त्या शुद्धमुद्धृत्य शिष्यात्मानं यथा पुरा निवेश्यात्मनि सूत्रे च वागीशं पूजयेत्ततः
nivṛttyā śuddhamuddhṛtya śiṣyātmānaṃ yathā purā niveśyātmani sūtre ca vāgīśaṃ pūjayettataḥ
Vayaviya Samhita — Uttara Bhaga 18.21
हुत्वाहुतित्रयं तस्मै प्रणम्य च विसृज्य ताम् कुर्यान्निवृत्तः संधानं प्रतिष्ठां कलया सह
hutvāhutitrayaṃ tasmai praṇamya ca visṛjya tām kuryānnivṛttaḥ saṃdhānaṃ pratiṣṭhāṃ kalayā saha
Vayaviya Samhita — Uttara Bhaga 18.22
संधाने युगपत्पूजां कृत्वा हुत्वाहुतित्रयम् शिष्यात्मनः प्रतिष्ठायां प्रवेशं त्वथ भावयेत्
saṃdhāne yugapatpūjāṃ kṛtvā hutvāhutitrayam śiṣyātmanaḥ pratiṣṭhāyāṃ praveśaṃ tvatha bhāvayet
Vayaviya Samhita — Uttara Bhaga 18.23
ततः प्रतिष्ठामावाह्य कृत्वाशेषं पुरोदितम् तद्व्याप्तिं व्यापिकां तस्य वागीशानीं च भावयेत्
tataḥ pratiṣṭhāmāvāhya kṛtvāśeṣaṃ puroditam tadvyāptiṃ vyāpikāṃ tasya vāgīśānīṃ ca bhāvayet
Vayaviya Samhita — Uttara Bhaga 18.24
पूर्णेदुमंडलप्रख्यां कृत्वा शेषं च पूर्ववत् विष्णवे संविशेदाज्ञां शिवस्य परमात्मनः
pūrṇedumaṃḍalaprakhyāṃ kṛtvā śeṣaṃ ca pūrvavat viṣṇave saṃviśedājñāṃ śivasya paramātmanaḥ
Vayaviya Samhita — Uttara Bhaga 18.25
विष्णोर्विसर्जनाद्यं च कृत्वा शेषं च विद्यया प्रतिष्ठामनुसंधाय तस्यां चापि यथा पुरा
viṣṇorvisarjanādyaṃ ca kṛtvā śeṣaṃ ca vidyayā pratiṣṭhāmanusaṃdhāya tasyāṃ cāpi yathā purā
Vayaviya Samhita — Uttara Bhaga 18.26
कृत्वानुचिन्त्य तद्व्याप्तिं वागीशां च यथाक्रमम् दीप्ताग्नौ पूर्णहोमान्तं कृत्वा शेषं च पूर्ववत्
kṛtvānucintya tadvyāptiṃ vāgīśāṃ ca yathākramam dīptāgnau pūrṇahomāntaṃ kṛtvā śeṣaṃ ca pūrvavat
Vayaviya Samhita — Uttara Bhaga 18.27
नीलरुद्रमुपस्थाप्य तस्मै पूजादिकं तथा कृत्वा कर्म शिवाज्ञां च दद्यात्पूर्वोक्तवर्त्मना
nīlarudramupasthāpya tasmai pūjādikaṃ tathā kṛtvā karma śivājñāṃ ca dadyātpūrvoktavartmanā
Vayaviya Samhita — Uttara Bhaga 18.28
तपस्तमपि चोद्वास्य कृत्वा तस्याथ शांतये विद्याकलां समाधाय तद्व्याप्तिं चावलोकयेत्
tapastamapi codvāsya kṛtvā tasyātha śāṃtaye vidyākalāṃ samādhāya tadvyāptiṃ cāvalokayet
Vayaviya Samhita — Uttara Bhaga 18.29
स्वात्मनो व्यापिकां तद्वद्वागीशीं च यथा पुरा बालार्कसदृशाकारां भासयंतीं दिशो दश
svātmano vyāpikāṃ tadvadvāgīśīṃ ca yathā purā bālārkasadṛśākārāṃ bhāsayaṃtīṃ diśo daśa
Vayaviya Samhita — Uttara Bhaga 18.30
ततः शेषं यथापूर्वं कृत्वा देवं महेश्वरम् आवाह्याराध्य हुत्वास्मै शिवाज्ञां मनसा दिशेत्
tataḥ śeṣaṃ yathāpūrvaṃ kṛtvā devaṃ maheśvaram āvāhyārādhya hutvāsmai śivājñāṃ manasā diśet
Vayaviya Samhita — Uttara Bhaga 18.31
महेश्वरं तथोत्सृज्य कृत्वान्यां च कलामिमाम् शांत्यतीतां कलां नीत्वा तद्व्याप्तिमवलोकयेत्
maheśvaraṃ tathotsṛjya kṛtvānyāṃ ca kalāmimām śāṃtyatītāṃ kalāṃ nītvā tadvyāptimavalokayet
Vayaviya Samhita — Uttara Bhaga 18.32
स्वात्मनो व्यापिकां तद्वद्वागीशां च विचिंतयेत् नभोमंडलसंकाशां पूर्णांतं चापि पूर्ववत्
svātmano vyāpikāṃ tadvadvāgīśāṃ ca viciṃtayet nabhomaṃḍalasaṃkāśāṃ pūrṇāṃtaṃ cāpi pūrvavat
Vayaviya Samhita — Uttara Bhaga 18.33
कृत्वा शेषविधानेन समभ्यर्च्य सदाशिवम् तस्मै समादिशेदाज्ञां शंभोरमितकर्मणः
kṛtvā śeṣavidhānena samabhyarcya sadāśivam tasmai samādiśedājñāṃ śaṃbhoramitakarmaṇaḥ
Vayaviya Samhita — Uttara Bhaga 18.34
तत्रापि च यथापूर्वं शिवं शिरसि पूर्ववत् समभ्यर्च्य च वागीशं प्रणम्य च विसर्जयेत्
tatrāpi ca yathāpūrvaṃ śivaṃ śirasi pūrvavat samabhyarcya ca vāgīśaṃ praṇamya ca visarjayet
Vayaviya Samhita — Uttara Bhaga 18.35
ततश्शिवेन सम्प्रोक्ष्य शिष्यं शिरसि पूर्ववत् विलयं शांत्यतीतायाः शक्तितत्त्वे ऽथ चिंतयेत्
tataśśivena samprokṣya śiṣyaṃ śirasi pūrvavat vilayaṃ śāṃtyatītāyāḥ śaktitattve 'tha ciṃtayet
Vayaviya Samhita — Uttara Bhaga 18.36
षडध्वनः परे पारे सर्वाध्वव्यापिनी पराम् कोटिसूर्यप्रतीकाशं शैवीं शक्तिञ्च चिन्तयेत्
ṣaḍadhvanaḥ pare pāre sarvādhvavyāpinī parām koṭisūryapratīkāśaṃ śaivīṃ śaktiñca cintayet
Vayaviya Samhita — Uttara Bhaga 18.37
तदग्रे शिष्यमानीय शुद्धस्फटिकनिर्मलम् प्रक्षाल्य कर्तरीं पश्चाच्छिवशास्त्रोक्तमार्गतः
tadagre śiṣyamānīya śuddhasphaṭikanirmalam prakṣālya kartarīṃ paścācchivaśāstroktamārgataḥ
Vayaviya Samhita — Uttara Bhaga 18.38
कुर्यात्तस्य शिखाच्छेदं सह सूत्रेण देशिकः ततस्तां गोमये न्यस्य शिवाग्नौ जुहुयाच्छिखाम्
kuryāttasya śikhācchedaṃ saha sūtreṇa deśikaḥ tatastāṃ gomaye nyasya śivāgnau juhuyācchikhām
Vayaviya Samhita — Uttara Bhaga 18.39
वौषडंतेन मूलेन पुनः प्रक्षाल्य कर्तरीम् हस्ते शिष्यस्य चैतन्यं तद्देहे विनिवर्तयेत्
vauṣaḍaṃtena mūlena punaḥ prakṣālya kartarīm haste śiṣyasya caitanyaṃ taddehe vinivartayet
Vayaviya Samhita — Uttara Bhaga 18.40
ततः स्नातं समाचांतं कृतस्वस्त्ययनं शिशुम् प्रवेश्य मंडलाभ्यासं प्रणिपत्य च दंडवत्
tataḥ snātaṃ samācāṃtaṃ kṛtasvastyayanaṃ śiśum praveśya maṃḍalābhyāsaṃ praṇipatya ca daṃḍavat
Vayaviya Samhita — Uttara Bhaga 18.41
पूजां कृत्वा यथान्यायं क्रियावैकल्यशुद्धये वाचकेनैव मंत्रेण जुहुयादाहुतित्रयम्
pūjāṃ kṛtvā yathānyāyaṃ kriyāvaikalyaśuddhaye vācakenaiva maṃtreṇa juhuyādāhutitrayam
Vayaviya Samhita — Uttara Bhaga 18.42
उपांशूच्चारयोगेन जुहुयादाहुतित्रयम् पुनस्संपूज्य देवेशं मन्त्रवैकल्यशुद्धये
upāṃśūccārayogena juhuyādāhutitrayam punassaṃpūjya deveśaṃ mantravaikalyaśuddhaye
Vayaviya Samhita — Uttara Bhaga 18.43
मानसोच्चारयोगेन जुहुयादाहुतित्रयम् तत्र शंभुं समाराध्य मंडलस्थं सहांबया हुत्वाहुतित्रयं पश्चात्प्रार्थयेत्प्रांजलिर्गुरुः
mānasoccārayogena juhuyādāhutitrayam tatra śaṃbhuṃ samārādhya maṃḍalasthaṃ sahāṃbayā hutvāhutitrayaṃ paścātprārthayetprāṃjalirguruḥ
Vayaviya Samhita — Uttara Bhaga 18.44
भगवंस्त्वत्प्रसादेन शुद्धिरस्य षडध्वनः कृता तस्मात्परं धाम गमयैनं तवाव्ययम्
bhagavaṃstvatprasādena śuddhirasya ṣaḍadhvanaḥ kṛtā tasmātparaṃ dhāma gamayainaṃ tavāvyayam
Vayaviya Samhita — Uttara Bhaga 18.45
इति विज्ञाप्य देवाय नाडीसंधानपूर्वकम् पूर्णांतं पूर्ववत्कृत्वा ततो भूतानि शोधयेत्
iti vijñāpya devāya nāḍīsaṃdhānapūrvakam pūrṇāṃtaṃ pūrvavatkṛtvā tato bhūtāni śodhayet
Vayaviya Samhita — Uttara Bhaga 18.46
स्थिरास्थिरे ततः शुद्ध्यै शीतोष्णे च ततः पदे ध्यायेद्व्याप्त्यैकताकारे भूतशोधनकर्मणि
sthirāsthire tataḥ śuddhyai śītoṣṇe ca tataḥ pade dhyāyedvyāptyaikatākāre bhūtaśodhanakarmaṇi
Vayaviya Samhita — Uttara Bhaga 18.47
भूतानां ग्रंथिविच्छेदं कृत्वा त्यक्त्वा सहाधिपैः भूतानि स्थितयोगेन यो जपेत्परमे शिवे
bhūtānāṃ graṃthivicchedaṃ kṛtvā tyaktvā sahādhipaiḥ bhūtāni sthitayogena yo japetparame śive
Vayaviya Samhita — Uttara Bhaga 18.48
विशोध्यास्य तनुं दग्ध्वा प्लावयित्वा सुधाकणैः स्थाप्यात्मानं ततः कुर्याद्विशुद्धाध्वमयं वपुः
viśodhyāsya tanuṃ dagdhvā plāvayitvā sudhākaṇaiḥ sthāpyātmānaṃ tataḥ kuryādviśuddhādhvamayaṃ vapuḥ
Vayaviya Samhita — Uttara Bhaga 18.49
तत्रादौ शान्त्यतीतां तु व्यापिकां स्वाध्वनः कलाम् शुद्धामेव शिशोर्मूर्ध्नि न्यसेच्छान्तिमुखे तथा
tatrādau śāntyatītāṃ tu vyāpikāṃ svādhvanaḥ kalām śuddhāmeva śiśormūrdhni nyasecchāntimukhe tathā
Vayaviya Samhita — Uttara Bhaga 18.50
विद्यां गलादिनाभ्यंतं प्रतिष्ठां तदधः क्रमात् जान्वंतं तदधो न्यस्येन्निवृत्तिं चानुचिंतयेत्
vidyāṃ galādinābhyaṃtaṃ pratiṣṭhāṃ tadadhaḥ kramāt jānvaṃtaṃ tadadho nyasyennivṛttiṃ cānuciṃtayet
Vayaviya Samhita — Uttara Bhaga 18.51
स्वबीजैस्सूत्रमंत्रं च न्यस्यां गैस्तं शिवात्मकम् बुद्ध्वा तं हृदयांभोजे देवमावाह्य पूजयेत्
svabījaissūtramaṃtraṃ ca nyasyāṃ gaistaṃ śivātmakam buddhvā taṃ hṛdayāṃbhoje devamāvāhya pūjayet
Vayaviya Samhita — Uttara Bhaga 18.52
आशास्य नित्यसांनिध्यं शिवस्वात्म्यं शिशौ गुरुः शिवतेजोमयस्यास्य शिशोरापादयेद्गुणान्
āśāsya nityasāṃnidhyaṃ śivasvātmyaṃ śiśau guruḥ śivatejomayasyāsya śiśorāpādayedguṇān
Vayaviya Samhita — Uttara Bhaga 18.53
अणिमादीन्प्रसीदेति प्रदद्यादाहुतित्रयम् तथैव तु गुणानेव पुनरस्योपपादयेत्
aṇimādīnprasīdeti pradadyādāhutitrayam tathaiva tu guṇāneva punarasyopapādayet
Vayaviya Samhita — Uttara Bhaga 18.54
सर्वज्ञातां तथा तृप्तिं बोधं चाद्यन्तवर्जितम् अलुप्तशक्तिं स्वातन्त्र्यमनंतां शक्तिमेव च
sarvajñātāṃ tathā tṛptiṃ bodhaṃ cādyantavarjitam aluptaśaktiṃ svātantryamanaṃtāṃ śaktimeva ca
Vayaviya Samhita — Uttara Bhaga 18.55
ततो देवमनुज्ञाप्य सद्यादिकलशैस्तु तम् अभिषिंचेत देवेशं ध्यायन्हृदि यथाक्रमम्
tato devamanujñāpya sadyādikalaśaistu tam abhiṣiṃceta deveśaṃ dhyāyanhṛdi yathākramam
Vayaviya Samhita — Uttara Bhaga 18.56
अथोपवेश्य तं शिष्यं शिवमभ्यर्च्य पूर्ववत् लब्धानुज्ञः शिवाच्छैवीं विद्यामस्मै समादिशेत्
athopaveśya taṃ śiṣyaṃ śivamabhyarcya pūrvavat labdhānujñaḥ śivācchaivīṃ vidyāmasmai samādiśet
Vayaviya Samhita — Uttara Bhaga 18.57
ॐकारपूर्विकां तत्र संपुटान्तु नमो ऽंतगाम् शिवशक्तियुताञ्चैव शक्तिविद्यां च तादृशीम्
oṃkārapūrvikāṃ tatra saṃpuṭāntu namo 'ṃtagām śivaśaktiyutāñcaiva śaktividyāṃ ca tādṛśīm
Vayaviya Samhita — Uttara Bhaga 18.58
ऋषिं छन्दश्च देवं च शिवतां शिवयोस्तथा पूजां सावरणां शम्भोरासनानि च सन्दिशेत्
ṛṣiṃ chandaśca devaṃ ca śivatāṃ śivayostathā pūjāṃ sāvaraṇāṃ śambhorāsanāni ca sandiśet
Vayaviya Samhita — Uttara Bhaga 18.59
पुनः संपूज्य देवेशं यन्मया समनुष्ठितम् सुकृतं कुरु तत्सर्वमिति विज्ञापयेच्छिवम्
punaḥ saṃpūjya deveśaṃ yanmayā samanuṣṭhitam sukṛtaṃ kuru tatsarvamiti vijñāpayecchivam
Vayaviya Samhita — Uttara Bhaga 18.60
सहशिष्यो गुरुर्देवं दण्डवत्क्षितिमंडले प्रणम्योद्वासयेत्तस्मान्मंडलात्पावकादपि
sahaśiṣyo gururdevaṃ daṇḍavatkṣitimaṃḍale praṇamyodvāsayettasmānmaṃḍalātpāvakādapi
Vayaviya Samhita — Uttara Bhaga 18.61
ततः सदसिकाः सर्वे पूज्याः पूजार्हकाः क्रमात्
tataḥ sadasikāḥ sarve pūjyāḥ pūjārhakāḥ kramāt
Vayaviya Samhita — Uttara Bhaga 18.62
सेव्या वित्तानुसारेण सदस्याश्च सहर्त्विजः वित्तशाठ्यं न कुर्वीत यदीच्छेच्छिवमात्मनः
sevyā vittānusāreṇa sadasyāśca sahartvijaḥ vittaśāṭhyaṃ na kurvīta yadīcchecchivamātmanaḥ
Vayaviya Samhita — Uttara Bhaga 18.63